AMOS 2:4 - DAÜLANGPÜ LAIHING (BSI)

⁴ Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.

AMOS 2:4 Referans Kwoze

EZEKIEL 20:24

mehenangkü jomi ngelei vanglemthü nenotei, shejao ngelei shahkung yaktük hatü Sabbath mangtük, hatü jomei müki chebü chepa amei lajeithü kü veihampeih.

EZEKIEL 20:16

Mehenangkü jomi ngelei vanglemthü yaktük, hatü ngelei shahkungthü nenotei; jomei mongdang lajeithü phei lüdaitü ngelei Sabbath mangtükpeih.

EZEKIEL 20:13

Shejao Israel am phangi jahpanei ngei khüei yaongpeih; jomi ngelei vanglemthü nenotei, shejao ngelei Sabbath longi mangtükpeih; jomi paoh ha düklangmeyü yemmü nyuhen vaipeih. Hahepak kü jahpanei nyushiüng jom men mahtükhen ngei ngelei mongshih khüpeilangei shuohjü hiang shei deihpeih.

HABAKKUK 2:18

Yaongnaüya kü mehe nanglei nyüpa? Mehenangkü hayü lingbüi lingpü khih. Hayü lajei hük mon, shahshem nyuhbü mon nyüke. Mehenangkü hapa lingbüi büpai linghahpü dou kü hinglemnyüke, büpai shah ne-eaokpü yaongnaüya lingnyüke.

HOSEA 12:2

Judah am khüei Shembüpalei lakei thaüvaü hük nyüke; Büpai Jakob kü büpalei nyuhichong aimü hanghihühen, hatü büpalei douten aimü nyokei shemhen.

ISAIAH 28:15

“Hami dipü mü vangpüshuwpü lingtepih, mahngchong mü shah shettepih shei changmeinyüke. Shanghah vongshüh dhaümshing kü ham neponghahpih; mehenangkü shahshemü hamei loishing, hatü peileipeyü ham joshing shei deihnyüke.”

ROM SHAHSHA APPÜ 1:25

mehenangkü jomi Kahvangei shahhing shahshem mü jeiteinyüke, hatü Lingbü nangjei lingpü douthü kü khümei chongphoteke, den den kü büpa vihtuh! Amen.

AMOS 3:2

Kahdoknyü jatthü peü khongkü ngei am mon nyingpeih; Hanangkü ammei mang lemphü nangkü ngei am hanghihühen.

EZEKIEL 20:18

Ha nangjeiyei ngei jomei thehilathü kü ammei nyühipathülei vanglem kü tekam, jomei shahkung kü tedai, nevaijü jomei lajeithü homei am nedaü-i telei shei epeih.

JEREMIAH 9:14

shejao jomei mong vaanei chebü chepai nyuhshuohpü keiha Baal kahvang pheikü lüdaipü nangkü ha vampeih.

JEREMIAH 8:9

Shembüpalei shah yaktükpü nangkü nahpüthü veühühen; jom longi mongmanghen hatü tai kü manhen. Jomi ngelei shahthü yaktük, shaang jomi mehe kon dangpa?

NEHEMIAH 1:7

Hami nüng huluh shuohhüteke, hatü nüng chongphobü Mosa homei epü nüngei shahkung hatü vanglemthü nedükang.

2 ONGPATHÜ 17:19

Judah amiyao Shembüpa, jomei Kahvangei shahkungnyüthü nedük, shejao Israel ami hupü vanglem kü kam.

1 PETER 1:18

Ammei bühipa kübü dangpü yangnyu lem kong kübü am angei leipeih shei ammi nyingei nyüke, hatü hayü mahdaihen hon hi ngin homei nevai,

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

HOSEA 6:11

“Oh Judah, ngei ami dükpü dou nangkü am hanghihühen hepak ittüktü nyüpeih.”

EZEKIEL 22:28

Haleipü thibüthüi bhamba kü dhon yungi phupükei phuei jomei mang jonyüke; jomi shahshem manghkhang eenyüke. Ngei ne-epü kü jomphongi ngei epükei, ‘Shembüpai hapakei enyüke’ shei enyüke.

EZEKIEL 22:8

Ammi ngelei daülangpü douthü dhüm neshiüi yakphong hatü ngelei Sabbath nyih mangtükteke.

EZEKIEL 20:30

Hanangkü Shembüpai hapakei enyüke shei Israel am phang kü etuh: Amphongi ambü ampa am kei nyuei am nedaüi leihen hatü jiühitpü douthü dükei lemnyong kü daihen je?

EZEKIEL 13:22

Ammei shahshemi daülangpü shennyakei mong maanhüteke, hatü nemeipüthü kü jomei mang lem kübü nyokei leiyei yanghen nevai-i hapa lem kübü lepei neleihen mongnang thongteke.

JEREMIAH 16:12

Shejao ambü ampa mao nemeipüba am nyuteke. Ngelei shah banghen nangjei am peüi laophülei mongdang vaanei mang mongdang pheikü müpü kü veihümao.

JEREMIAH 8:2

hatü jomi bamei chongphoei, ha phei müei, hatü khümei nyupü vanghenyü, lennyü hatü vangsho lithathü kü yeemei tuhhen; hathü üpaiyao thaiyei kahdokei dungei netuhhen, shejao chingyangshongei nühinam yaüpükei yaüshi tuhphonghen shei Shembüpai enyüke.

JEREMIAH 6:19

Bangtuh, Oh kahdoknyü; Veituh, ngei hapa nanglak kü shanghah koei peihen, hayü jomi linghahpü kü vampü betjük; mehenangkü jomi ngelei shah kü nehaka, hatü ngei nyuhpüvenpü kü nenyakneken, jomi ha yaktükteke.

ISAIAH 44:20

Büpai depla hahnyüke; büpalei dhennyong mongnyongi büpa lemnyong kü mülangnyüke, hatü büpa nyingi neyangaok-ü nevaijü “Ngelei lakdah lemei nopü lajeiyü Kahvang nevai, shahshem khih” shei nedeihnyu.

NEHEMIAH 9:26

Shejao jomi ven nedani nüng khüei yaong; jomi nüngei shahkung ngaümpheilei tuhphong. Jomi nüng touei mong lepei leihen shahvüng shuohpü thibüthü jütük; jomi nüng kü ne-ienelemi nyembenüng mang thah.

2 SHÜPPÜKENGPÜ 30:7

Amphongü Shembüpa, ambü ampalei Kahvang kü hingnelempü ambü ampa, anjei anaüthü kei tenyu; hanangkü büpai jomphongü lavüngtoiyei leitükpü ammi eeteke.

SHAHPHENBÜTHÜ 10:6

Shao Israel ami Shembüpa touei mepa mang, ha dük, hatü Israel ami Baal hatü Astartes kahvangthü, Aram amei kahvangthü, Sidon amei kahvangthü, Moab amei kahvangthü, Ammon amei kahvangthü hatü Philistia amei kahvangthü kü khüm. Israel ami Shembüpa betüktü büpa chongnephopü nangkü,

JEREMIAH 16:11

nüngi jomphong kü hapa etuh: Mehenangkü shejema ambü ampai ngei yakphongtü lebü kahvangthü phei müei, chongphoei hatü khümpü nangkü ha vampeih shei Shembüpai enyüke. Jomi ngei yakphong hatü ngelei shahkung nebang.

AMOS 1:3

Shembüpai hapakei enyüke: Damaska amei mang jem nangkü, hatü ali shingvaishi ngei hanghi neyahlangpih; mehenangkü pinnyüi Gilead am kü nyiamvüi bheiteke.

MIKA 6:12

Ammei shemmeithüi üpteinyüke; ammei shennyakthüi shahshem enyüke, hatü jomei jubenyeijaangi lueilemei enyüke.

2 SHÜPPÜKENGPÜ 25:14

Amaziah-i Edom am jütü leishingkü büpai Edom amei kahvangthü koei lei. Büpai hathü yah-ei büpalei kahvang vaihütü ha kü khümei jakpü moila shuoh.

JEREMIAH 17:27

Shejao ammi Sabbath nyih Jerusalem penyüsha homei hanggo kotü neshüpü homei Sabbath nyih daülangi tuhtuh shei ngei epü nebangjema, ngei Jerusalem penyüshathü kü mechemao nemethen aw vamhühen hatü hapai penyüshathü hahtükhen.’ ”

HOSEA 12:3

Chenyüei vom mongei büpai chejei mü bhow, Shennyak hük vaishi tuhtü Kahvang mü bhow.