2 TIMOTI 4:8 - DAÜLANGPÜ LAIHING (BSI)

⁸ Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

2 TIMOTI 4:8 Referans Kwoze

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

1 PETER 5:4

Mechem Mi yombü Longpü peihen, mechemao chang neleihen müknyinshekhang athen danghen.

1 PETER 1:4

hatü nemahnemenpü, nesheihpü, hatü nekaupü mükjüp hük am shing vangsholei jaoshi nyüke;

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

1 KORINT 9:25

Ngapüthüi longi ungei-aeiyei nyuh-ei mannyüpeih; jomi hapayü mahdaihen chüyük danghen shingvaishi düknyüpeih, shejao jenü nemahbenüng hük danghen shingvaishi düknyüpeih.

KOLOSI 1:5

mehenangkü am shingvaishi vangsholei monglemhen tuh-ei nyüke. Ammi hapa monglem jung shelei-üng shahhing shah, shahjangmei,

MENVIH KESHO 31:19

Nüng kü nyempüthü shing nüngi jaoei tuhpü meipü, hatü nüng kü loipüthü kü nüngi shuohpü doumeithü meshük thamapüang?

SHAKEI VAMPÜ 1:7

Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

TITUS 2:13

moihimanpü monglem hatü jenei longpü Kahvang hatü Yemleipü Jisu Khristalei müknyinshekhang shakei vamküpü danhen enyüke.

SHAKEI VAMPÜ 19:11

Hapheikü ngei vangsho aptüktü ee, hatü halei koyei shola hük nyuteke. Hapalei uopüba keyü Monglemaokpü hatü Hingshangpü shei nyük. Büpai shahhingi shahphennyeih hatü vehok hoknyeih.

2 TIMOTI 2:5

Hapa leshi ngapüjapü shennyaki shahkung kü jiüshi ngaei netempheikü aokpü athen nedangnyih.

2 TIMOTI 4:1

Kahvang hatü Khrista Jisu ompü touei, üpai yemmü nyupü hatü didaipüthü shahphenhen, hatü büpa yiükahen hatü büpalei ongching danei ngei nüng kü ha nangei tuhnyeih:

1 TIMOTI 6:19

Hapakei dükpai ngoikahen den shingvaishi wong kohpü chongnyiam keiha jomi laophü shing mop jaohen, shejüang jomi yangnyu mepa hingshangpü yangnyu nyüpa, ha kü shoungaokhen.

1 KORINT 2:9

Shejao nyangei nyupükei, “Kahvangi büpai bampüthü kü mehe temei nyu, hayü mepa mükiyao ne-ee, mepa dhaongiyao nedan, nevaijü üpa hangkulei mongdang kao deih-ei nele.”

MALAKI 3:17

“Jomü ngelei nanglakthü, hatü hapa nyih jomü ngelei thushong dounyü vaihen, hatü pa hüki laophü chongphopü hapeü yangpükei ngei jom yanghen” shei Shembüpa Kahvangi enyüke.

SHAKEI VAMPÜ 22:20

Hathü dou jung denpü shuohpübai, “Hingmei, ngei lomi yiükünyeih” shei enyüke. Amen. Yiükei, Shembüpa Jisu!

SHAKEI VAMPÜ 4:10

behethü hapüali-i aümei shaei ong uoshingei uopü den den kü nyupüba kü khüm; jomi jomei athen yah-ei ong uoshing touei shüktü lokei,

SHAKEI VAMPÜ 4:4

Hapa ong uoshing shinei ong uoshing hapüali nyu, hatü hathü kü behethü jom hapüali shola ow owtü, hatü jomei shangjing kü hon athen thentü nyuteke.

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

2 TIMOTI 1:18

Hapa nyih kü büpai SHEMBÜPAleipü phahji danghen mü Shembüpai büpa kü nyemyahshuohma! Ephesialei büpai meshük dou dükpa nüngi meishi nyingei nyüke.

1 THESALONIKA 1:10

hatü vangsho leipü Cheha Jisu, üpa büpai dipü kübü yangei leishih, hatü ngoikahen mongshih kübü jen yangnya, jomi ha jung enyüke.

ROM SHAHSHA APPÜ 8:23

hatü lingpü douthü mon nevai, shejao üami shongpü Laangha betjükthü angpa, jenao hapeü kei ungei yahhen, hatü jenei büm angei leihen shingvaishi mongei vaüei-eeyei dannyüke.

ROM SHAHSHA APPÜ 2:5

Shejao mechem Kahvangei shahhing shahphenpü shakei vamhen, vaanpü hatü mong neleppü mongdangi mongshihpü nyih shingvaishi ammi laophü shing mongshih jaoei tuhhahnyüke.

MATHI 24:36

Shejao hapa nyih hatü hepak jung Opa mü lenei üpaiyao nenying; vangsho phongshani nevaijü Ha-iyao nenying.

MATHI 7:22

Hapa nyih kü longshi shingi ngei kü, “Shembüpa, Shembüpa, hami nüngei men kü teteivanei ne-eangpü je, hatü nüngei men kü kahshihthü changei hatü nganhilong dou longi nedükangpü je?” shei ehen.

KANDOK 4:9

Pinnyüi nüngei shangjing kü meipü chüyük shihphahen; pinnyüi nüng kü meipü hon athen thenphahen.

MENVIH KESHO 7:11

Kahvangü shahhing shahphenbü; hatü nyihjeih mongshihpü Kahvang.

1 THESALONIKA 5:4

Shejao bampüthü, hapa nyih kü gühpa hüki keiha am nehanhühen shingvaishi amphong vangnyak kü nenyu.

2 KORINT 5:2

Vangsho leipü jenei nyushing jen kü owphahen ongyangei shaangpü hapa ashakshemei jen mongshangei thepnyüpeih;

LUK SHAHSHA APPÜ 10:12

Ngei am kü enyeih, hapa jila leimeyü hapa nyih kü Sodom am kü-üng nyeinya phahjihen.”

KAHBHAO 18:25

“Henüng keipü dou dükkahen shei nüngi tedeihhah; daülangpüthü mangthü mü aihük mü jütükhen shei nüngi tedeih. Kahdoknyü peü kü Shahphenbüi jiüpü nedükhen je?”

1 KORINT 3:13

büpalei dou meheshang eedainyeih; mehenangkü Khristalei Nyih-i ha shakei vamhühen, hatü hapayü aw homei shakei vamhühen, hatü peüi mepa keipü dou dükpa aw homei dokhen.

PHILIPPI 3:11

hatü dipü kübü yangei leihen monglemnyeih.

2 THESALONIKA 2:8

Hapheikü shahkung benpü hük shakei vamkahen hatü Shembüpa Jisulei ju kübü ngü vampai noei shüktükhen hatü büpa yiüpü müknyinshekhangi büpa mahtükhen.

2 TIMOTI 1:10

shejao shaang hapayü jen Yemleipü Khrista Jisu yiüpü homei dipü mahtük, hatü shahjang meipü homei yangnyu hatü nemahnemenpü touei vangngai koei peipai shakei vamteke.

HEBREW 12:11

Shaang ungei-aeipeyü mongong nevai, hanghi kei nyüke. Shejao pheilei üami hapa phangkü nyuh-eivenei long, daülangshemshepü hatü chingmei betjük jükkahen.