AMOS 1:9 - DAÜLANGPÜ LAIHING (BSI)

⁹ Shembüpai hapakei enyüke: Tyre amei mang jem nangkü, hatü ali shingvaishi ngei hanghi neyahlangpih. Mehenangkü jeihinaü mü vangteipü deih-ei nedangi jomi jat kemei wüpküpei deiyei Edom am kü yutükpeih.

AMOS 1:9 Referans Kwoze

2 SAMUEL 5:11

Tyre am Hiram ongpai David kü phongmokbüthü, mistrithü hatü yaong bhaokpüthü mü cedar pü shomei Davidei ongshem veteke.

MATHI 11:21

Korazin am onyükei! Bethsaida am onyükei! Am kü dükpü yashanpü douthü paoh Tyre hatü Sidon am touei düklangmeyü jomü dhoila ashak ümtü depla nyiotü shelei mebü mang lah-ei mong lephah shepeih.

AMOS 1:11

Shembüpai hapakei enyüke: Edom amei mang jem nangkü, hatü ali shingvaishi ngei hanghi neyahlangpih; mehenangkü büpai yanlu noshi chenaü changtük, hatü phahji neshiüi dükteke; büpalei mongshih neyeplangi düngei aw kei bah-ei angteke.

AMOS 1:6

Shembüpai hapakei enyüke: Gaza amei mang jem nangkü, hatü ali shingvaishi ngei hanghi neyahlangpih; mehenangkü jomi jat kemei wüpküpei yah-ei daiyei Edom am kü shuohtükteke.

JEREMIAH 47:4

Mehenangkü Philistia am peü, Tyre hatü Sidon kü sheühhen aoei nyupüthü mahtükhen hepak ngoikünyüke. Shembüpai Philistia am Kaphtor yungkungei nyupüthü mahtükhen yopailei nyüke.

JEREMIAH 25:22

Tyre, hatü Sidon kübü ongthü; yungdang homei yungkung chingthü kübü ongthü;

MATHI 11:22

Shejao ngei am kü enyeih, shahphenpü nyih keyü am leimeyü Tyre hatü Sidon am kü-üng nyeinya phahji huhen.

LUK SHAHSHA APPÜ 10:13

Am Khorazin am onyükei! Am Bethsaida am onyükei! Mehenangkü am kü dükpü ngan dou Tyre hatü Sidon am kü düklangmeyü dhoila ashak ümtü depla nyioei shelei mebü-üng mong lepdaitü nyuhah shepeih.

LUK SHAHSHA APPÜ 10:14

Shejao shahphen shingkü am leimeyü Tyre hatü Sidon am kü-üng nyeinya phahji huhen,

MENVIH KESHO 83:7

Gebal, Ammon hatü Amalek, Philistia hatü Tyre nanglakthü;

EZEKIEL 28:18

Nüngei mang longi nyupai, nüng bhei leihpü kü shahhing ne-epai nüngi nüngei daülangpü shing sheihtükpeih. Hanangkü ngei nüngei mong leipü aw vamhütü nüng hahtükpeih, hatü nüng eepüthülei mük touei ngei nüngü kahdoknyü kü depla leitükpeih.

OBADIAH 1:11

Mechem vepathü Jerusalem leipü mophimo aetei daipa, hatü kung am büpalei penyüsha benei shüpa, hatü Jerusalem nangkü phongyompa, amü jom keinyudaipeih, ha nyih am keüdaipeih.

ZEKHARIAH 9:1

Shembüpalei shah Hadrakh kahdok, hatü Damaska am khüei nyüke. Mehenangkü Israel jat keiha Aram amei chingnyüao Shembüpa lompü nyüke.

EZEKIEL 27:1

Shembüpalei shah ngei touei pei:

EZEKIEL 27:27

Ammei mopthü, ashakviha hatü douhinangthü peü, ammei jahas yüpbü hatü yatpüthü, Ammei jahas lingpüthü hatü bhei leihpüthü, jahas mongei nyupü veshanthü peü yungchingei am mahpü nyih peü mahdaiteke.

EZEKIEL 28:1

Shembüpalei shah ngei touei peiteke: