AMOS 3:8 - DAÜLANGPÜ LAIHING (BSI)

⁸ Mailang vaüjü üpai nenyemhenang? Shembüpa Kahvangi mechem ehen, üpai netetnevani nyuaokhenang?

AMOS 3:8 Referans Kwoze

PHONGSHANTHÜ DOU 4:20

mehenangkü mehe hami ee, hatü dan, ha ne-e-i nenyuaokpih” shei jangei e.

AMOS 3:4

Hahying neshiüjü yingnyülei mailang vaünyu hiang? Büpai meheyao neyepjü jepei ngüngnyu hiang?

JEREMIAH 20:9

“Büpa jung ne-etei-ü, nevaijü büpalei men hajük kü ne-etei-ü shei ejao, ngelei mongdang mongei büpalei shah-ü aw kei, hatü ngelei vangni mongei aw bahpükei shaamnyüke. Ngei hapa noshi nyiudaiteke, hingmei ngei neaoknyu.

AMOS 1:2

Amos-i e: Shembüpai Zion Kahshang leipü ngüngnyüke, hatü Jerusalem kübü büpalei ngeü annyüke; mi yombüthülei het ühshing phenha kaudaiteke, Karmel kahshang leipü thüng vandaiteke.

SHAKEI VAMPÜ 5:5

Hahepak kü behethü khongkü hüki ngei kü, “Nüng tethep. Veituh, hapa laidü ap-aokhen hatü füoshang nyet mangtükhen Judah jat amei Mailang, Davidei tünglangi aokpü dangteke” shei eteke.

1 KORINT 9:16

Ngei shahjangmei baongjema, ngei changmeihen laphen neshiü; mehenangkü chongvenhenü ngei kü nangtükpü dou, hatü ngei ha shahjang meipü nevenjema ngei onyükei!

AMOS 2:12

Shejao ammi Nazirit am kü yiü yingshuohnyüke, hatü thibüthü kü thihivam shah te-ekei shei khüamnyüke.

PHONGSHANTHÜ DOU 5:29

Shejao Peter hatü phongshanthüi, “Hami shennyak leimeyü Kahvangei shah banghen.

PHONGSHANTHÜ DOU 5:20

“Daituh, phopshem chingkonei yaongtü nanglakthü kü hapa yangnyu ja shahjang peü eyeishuoh” shei eteke.

ISAIAH 31:4

Shembüpai ngei kü hapakei enyüke: “Mailangi het yemei vaüshingkü, mi yombüthüi chemi vaülangmao, jom vaüpai shei mailang nenyempükei, nevaijü nenyülüppükei, Jeiyong Shembüpai Zion Kahshang, hatü haleipü shangtaothü nangkü hokhen yiükahen.

EZEKIEL 29:21

Hapa nyih ngei Israel am phang vaung koh-ei longhühen, hatü ngei jom touei Ezekiel, nüngei ju aphühen. Shejüang jomi ngeiyü Shembüpa Kahvang khih shei nyinghen.

ISAIAH 21:10

Oh hahten shingei shuoppükei, Oh ngelei nanglak Israel kü shuoptükteke. Shejao Jeiyong Shembüpa, Israel Kahvang leipü mehe shahjangmei danpa, ngei ha am kü ephünyeih.

JEREMIAH 26:12

Hahepak kü Jeremiah-i lakchongbüthü hatü nanglakthü peü kü eteke: “Hapa phopshem hatü hapa chingnyü khüei ngei eyei ammi danpü shahthü peü teteivanei ehen shingvaishi Shembüpai ngei shompeih.