AMOS 3:10 - DAÜLANGPÜ LAIHING (BSI)

¹⁰ Ha nanglakthülei shemü gühdou, hatü deyeilaoei aetpüshepü doui maei nyüke. Jomi mehe jiü, ha dükhen nenyingnyu shei Shembüpai enyüke.

AMOS 3:10 Referans Kwoze

ZEPHANIAH 1:9

Ha nyih üami shakung benei tüteinya, hatü laophülei shembülei shemei lak shihteipai hatü gühdoui mahünya ngei hanghihühen.

JEREMIAH 4:22

Ngelei nanglakthüyü ngapathü khih; jomi ngei nenyingnyu. Jomü sholi neshiüpü hashihthü; jom kü danaokpü neshiü. Jomü ten dükhen longi manpüthü, shejao mei dükhen nenyingnyu.

MENVIH KESHO 14:4

Ten dükpüthüi aan hahpükei ngelei nanglakthü leipü güh-ei hahnyüke, hatü jomi Shembüpa kü nenyüknyu; ha jomi nenyingnyu je? shei Shembüpai phenyüke.

2 PETER 3:5

Hepak longi daiteke, Kahvangei shah-i vangshothü vamhüpeih, hatü kahdoknyü-ü yung kübü vamhüpeih hatü yung homei vamhüpeih shei epü shahhing jomi nyingshangi yaktüknyüke.

AMOS 6:12

Koyeithü yaongvak kü moknyu je? Shennyak hüki mohoh müshi yungching shangkü han hoknyu hiang? Shejao ammi shahhingü leü nemeipü leitük, hatü daülangshemshepü shahyakpü betjük leitükteke.

AMOS 5:7

Am shahhing nyongtükpüthü, hatü daülangshemshepü kahdokei yaktükpüthü.

JEREMIAH 5:4

Hahepak kü ngei, “Hathüyü taopathü, jomphong kü sholi neshiü; mehenangkü jomi Shembüpalei lem, hatü Kahvangei shahkung nenying.

EZEKIEL 8:17

Shembüpai ngei kü, “Oh Shennyak ha, nüngi ha eela? Judah am shingvaishi jomi shaang dükpü jiühitnalaipü dou-ü nemeipü dou nevaipü je? Jomi nedoh-i kahdok kü üpteilenteipü mahühen, hatü nedoh-i ngei mongshihhühen je? Jomei shong kü püthang deüpü kü veihümao.

EZEKIEL 18:7

Büpai üpa kao neshüveinyu, shejao büpai lahtü luhahpü hang jiüshi shemtüknyüke, büpai negühnyu shejao taopathü kü hahying shuohnyüke, hatü bümkong nyupüthü kü ashakviha shuohnyüke.

EZEKIEL 22:29

Hapa kahdok kübü shennyakthüi aeteishenyüke hatü gühnyüke; jomphongi taopathü hatü nehahneyingpüthü kü shüveinyüke hatü yenpa-oupathü kü aeteisheyei nejiüi düknyüke.

AMOS 6:3

Ammi nemeipü nyihthü tailuei yaktüknyüke, shejao ammei doui nemeipü nyihthü yah-ei peihahnyüke.

AMOS 6:8

Jeiyong Shembüpai büpa nyingi vangeishuwteke Jeiyong Shembüpai enyüke: “Ngei Jakob changmeipü nelümnyih, hatü jomei penyüsha kü jiühitnyeih. Ngei hapa chingnyü hatü halei nyupü lemphü vepa kü shuohtükhen.”

MIKA 6:10

Mangthülei shem kü shahhing ne-epü mopthü thaiyei shüngpü, hatü jiühitshi dok güh-ei dok dokpü ngei be-aokhen je?

JOB SHAHSHA APPÜ 20:21

Büpai hahhen meheyao aoei neshiü; büpalei mophimo mechemao sheneimenei nenyuhen.

KANDOK 1:13

Shejüang doumeinangmei longi danghen; aetpüshepü douhinangi jenei shem matükhen.

KANDOK 11:16

Phahji kohpü nyüha hüki dhüm dangnyüpeih, shejao shahhing kü jiühitpai hai dangnyüpeih. Nehetpü shennyaki aeipü pongnyeih, shejao hahnempü shennyaki mop dangnyüpeih.

KANDOK 28:5

Shennyaktenthüi shahhing nyingei neaoknyih, shejao Shembüpa yempüthüi hapa meishi nyingnyüpeih.

CHONGVENBÜ 4:1

Hapheikü shao ngei veishuoh shingkü vanghenyü phangkü shüveiteipü lemphü ngei eeteke. Ngei shüveihahpüthülei mükphi eetepih, hatü jomphong nyiumeihühen üpayao neshiü;

HOSEA 7:1

Mechem ngei Israel nanglakthü meitükhüei deihnya, Ephraim amei mang hatü Samaria amei douten nyeinya shakei vamnyüke; Mehenangkü jomi lawlüpnyüke; shem apei shüei gühnyüke; Jomi chingyangshongei shennyakthü leipü aetnyüke;

AMOS 4:1

Samaria kahshangei nyupü nyühathüi hapa bangtuh: Taopa hatü nehahneyingpüthü kü shüveipüthü, hatü laophülei baha kü, “Yiü yinghen deikei” shei epüthü.