AMOS 2:13 - DAÜLANGPÜ LAIHING (BSI)

¹³ Hanangkü shaang ngei hanggo vihpai mohoh khari leetpükei ngei am ngümei leettükhen.

AMOS 2:13 Referans Kwoze

ISAIAH 1:14

Ngei ammei Lenja Mothü, hatü ammei monyü moha kü jiühitnyeih. Hathüyü ngei kü hanggovih khih, hatü ngei hathü kü tengangke.

MALAKI 2:17

Am langmaanshapshüpai Shembüpa nyiuhüteke. “Hami mekei Shembüpa nyiuhüpa?” shei ammi enyüke. “Üami mang düknya, Shembüpai ha lümnyüpeih, hatü büpai hathü kü mongongnyeih” shei epai nevaijü “Shahhing Kahvang melei nyüpa?” shei phepai Shembüpa nyiuhüteke.

EZEKIEL 16:43

Mehenangkü ammei thehila nyihthü ammi deih-ei nedang, shejao hathü doui ngei mongshihhüpeih. Hanangkü ammei douthü ammei shangjing kü kohüpeih shei Shembüpa Kahvangi enyüke. Ammei jiühitnalai douthü mü ammi shao mükbongjuyung nedükangpü je?

EZEKIEL 6:9

Hahepak kü nedi-i wüpküpei nyupüthüi mekei jomei mükbongjuyungpü mongdang homei ngei toueipü yandaipa, hatü jom hanghihüpa, ha deih-ei danghen. Haphei küang jomi thahpü mang hatü jiühitnalaipü douthü kü jiühitei deihhen.

ISAIAH 43:24

Ammi ngei kü vong meipü meli neshakpha, nevaijü ammei yemhimak cheüi ngei mongneonghü. Shejao ammei mangi ngei kü hanggovih shuohpeih; am pungpüshaipai ngei nyiuhünanghüpeih.

ISAIAH 7:13

Hapa kü Isaiah-i jangei, “Shaang bangtuh, Oh Davidei hühihathü! Shennyak nyiueinangei leihüpeyü maanteke shei deihshi ngelei Kahvangao nyiueinangei leihühen deihpü je?

MENVIH KESHO 78:40

Meshükpa jomi jahpanei büpa khüei yaong, hatü büpa mongshanghüpa!

KAHBHAO 37:7

Jen peü kahlei hahbhaong shaei nyuteke. Ngangahük kü ngelei hahbhaong yaongteke, hatü amphongei hahbhaong kemei shonei aümei shaei khümei manghküpeih” shei e.

BHEI-IE 7:3

Jomi Shembüpa kü jomei thintho mohoh khari vok hatü mohohbaong anpünyi– mübü nyi nyi sheptü mohoh khari hük hatü mübüthü pabüm ieyei mohohbaong hükbaong yah-ei peiyei shuoh. Jomi hathü ashakshemei shuoh.

JOB SHAHSHA APPÜ 39:12

Büpai hah tenshingei manang paiyei leikahen shei nüngi hinglemaokhen je?