AMOS 2:1 - DAÜLANGPÜ LAIHING (BSI)

¹ Shembüpai hapakei enyüke: Moab amei mang jem nangkü, hatü ali shingvaishi ngei hanghi neyahlangpih. Mehenangkü büpai Edom ongpalei vang dhon kü cheüteke.

AMOS 2:1 Referans Kwoze

AMOS 2:4

Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.

AMOS 1:3

Shembüpai hapakei enyüke: Damaska amei mang jem nangkü, hatü ali shingvaishi ngei hanghi neyahlangpih; mehenangkü pinnyüi Gilead am kü nyiamvüi bheiteke.

ISAIAH 25:10

Shembüpalei lak hapa kahshangei haühen; shejao Moab amü kahcheü ngümshingei hahtang kü ngümpükei ngümtükhen.

AMOS 2:6

Shembüpai hapakei enyüke: Israel amei mang jem nangkü, hatü ali shingvaishi ngei hanghi neyahlangpih: Mehenangkü daülangshemshepü jomi lop kü yutük, hatü lathuh jora hük kü taopathü yutükteke.

AMOS 1:13

Shembüpai hapakei enyüke: Ammon amei mang jem nangkü, hatü ali shingvaishi ngei hanghi neyahlangpih; mehenangkü jomei kahmük viong dahen nangkü Gilead amei büm nekongpü nyühathülei vom shaaktükteke.

AMOS 1:11

Shembüpai hapakei enyüke: Edom amei mang jem nangkü, hatü ali shingvaishi ngei hanghi neyahlangpih; mehenangkü büpai yanlu noshi chenaü changtük, hatü phahji neshiüi dükteke; büpalei mongshih neyeplangi düngei aw kei bah-ei angteke.

AMOS 1:9

Shembüpai hapakei enyüke: Tyre amei mang jem nangkü, hatü ali shingvaishi ngei hanghi neyahlangpih. Mehenangkü jeihinaü mü vangteipü deih-ei nedangi jomi jat kemei wüpküpei deiyei Edom am kü yutükpeih.

KANDOK 15:3

Shembüpalei müki lemphüli eenyüpeih; ten hi mei lemphü kü veishi nyunyüpeih.

MIKA 6:5

Ngelei nanglakthü, Moab am Balak ongpai am kü mehedükhen küpjan tempa? hatü Beorlei cheha Balaami mehe jangshuohpa, deih-ei dangtuh. Ammi Shembüpai shahhing dükpü nyinghen shingvaishi Shittim kübü Gilgal thahshi yendai shingkü mehe heüpa, ha nyingtuh.

AMOS 1:6

Shembüpai hapakei enyüke: Gaza amei mang jem nangkü, hatü ali shingvaishi ngei hanghi neyahlangpih; mehenangkü jomi jat kemei wüpküpei yah-ei daiyei Edom am kü shuohtükteke.

ISAIAH 11:14

Jiji yoteitü heshü philei Philistia am kü laongei shükhen; jiji chemi heongphi leipü shennyakthülei mophimo aetlanghen. Jijinyi-i Edom hatü Moab am kü lak shihhen, hatü Ammon ami jijilei shah banghen.

2 ONGPATHÜ 3:9

Hanangkü Israel ongpa, Judah ongpa hatü Edom ongpa shei layaongei dai, hatü mechem jomphongi nyih nyet shinei daipa, veshanthü hatü jom mü nyupü yemhimakthü shing yung neshiüi kemdai.

ISAIAH 16:6

Moab am changmeipü jeni danteke, pinnyü awdapü hatü ühingnakaipü, shejao pinnyü changmeipeyü kong leidaihen.

JEREMIAH 25:21

Edom, Moab hatü Ammon;