AMOS 4:10 - DAÜLANGPÜ LAIHING (BSI)

¹⁰ Ngei Ijip am kü shompükei am kü cham shom, ngei ammei nethethü vehok kü jütük, hatü koyeithü yah-ei lüdai; Ammei shemei mahngshie ngü püpai ammei shongsha mahü, shejao am ngei touei mong nelep shei Shembüpai enyüke.

AMOS 4:10 Referans Kwoze

SHAHKÜP 28:60

Büpai am kü Ijiplei ammi nyempü dinlemthü shomphahen, hatü ha kübü am nemeiaokhen.

JOEL 2:20

Ngei am toueipü apsha kübü vepa taishi changtükphahen; Jom hanei bhih kahdokei changtükhen. Shelei shaongpüthü Dipü Yungchingei, hatü ngaümpheilei müpüthü peü Mediterranean Yungchingei hüngtükhen. Jomei büm peü shehen hatü shie büei aonghen. Hingmei büpai dou longpü dükteke.

2 ONGPATHÜ 13:7

Hanangkü koyei veshan pinyipüan, koyei khari an, hatü la mü daiyei hokpü veshan haja an mü lenei Jehoahazlei veshan lebü ne-ao; mehenangkü Aram ongpai kübhih leishi shuopei mahtükkem.

LEVI 26:25

Vangpüshuwpü mangtükpü shingvaishi bhüh hahhen ngei vehok koei peikahen, hatü ammei chingnyüthü mongei yanglem yemei thaiyei küpshi nyulangmao ngei am touei nemeiaokbenüng dinten shuohhen, hatü ammei vepathülei lak kü lanei shuohtükhen.

SHAHKÜP 7:15

Shembüpai amphong dinlem nemeipü peü kübü yanghen. Amphong Ijiplei ponghahpükei chamhilem nemeipai nehanghihüpih, shejao büpai ammei vepathü kü hathüi hanghihühen.

AMOS 8:3

Hapa nyih phopshemei lokpü haipeyü mahng theppü leihen. Shing peüei mahmahng longi nyuhen. Jomü lavüngtoipü shing kü yakphonghen.”

AMOS 4:6

Ngei ammei chingnyü peü kü vomkong nyuhen shuohteke, hatü jila peü kü hahyingi taohü, shejao ngei touei am mong nelep shei Shembüpai enyüke.

JEREMIAH 18:21

Hanangkü jomei hapeüthü münghishaü kü yah-eishuoh; vepalei yan kü lanei yah-eishuoh. Jomei nyühathü hapeü neshiüi nyülan hatü vaümnyü leihütuh. Jomei bahathü jütükkemtuh, jomei nethethü vehok kü yani mahkemhütuh.

JEREMIAH 11:22

Hanangkü Shembüpai hapakei enyüke: Ngei jom hanghihühen; nelathü yani mahhen, hapeüthü shaühile homei dihen;

2 ONGPATHÜ 13:3

Hanangkü Shembüpai Israel am kü longi mongshihpü nangkü hepak luangi Aram am Hazael ongpa, hatü Hazaelei cheha Ben-Hadad nyilei lak kü nyokei leiyei shuoh.

SHAHKÜP 28:22

Shembüpai am kü thahteibenüng dinten, daopü poukpü hatü pheüi shanghahhühen; büpai am kü nyahpüshampü, üpüvanpü shomei ammei sheilivungla mangtükhen.

LEVI 26:16

ngei am kü hapakei dükhen: Ngei am kü nyempühanpü, nemeiaokbenüng dinten, pheühileü homei mükhina tenei yangnyu lomohhen koei peikahen; ammi sheipü sheili angsha vaitükhen; mehenangkü ammei vepathüi hapa hahtükhen.

MÜLANGPÜ 8:19

Nganbüthüi Pharaoh kü, “Hapayü Kahvangi lakhüngnyu khih” shei eteke. Shejao Shembüpai epü keiha Pharaoh mong vaanteke, hatü büpai ha nebang.

JEREMIAH 48:15

Moab am jütükhen, hatü jomei jilathü hahtükhen; jomei peü mü meipü nethethü jüshingei müei daihen shei ongpa, üpalei men Jeiyong Shembüpa nyu, büpai ha enyüke.

JEREMIAH 16:4

Jom dinten vamei dihen. Jom kü üpaiyao mahng nethephen, nevaijü jomei mahng nevühen; jomü kahdok shak kü mohoh het kei yaüshi nyuhen. Jomü yan hatü münghishaü-i dihen, hatü jomei mahng asha alang, hatü phaüyemthülei phai vaihen.

JEREMIAH 15:3

Ngei jom mahhühen doulem ali temhen shei Shembüpai enyüke, “Jom jühen yan, jom shüei daihen shithü, hatü jom hahtükhen shangou hatü yemhimakthü,

JEREMIAH 9:22

Shembüpai hapakei enyüke shei etuh! “Hangku mahngü chingyangshongei nühinam shüngpükei nyuhen, hah vetpü am pheikü manang yaüpükei nyuhen, hatü hathü üpaiyao nejunghen.”

JEREMIAH 6:11

Shejao ngeiyü Shembüpalei mongshih-i maei nyüpeih; ngei ha kopai nyiudaitü nyüpeih. Chingyangshongei hashihthü kü, hatü nethethü thaipüyupü kü ha khüpeishuoh; Nyühipa nyiphen yah-ei lüdaihen, viünyü viüpa kemei deilanghen.

ISAIAH 9:13

Shembüpai hajük Israel am kü hanghi shuohjao, mong lepei nelei, nevaijü büpa neyemnyu.

2 ONGPATHÜ 10:32

Hathü nyih kü Shembüpai Israel kahdok bhihtük maantükhen pangteke. Hazael ongpai Israel amei kahmük peü neüei,

2 ONGPATHÜ 8:12

“Ngelei shembü, nüng mehekei thepnya?” shei Hazaeli phe. Büpai jangei, “Mehenangkü nüngi Israel am kü dükhen nemeipü douthü ngei nyingnyüke. Nüngi jomei pe showtükpü chingnyüthü awi haptükhen, jomei nethethü nüngi jükemhen, jomei maanpü hashihthü yah-ei kahdokei shüktü jütükhen, hatü jomei büm nekongpü nyühathülei vom shaakei jükemhen khih” shei e.

MÜLANGPÜ 15:26

Büpai, “Ammi Shembüpa, ammei Kahvangei ngeü kenhingei bangjema, hatü büpa touei mehe jiüpa, ha dükjema, hatü büpai kangpü kü ven bangei büpalei shahkungnyü noteijema, ngei Ijip am kü shuohbenüng dinlem meheyao am kü neshuohpih; mehenangkü ngeiyü din meihüpü Kahvang hih” shei eteke.

MÜLANGPÜ 14:4

Ngei Pharaohlei mong vaanhühen, hatü büpai jom kü changhen. Shejao Pharaoh hatü büpalei veshanthü shak kü ngei müknyinshekhang danghen, hatü Ijip ami ngeiyü Shembüpa shei nyinghen” shei eteke. Israel ami jom kü eshuohpükei dük.

MÜLANGPÜ 10:27

Shejao Shembüpai Pharaohlei mong vaanhü, hatü büpai jom neleishihhü.

MÜLANGPÜ 10:3

Hanangkü Mosa hatü Aaron nyi Pharaoh touei peiyei büpa kü, “Shembüpa, Hebrew ammei Kahvangi hapakei enyüke: Meshükpa nüngi ngei touei maanpü neleihünya? Ngei kü khümhen shingvaishi ngelei nanglakthü leishihtuh.

MÜLANGPÜ 9:17

Shejao shaang ngoishi nüngi ngelei nanglakthü shak kü changmeinyüke, hatü jom neleishihnyu.

MÜLANGPÜ 9:12

Shejao Shembüpai Pharaohlei mong vaanhü, hatü Shembüpai epü keiha büpai jiji-i epü kü nebang.

SHAHKÜP 28:21

Am peiyei nyuhen kahdokei amphong peü dinlemi mangdikem thahshi Shembüpai cham peihühen.

ISAIAH 9:17

Hanangkü Shembüpai thehilathü kü neshinshangnyu, nevaijü jomei hashihha hatü vaümnyüthü kü nephahjinyu; mehenangkü peüi Kahvang nenying, hatü mang dükpüthü mon, hatü peüei jui ngashah enyüke. Hapaiyao büpa mongshihpü nemeinyu; hatü büpalei lak shaang thahshi noshi nyüke.

ISAIAH 34:3

Jomei mahng kemei yaktükhen, jomei mahng shie bühen; kahshangthü kü jomei iy yenhen.

ISAIAH 50:11

Shejao am peü aw jakpüthü, awjung hühteipüthü; Ammi jakhahpü awbhaong kü, hatü ammi jakpü awlom kü kamtuh. Ngelei lak leipü ammi hapa danghen, am hanghi kü lemshi nyuhen.”

JEREMIAH 49:26

Hingmei, haleipü nethethü chingshongei dikemhen; Jomei veshanthü peü ha nyih nendaihen shei Shembüpai enyüke.

ISAIAH 9:12

Aram am heongphi leipü, hatü Philistia am heshüphi leipü peiyei ju katü Israel am lühtükteke. Hapaiyao büpa mongshihpü nemeinyu; büpalei lak shaang thahshi noshi nyüke.

JEREMIAH 5:3

Oh Shembüpa, nüngei müki shahhing kü neveinyu je? Nüngi jom kü bheiteke, shejao jom kü tüngei nepeinyu; nüngi jom kü ngümshuohjao, jomi yeanpü neyahnyu. Jomei mong yaong mao vaanpüba leinyüke, hatü jom mong lepei neleinyu.

HOSEA 11:5

Jom mong nelephüpü nangkü Ijiplei nyokei daihen, hatü Assyria amü jomei ong vaihen.

HAGGAI 2:17

Ngei ammi sheipülipü peü vanglük shami hatü shüyaongi mangtükpeih, shejoong am mong neleppeih.