AMOS 3:6 - DAÜLANGPÜ LAIHING (BSI)

⁶ Mechem vebaong shemm kaonghenshang, nanglakthü nenyemnyu hiang? Shembüpai neshompheikü chingnyü hük kü vongshüh peinyu hiang?

AMOS 3:6 Referans Kwoze

ISAIAH 45:7

Ngei vangnyak hatü vangngai nyiphen lingnyüpeih; Ngei shanghah hatü moihiman nyiphen shuohnyüpeih; Ngei, Shembüpai hathü dou peü düknyüpeih.

ZEPHANIAH 1:16

Penyü showtükpü chingnyüthü, hatü veyomdü khüei amit vüngpü, hatü veshanthü hok chengpü nyih hük vaikahen.

2 KORINT 5:11

Hanangkü Shembüpa kü nyemhenü mehe ha hami nyingei mih yawhhen khenyeih. Ham meheshang ha Kahvangi nyingdai, hatü ammei mongeiyao ham nyingei shiühen shei ngei monglemnyeih.

KAHBHAO 50:20

Amphongi ngei kü nemei-i dükhen deihjao Kahvangi hapayü shinnyih büpai dükpükei shennyak longi yangei tuhhen med kü mei leitü deihpeih.

PHONGSHANTHÜ DOU 2:23

Kahvangei küpjan hatü yeihshi nyingei nyupükei hapa shennyak ammei lak kü lanei shuoh, hatü ammi nemeipüthülei lak homei büpa shophang kü apei jütük.

JEREMIAH 6:1

Oh Benjamin nanglakthü! Jerusalem leipü yanglem yemei nyaidaituh! Tekoalei amit vüngtuh, Beth-Hakkeremlei nyangeihepü aw hük shuohtuh! Mehenangkü apshaphi leipü shanghah hük vamkünyüke, nyemshi mangtükhen hük peikünyüke.

JEREMIAH 4:5

Judahlei leneishuoh, Jerusalemei baongeishuoh, Kahmük kempülei amit vüngtuh, wongmü lenei etuh, “Thaikemtuh, hatü penyü showtükpü chingnyü mongei shütuh” shei etuh.

PHONGSHANTHÜ DOU 4:28

Nüngei ngan hatü nüngi yeihshi mebü ha vamhühen shei mongei tempü küpjan khüei lemphü dükhen jom thainyüke.

EZEKIEL 33:3

hatü büpai vepa peijapü eeyei nanglakthü hakahen shingvaishi amit vüngjema,

JEREMIAH 10:7

Üpai nüng kü dhüm neshuohhenang, Oh jatthü kü ongpa? Hapayü nüng kü shuohhen shangpü dhüm. Jatthü kü nahpülangpüthü peü khongkü, hatü ongchingthü peü khongkü nüng kei üpayao neshiü.

HOSEA 5:8

Gibeahlei vehok amit vüngtuh, Ramahlei veshemm kaongtuh. Beth-Avenlei men dhüngtuh, thepju kü heihtuh, Oh Benjamin.

JEREMIAH 5:22

Ngei kü nenyemnyu je? shei Shembüpai enyüke. Nüngi ngei touei nekheünyu je? Ngei yungching kü viongü bhih moni kungtü tuhpeih; lenei neheihhen mü denshing viong lingpeih; yungmoki yung lemei heihjao hapai neaoknyu; jom ngüngjao jomi ha peih-ei neheih-aoknyu.

JEREMIAH 4:19

Ngelei mongshang, ngelei mongshang! Mongdang bhaohen mü tüngnyüke! Oh, ngelei mong kü mongshang! Ngelei mongdang tuknyüke, hatü ngei nenmü nenyuaoknyu. Mehenangkü ngei amit vüngpü dannyüke, hatü thep nyükpü ngei dannyüke.

AMOS 3:5

Taikam neshiüshiüi ou-i tai kü mannyu hiang? Meheyao nemanmani taikam shaatei aongdainyu hiang?

ZEKHARIAH 8:10

Hapa hepak shekeyü shennyak hatü yemhimak yemhahleying shing neshiüi nyuhampeih. Vepa kü nyempü nangkü üpayao meishi lathahlatying longteihen neaoki nyupeih; mehenangkü ngei hüki hük khüteihen mü leihüpeih.

2 ONGPATHÜ 6:33

Büpai hapa jom mü etei-i nyushi ongpa büpa touei peiyei, “Hapa shanghah-ü Shembüpa leipü peipeih! Hajük thahshi mehekei ngei Shembüpa kü monglemei danhenang?” shei e.