AMOS 4:13 - DAÜLANGPÜ LAIHING (BSI)

¹³ Veituh, üpai kahshangthü shüknya, hatü vanglük lingnya, shennyak kü büpalei mongdeih ngaiyei enya, dhomi vangnyak leitüknya, hatü kahdok shaopüthü kü kamnya, hapayü Jeiyong Shembüpa Kahvang, büpalei men nyüke.

AMOS 4:13 Referans Kwoze

AMOS 5:8

Üpai lithathü, Pleiades hatü Orion lingpa, hatü shangmangi nepnüng leitüknya, hatü nyihnüngi vangnyak leitüknya, üpai yungching yung kü nyüknya, hatü kahdok kü vang keihünya, hayü Shembüpa, büpalei men nyüke.

MIKA 1:3

Veituh, Shembüpai daülangpü büpa nyushing kübü vamei peikünyüke, hatü büpa yiüei kahdoknyü kübü kahshangthü kü shouphen.

AMOS 9:6

Shembüpai büpa nyushing vangshothü kü lingnyeih, hatü chongnyiam shing kahdoknyü kü lingnyeih. Büpai yungching yung kü nyüknyeih, hatü kahdok shak kü langnyüpeih, Shembüpayü büpalei men nyüke.

ISAIAH 47:4

Daülangpü Israel Kahvangü jen Yemleibü; büpalei menü Jeiyong Shembüpa.

DANIEL 2:28

shejao shahjo shakei vamei epü Kahvang hük vangsholei nyüpeih. Büpai Nebukadnezzar ong kü ngoikahen nyihthü kü mehe vamhen huteke. Nüng lüngei lemshi nyushi eepü nüngei mangh hatü manghkhangü hathü shüpü khih:

JEREMIAH 13:16

Büpai vangnyak koei peikü shekü, hatü vangngai pibom kü nüngei la-i kahshangthü kü huluh shuohhü shekü, Shembüpa, ammei Kahvang kü müknyinshekhang shuohtuh. Mechem nüngi vangngai kü veihen, büpai shangmang hatü vangnyak leitüknyeih.

MENVIH KESHO 65:6

Nüngei wongi kahshangthü chongnyiam lingei tuh; nüngü wongi maei nyüke.

SHAHKÜP 33:29

Amphongü moihimanpü, Oh Israel! Am keiha üam nyüpa? Shembüpai yangpü nanglakthü, Büpayü ammei Ii hatü sheühbü, hatü ammei yanlu. Ammei vepathüi am kü yüei peikahen, hatü ammi jomei dok kü shouphen.”

ZEKHARIAH 12:1

Hapayü Israel am nangkü Shembüpalei shah nyüke: Shembüpa, üpai vangshothü paanei kangei deishihpa, üpai kahdoknyü chongnyiam lingpa, hatü üpai hangkuli kü laangha lingpa, büpai enyüke:

AMOS 8:9

Hapa nyih kü, Shembüpa Kahvangi enyüke: “Ngei vanghenyü haümhah hepak kü shüshihtükhen, hatü nyihnüng heshoya vangnyak leitükhen.

JEREMIAH 51:19

Jakob Kahvangü hapakei nevai; büpayü lemphü douthü Lingbü, Israelü laophülei mükjüp jat vaishi jeteke; Jeiyong Shembüpa büpalei men.

JEREMIAH 10:16

Jakob Kahvangü hathü kei nevai; mehenangkü büpayü lemphü Lingbü; büpalei mükjüp jat Israel amao omei Shembüpa Kahvangü büpalei men.

ISAIAH 40:12

Üpai laophülei lakei yungching notü shet-aoknya? nevaijü laophülei lakkhami vangshothü shetaoknya? Üpai mühdow kü shihtü kahdoknyü noei aoknya? nevaijü kahshang hatü shangtaothü dok kü shihtü dokaoknya?

SHAHKÜP 32:13

Büpai jom phaüshang kahdok shaopülei nyükteke, hatü kahdok kü vampü betjüki jom haümteke. Büpai jom yaong kübü nyahjiüi, hatü yaonglang kübü olive mainga-i haümteke.

MÜLANGPÜ 14:20

Ijip hatü Israel am veshanthü aa kü itteke. Vangngaishi phumi Ijip am phikü vangnyak peihü, shejao Israel am phikü vangngai shuoh, hatü veshanthü hüki hük yopailei nepeiteiaok.

MÜLANGPÜ 10:22

Hanangkü Mosai vangsho philei büpalei lak haong, hatü nyih jem thahshi Ijip kahdok kü shangmang peiteke.

JOHAN 3:8

Vanglüki melemei lükhünya, halemei lüknyüke. Nüngi hapalei ngeü dannyüke, shejao nüngi ha melemeipü peinya, hatü melemei dainya, ha nüngi nenying. Hapa keiha Laangha kü angpü peü nyunyüpeih.

HABAKKUK 3:19

Shembüpa Kahvang, Shembüpayü ngelei wong; büpai ngelei la shaokei la keiha lingphünyeih, hatü kahshang shaopüthü kü shouphünyeih. Kesho mübü kü ngei nyiamvü kohpü liping noei loknyüpeih.

AMOS 6:8

Jeiyong Shembüpai büpa nyingi vangeishuwteke Jeiyong Shembüpai enyüke: “Ngei Jakob changmeipü nelümnyih, hatü jomei penyüsha kü jiühitnyeih. Ngei hapa chingnyü hatü halei nyupü lemphü vepa kü shuohtükhen.”

AMOS 5:27

mechem ngei am Damaska homei lebü kahdokei wüpküpei küphen müei daihenshang ammi hathü koei daihen, Shembüpa, üpalei men Jeiyong Kahvang nyüpa, büpai enyüke.

AMOS 3:13

Hapa bangtuh, hatü Jakob phang khüei denpü shuohtuh shei Jeiyong Shembüpai enyüke.

JEREMIAH 51:16

Mechem büpai vangmuk khunghen, vangsho leipü yungthü ngüngnyüpeih; Büpai kahdoknyü dohpü leipü phumthü vamhünyeih. Büpai vang mü klang shomnyeih, hatü büpai tuhshing leipü vanglük shomnyeih.

JEREMIAH 10:13

Mechem büpai vangmuk khunghen, vangsho leipü yung vaünyeih; büpai kahdok dohpü jung phileipü phum vamhünyeih. Büpai vang mü klang shomnyeih, hatü büpai tuhshing leipü vanglük ngainyüpeih.

ISAIAH 48:2

Am nyingi daülangpü chingnyü kübü bümeiyangma hih shei, hatü Israel Kahvang, Jeiyong Shembüpa kü mongnyangshi nyunyeih shei ehahnyüke.

ISAIAH 5:30

Yungching yungmok ngeü keiha hapa nyih jomi hapa nangkü ngünghen. Hanei-i kahdokei veijü vangnyak, hatü shanghah mon eehen, phumnyaki vangngaiyao vangnyak leitükhen.

MENVIH KESHO 147:18

Büpai büpalei shah shomei hathü nyaütüknyeih; büpai büpalei vanglük lükhünyeih, hatü yung yenhünyeih.

MENVIH KESHO 139:2

Nüngi ngei uo ngei yaong nyingei nyüke; tailei-üng nüngi ngelei mongdeih nyingei nyüke.

MENVIH KESHO 135:7

Kahdok jung leipü phum vamhüpeyü büpa hih; büpai vang shing klang lingnyeih, hatü büpai tuhshing leipü vanglük vamhünyeih.

JOHAN 2:25

hatü büpa shingvaishi shennyak hük shing shennyak hük leipü denpü nadang neshiü; mehenangkü shennyak peü kü mehe nyu, ha büpai nyingdaikem.

MATHI 9:4

Shejao jomi deihpü Jisui nyingei, “Ammei mongkü mehekei ten deihnya?

DANIEL 2:30

Shejao ngei kü ha shah shakei vamhüpeyü ngei mih mü hayaoha nyeinya kihikon kohpü nangkü nevai, shejao Oh Ongpa, nüng hatü nüngei mongkü peipü mongdeih nyinghen shingvaishi ngei kü ha shakei vamhüpeih.

JOEL 2:2

Hapayü vangnyak hatü vang yimpü nyih hük, phumnyaki jümpü shangmang nyih hük vaikahen! Vang mangei kahshangthü banglangpü keiha, longpü, hatü wong kohpü veshanthü kei shouk peikünyüke; Aivang den kao jom mechemao hapakei nenyu, nevaijü ngoikahen denhivan kao hapakei nechongkahen.

JOB SHAHSHA APPÜ 9:7

Büpai ngeükhüam shuohjü vanghenyüao neaongi dohdainyeih, hatü büpai lithathü vangngai nenyahüi dohtüknyeih.

ISAIAH 45:7

Ngei vangnyak hatü vangngai nyiphen lingnyüpeih; Ngei shanghah hatü moihiman nyiphen shuohnyüpeih; Ngei, Shembüpai hathü dou peü düknyüpeih.

JEREMIAH 46:18

Ngeiyü vanyangyem Kahvang, Jeiyong Shembüpa, ongpa. Kahshangthü peü mü Tabor Kahshang shaopü keiha, yungching shangkü Karmel kahshang shaopü keiha, am hahhen hük peikahen.

HOSEA 12:6

Hanangkü am Kahvang touei mong leptuh; bampü hatü shahhing kü shongtuh, hatü düngei ammei Kahvang om dantuh.