AMOS 3:14 - DAÜLANGPÜ LAIHING (BSI)

¹⁴ Ngei Israel am jomei mang nangkü hanghihüpü nyih ngei Bethel leipü moidü peü mangtükhen, hatü moidü leipü shongnyü douthü mangtükhen, hatü kahdokei dodaihen.

AMOS 3:14 Referans Kwoze

2 ONGPATHÜ 23:15

Nebatei cheha Jeroboami Bethelei lingpü moidü, mepa homei Israel am mang thahhü, büpai hapayao bentük. Büpai vaümchongthü awi haptük hatü khih mü nihtük hatü Asherah kahvangao aw kü jaktük.

AMOS 9:1

Ngei moidü touei Shembüpa yaongshi ee, hatü büpai eteke: Chongnyiam shing jenhen mü phopshem shemnyü ajung kü hateishuoh, hatü hathü benei nanglakthülei shangjing kü shükeishuoh, hatü ha kübü yangpüthü ngei ngelei yani mahtükhen. Jom hükao nyaiyei nedaiaokhen, jom hükao neyanghen.

2 SHÜPPÜKENGPÜ 31:1

Mechem moei kempa, halei thaipü Israel am kemei Judah jilathülei yanei daiyei daülangpü yaong shemnyüthü hatü Asherah nyüha kahvangei lajeithü mangtük. Jomi Judah, Benjamin hatü Ephraim hi Manasseh kü nyupü vaümchong hatü moidü peü bentük. Jomi hathü peü mangtükpheikü Israel ami laophü laophülei ching hatü kahphei shemshing yemei leidaikem.

MÜLANGPÜ 32:34

Shaang, nüng leituh, hatü ngei nüng kü epü shingei nanglakthü müei daituh, hatü ngelei vangsho phongshan am shekü shongkahen. Shejoongpa, mechem hepak ngoihenshang ngei khüei mang thahpüthü jomei mang nangkü hanghihühen” shei eteke.

AMOS 2:8

Phoppü shing peü kü jomi taopathü leipü hang nangkü yahpü ashak nyemtü lemnyüke; Jomi Kahvangei shemei hang kü yahpü yiü yingnyüke.

AMOS 4:4

Bethelei daituh hatü mang thahtuh, Gilgalei heihtuh hatü nyeinya mang düktuh. Ammei jakpü moila nepjeih deikei, ammei ankhong moila nyih jem nyih jem kü deikei.

AMOS 7:10

Hahepak kü Bethel leipü ngongpa Amaziah-i Israel amei ongpa Jeroboam touei shahjang shom: “Amos-i nüng khüei Israel kahdok kü küpjan nemeipü lingnyüke. Büpalei shah-i kahmük tentükhen khih.”

AMOS 7:13

Hajük kü Bethelei teteivanei meheyao te-ekei; mehenangkü hatou shingü ongpalei daülangpü shing, hatü hapa ongchingei khümshem nyüke.”

AMOS 7:9

Isakei hühihathü khümshing mangtükhen, hatü Israel amei daülangpü shingthü bentükhen; Ngei yanlu yah-ei Jeroboam ongpalei ongching khüei yaonghen.”