AMOS 1:14 - DAÜLANGPÜ LAIHING (BSI)

¹⁴ Hanangkü ngei Rabbah khüei aw bahhühen, hatü hapai penyüsha hahtükhen. Hapa thepju nyih kü vaüpü eepü nyuhen, hatü yinglükleisho kei hokpü heipü nyuhen.

AMOS 1:14 Referans Kwoze

AMOS 2:2

Hanangkü ngei Moab am kü aw shomhen, hatü hapai Kerioth amei penyüsha hahtükhen. Moab am vehok ngeü chi kü vaüpü eepü hatü amit vüngpü chi kü dihen.

JEREMIAH 49:2

Shejao ngei Ammon leipü Rabbah am khüei vebaong shemm kaonghen hepak ngoikünyüke shei Shembüpai enyüke. Hapayü bentüktü tuhhen, hatü hapa kü ngeihpü shonpü chingthü awi haptükhen. Hahepak kü Israel am changtükpüthü shao jomiyao hathü changtükhen shei Shembüpai enyüke.

SHAHKÜP 3:11

Rephaim am khongkü Og ongpayü peü mü shoumpü shiüteke. Büpalei mahngshungü yangkü meter ali, ba kü meter nyi shei nyiami lingpü nyuteke. Hapayü shaang thahshi Ammon amei ching Rabbahlei nyüpeih.

ISAIAH 30:30

Shembüpai büpalei müknyinshekhangpü ngeü peü kü danhühen, hatü büpalei lak mongshihpai awlom mü, phumnyak hatü klang vangteng, hatü shü vüpükei yiükünyüke.

2 SAMUEL 12:26

Hahepak kü Joabi Ammon amei chingnyü Rabbah mü hok, hatü hapa ongching omei yah.

ZEKHARIAH 7:14

Jomi nenyingpü kung kahdokei alüngleple kei ngei jom maoei haitükpeih. Üpaiyao nenyui hajük meipü kahdok lavüngtoiyei tuhphongpeih. Hapa keiha meipü kahdok jomi vüngmaki tuhhen mü lingteke.

DANIEL 11:40

Dohpü hepak kü Ijip ongpai büpa mü hokhen, shejao Syria ongpai büpa mü khüei alüngleple kei vehok koyeithü, koyei veshanthü hatü jahasthü müei peiyei hokhen. Büpai kahmükthü longi hahtükhen hatü bünghiyangi kei maotükhen.

EZEKIEL 25:5

Ngei Rabbah chingü utthüi het hahying, hatü Ammonü mikhong nyiumei shing leitükhen. Shejüang ammi ngeiyü Shembüpa khih” shei nyinghen.

ISAIAH 9:5

Vehok kü thuhpü veshanthülei lathuh peü, hatü iy hoitükpü owhilang peü aw kü jaktükhen.

MENVIH KESHO 83:15

nüngei mangpü yinglükpalei-i jom kü changeishuoh, hatü nüngei vanglüki jom nyemhütuh.

JOB SHAHSHA APPÜ 39:25

Mechem amit vünghen, pinnyüi, “Aha!” shei vaünyeih; nenei mangheih-i-üng vehok büdainyüpeih. hatü veshan mübüi ngeüthüng anpü dannyeih.

2 SAMUEL 11:1

Ha bong sheileilila hepak kü ongpa vehokei daiteipü hepak kü Davidi büpalei lakchongbüthü hatü Israel am veshanthü peü Joab mü vehokei shom, hatü jomi Ammon am hatü Rabbah shümei yah, shejao Davidü Jerusalemei nyu.

1 SHÜPPÜKENGPÜ 20:1

Hapa bong ongpai vehokei daiteipü sheileilila hepak kü Joabi veshanthü müei dai. Büpai Ammon kahdok hah, hatü Rabbahlei heih-ei hapa chingao shümei hah. David ongpayü Jerusalemei nyu. Joabi Rabbah hahtü lavüngtoiyei tuhphong.

ISAIAH 29:6

Jeiyong Shembüpai vangmuk vangteng mü pedi vükei ngeü longpü mü, hatü alüngleple, yinglükpalei, hatü laiyeilungei hahpü awlom keiha am thümhen.

JEREMIAH 23:19

Veituh, mongshihpai Shembüpalei Yinglükleisho vamkahen, hatü nemeipüthülei shangjing kü alüngleple vamhühen.

EZEKIEL 21:20

Lem hükü Ammon amei chingnyü Rabbahlei yanlu noei peihen lem, hatü hükpayü Judah, hatü penyü showtükpü Jerusalem am khüei yanlu noei peihen lem laettuh.

EZEKIEL 21:22

Büpalei lakdah philei Jerusalemei lashüh jung penyü laamhen pülu temhen, jühen nangkü nyükhen, thep nyükhen, penyüshathü khüei penyü laamhen pülu temhen, lateen lingei ching hahhen shangdü linghen noshi nyüke.

EZEKIEL 25:7

ngei ngelei lak am khüei nohen, hatü jatthüi ammei mophimo aetlanghen lanei shuohhen. Ngei jatthü khong kübü am katitükhen hatü kahmükthü khong kübü am dohtükhen. Ngei am mahtükhen hatü ammi ngeiyü Shembüpa khih shei nyinghen.”

2 SAMUEL 12:31

hatü büpai haleipü shennyakthü müei leiyei jom kü pü vethüei, nyiam yüei, nyiam ay yah-ei dou dükhüei, hatü itayaong oukei angteke. Büpai hapakei Ammon amei chingnyüthü peülei dükhüteke. Hapheikü David hatü nanglakthü peü Jerusalemei nyokei lei.

EZEKIEL 21:25

“Oh sheihdaipü hatü nemeipü Israel ong, am hanghihen dohpü nyihhihe ngoiteke.