AMOS 2:11 - DAÜLANGPÜ LAIHING (BSI)

¹¹ Ngei ammei hapeüthü hanei thibü vaihen, hatü ammei nethethü hanei Nazirit vaihen jeyei longpeih. Hayü jiüpü nevaipü je, Oh Israel? shei Shembüpai enyüke.

AMOS 2:11 Referans Kwoze

JEREMIAH 7:25

Ambü ampa am Ijip leipü vamei daipü nyih mebü shinnyih thahshi nyihjeih ngei ngelei chongphopü thibüthü jom touei shompeih;

MIKA 2:6

“Teteivanei chongtevenkei” “hathü dou nang tetpüvanpü te-ekei, meheyao hanghi nepeiküpih shei jomei thibüthüi enyüke.”

YOUNG LAI 4:7

Jomei ongthü shüdao mao nyangpüba amma mao shopüba; Jomei büm douvang yaong mao meipüba; jom veiheni Sapphir kei nyuteke.

JEREMIAH 26:11

Hapheikü ngongpathü hatü thibüthüi lakchongbüthü hatü nanglak peü kü, “Hapa shennyakü dihen shangteke; mehenangkü büpai hapa chingnyü khüei eteke. Ammei dhaongi ha danteke” shei e.

JEREMIAH 11:21

Anathoth am shennyakthü üami nüng jütükhen yanei, “Nüngi Shembüpalei men kü teteivanei te-e; hei nevaijema hamei lak kü mahhen” shei epüthü kü Shembüpai hapakei enyüke

JEREMIAH 2:31

Oh ha denhivan kübü nanglakthü, Shembüpalei shah deih-ei dangtuh! Ngei am kü phaüshihhaomang kei, nevaijü shangmang kahdok kei chongküpü je? Shejema mehekei ngelei nanglakthüi, “Ham mongpükei longteihen hih; ham nüng touei nepeiküpih” shei epa?

JEREMIAH 2:5

Shembüpai hapakei enyüke: Ambü ampai ngei toueipü yandaihen mü jomi ngei kü pungpü mehe yeppa? hatü jom yahlak neshiüpü douthü pheikü daiyei jomao yahlak neshiüi leidaiteke.

2 SHÜPPÜKENGPÜ 36:15

Shembüpa, chebü chepalei Kahvangi laophülei nanglak hatü büpalei nyushing kü bampü nangkü büpalei shahjang kobüthü homei nedoh-i shah shom,

2 ONGPATHÜ 17:13

Shembüpai Israel hatü Judah kü büpalei thibüthü, hatü manghkhangthü homei, “Ammi ammei mang lemthü kübü mong leptuh, hatü ngei ammei bühipathü kü dükhen shuohpü, hatü ngei am kao ngei chongphopü thibüthü homei shuohpü shahkungnyüthü bangei düktuh” shei shahvüng shuoh-ei eteke.

2 ONGPATHÜ 6:1

Shaang thibüthü khongi Elisha kü, “Veituh, hamphong nyupü shingü hamphong shingvaishi ahshi-üng shoshipangke.

1 ONGPATHÜ 22:8

Israel ongpai Jehoshaphat kü jangei, “Jeni Shembüpa kü phehen meyü shao lebü shennyak hük, Imlahlei cheha Mikaiah nyüpeih, shejao ngei büpa kü jiühitnyeih; mehenangkü büpai chemao ngei kü meipü jung ne-ephünyih; düngei nemeipü mon ephünyeih” shei e. Jehoshaphati jangei, “Nüngi hapakei te-e” shei e.

1 ONGPATHÜ 20:41

Hahepak kü thibüpai met shei büpalei dhe kübü ashak nyiuktük, hatü Israel ongpai büpayü thibüthü khongkü büpayao hük shei nyingaok.

1 ONGPATHÜ 20:35

Shembüpalei shah homei thibü hüki büpa mü nyupü thibü hük kü, “Ngei kü bheishih!” shei e. Shejao hapa shennyaki tah shei e.

1 ONGPATHÜ 20:13

Hahepak kü Israel ongpa Ahab touei thibü hanei peiyei, “Shembüpai hapakei enyüke: ‘Nüngi hapa veshan khong longpü eenyüla? Veituh, shinnyih ngei hathü nüngei lak kü shuohhen, hatü ngeiyü Shembüpa shei nüngi nyinghen’ shei enyüke” shei eshuohteke.

1 ONGPATHÜ 19:16

Shao Israel kü ong vaihen Nimshilei cheha Jehu jetuh, hatü Abel-Meholah leipü Shaphatei cheha Elisha nüng nangjeiyei thibü vaihen jetuh.

1 ONGPATHÜ 18:4

Mechem Jezebeli Shembüpalei thibüthü jütükpa, Obadiah-i thibüthü kho hük müei daiyei yaongsha nyi kü pinyipüan baong shüshihtü jotük, hatü hahying shuohteke.)

1 ONGPATHÜ 17:1

Shaang Gilead kahdok Tishbe leipü Tishbe am Elijah-i Ahab kü, “Shembüpa, ngei chongphopü vanyangyem Israel Kahvangei men kü ngei lemhük kei mange thahshi bong shohük vang nevaijü nyien nevüküpih” shei e.

1 SAMUEL 19:20

Hahepak kü Sauli David yephen shennyakthü shom shejao jomi Samueli mütü thibüthüi teteivanei eteke, hatü Kahvang laangha jomphong kao bak, hatü jomao teteivanei e.

1 SAMUEL 3:20

Dan kübü Beer-sheba thahshi Israel am peüi Samuel-ü Shembüpalei hingshangpü thibü khih shei nying.

SHAHKÜP 18:18

Ngei am shingvaishi jom nanglakthü khong kübü nüng keipü thibü hük shomhen; ngei büpalei ju kü ngelei shah shihshuohhen, hatü ngei epü kemei büpai jom kü eshuohhen.

PHONGSHANTHÜ DOU 7:51

“Am ngaümvang vaanpü shennyakthü; mongdang hatü dhaong shuw nejappüthü, ambü ampai dükpükei ammi düngei Laangha Daülangpü khüei yaongnyüke.

PHONGSHANTHÜ DOU 5:28

“Hami amphong kü hapa men jung nenyuhhen hami am kü ngeükhüam wongmü shuohphei, shejao hatouei amphongi Jerusalemü ammei nyuhpüvenpai mateke, hatü amphongi hapa shennyakei iy ham shak kü kohühen temnyu khih” shei e.

PHONGSHANTHÜ DOU 4:18

Hanangkü jomi jiji nyükei Jisulei men lanshei neehen nevaijü nenyuhhen shingvaishi ngeükhüam shuoh.