AMOS 1:5 - DAÜLANGPÜ LAIHING (BSI)

⁵ Ngei Damaska penyüsha bentükhen, Aven kahji kü nyupüthü, hatü Beth-Eden kübü vanglem lempüthü changtükhen; hatü Aram shennyakthü Kirlei wüpküpei deishihhen shei Shembüpai enyüke.

AMOS 1:5 Referans Kwoze

2 ONGPATHÜ 16:9

Assyria ongpai hapa kü khüambakei aongei Damaska hah, hatü haleipü shennyakthü Kirlei shetei dei, hatü Rezin ongpayü jütük.

AMOS 9:7

Ngei kü amphongü Ethiopia am nelepü je? Oh Israel nanglakthü shei Shembüpai enyüke. Ngei Israel am Ijip leipü; Philistia am Kaphtor leipü; hatü Aram am Kir leipü müei neleiangpü je?

JEREMIAH 51:30

Babylon am veshanthü nehoki dohdaiteke; jomü veyomdülei nyüke. Jomei wong kemdai; jom nyüha kei leidaiteke. Pinnyülei bükhishem awi haptük; jomei penyü shalat bhagdaiteke.

YOUNG LAI 2:9

Pinnyülei pe shaden kahmongei shüdaiteke; jomei nyiam pe khih mü nihdaiteke. Pinnyülei longhiongthü peü wüpküpei daiyei lebü jatthü chi kü nyüke. Hajük kü shahkungnyü nenyuhneven; thibüthüi sheyü SHEMBÜPAleipü manghkhang ne-eehen.

NAHUM 3:13

Veituh, ammei veshanthüyü nyüha kei nyüke; ammei kahdok penyüshayü vepathü shing laiyei aptüktü nyüke. Penyü shalat awi hahtükteke.

JEREMIAH 50:36

Shahshem thibüthü khüei yanlu hük peikünyüke! Jomphongü ngapa leidaihen. Veshanthü khüei yanlu hük peikünyüke! Jom nyempai mahen.

ISAIAH 43:14

Shembüpa, am Yemleibü, Daülangpü Israel Kahvangi hapakei enyüke: “Amphongei men kü ngei Babylonei veshanthü shomei jomei penyüshathü bentükhen, hatü jom nyipüwapü peü theppü youngpü leitükhen.

ISAIAH 22:6

Elam ami lahhan tuw shihtü koyei kharithü hatü koyeithü müei peiteke, hatü Kir ami inyüshung temei peiteke.

EZEKIEL 27:23

Haran, Kanneh, hatü Eden chingnyüthü, hatü Sheba, Asshur hatü Kilmad am am mü bhei leihteke.

2 ONGPATHÜ 14:28

Jeroboami dükpü dou lemphüli, büpai hokpü hatü mekei büpai Judah amei kahdok vaihampü Israel am kü Damaska hatü Hamath nyokei leipa, hathü peü Israel Ongthülei Büshah Laitap kü nyangei nyüpeih.

ISAIAH 8:4

Hapa naüi, ‘Onyü’ nevaijü ‘Opa’ shei nyükhen nyingshekü Damaska amei mophimo hatü Samaria amei dounyünangba kemei Assyria ongpai koei lüdaihen” shei eteke.

EZEKIEL 30:17

Heliopolis hatü Bubastis chingnyü kübü nethethü yani mahhen, hatü chingnyüthü wüpküpei daihen.

HOSEA 10:8

Aven leipü khümshemthü bentükhen hayü Israel amei mang nyüke. Hühhihang longei jomei moidü lümlanghen. Ha nyih jomi kahshangthü kü, “Ham linlangtuh!” shei ehen, hatü shangtaothü kü, “Ham kü vüei shükshih!” shei ehen.

AMOS 5:5

shejao ammi Bethel teyem, hatü Gilgalei tedai nevaijü Beer-shebalei teheih; Mehenangkü Gilgal-ü hingmei wüpküpei daihen, hatü Bethel-ü neshiüi kong leidaihen.