2 TIMOTI 4:5 - DAÜLANGPÜ LAIHING (BSI)

⁵ Shejao nüng payü düngei ungei-aeiyei nyutuh, tok vaipü munentuh, chongvenbülei dousho düktuh, nüngei chongphopü dousho den ngoiyei düktuh.

2 TIMOTI 4:5 Referans Kwoze

2 TIMOTI 1:8

Jenei Shembüpa jung denpü nangkü nevaijü büpa nangkü khoklatei nyupü ngei nangkü nüng teveü, shejao Kahvangei ngan kü mongnyangtü shahjang meipü nangkü shangponghen ngei mü shepkei.

1 PETER 1:13

Hanangkü dou dükhen nüngei mong shan temtuh; laophü nying ungei-aeituh; büpa shakei vampü nyih Jisu Khristai koei yiükahen phahji kü am monglempü tuhtuh.

2 TIMOTI 2:3

Khrista Jisulei veshan hük keiha shanghah peü kü hanteituh.

KOLOSI 4:17

hatü Arkhippas kü, “Shembüpa kü nüngi dangpü dousho temhen kentuh” shei eyeishuoh.

1 TIMOTI 4:12

Nüngei nethe yangnyu kü üpaiyao ne-ienelemi tenohah, shejao epü kü, dükpü kü, bampü kü, hatü daülangshemshepü kü lappü hük nyutuh.

PHONGSHANTHÜ DOU 21:8

Nyihphei hamphong layaongei Kasarea ngoiyei chongvenbü Philip, nyet khongkü hük, jom shemei peiyei büpa mü thempeih.

1 TIMOTI 4:15

Hathü dou leiyei düktuh; peüi nüng shehongei daipü eehen shingvaishi nüngi hathü kü mong shuohtuh.

1 THESALONIKA 5:6

Hanangkü lebüthü kei jen shishi nenyushah, shejao jeni mükpaonathashi ungei-aeiyei nyushah.

SHAKEI VAMPÜ 3:2

Paotuh, mehe aoei nyu, ha didaishekü wong kohhütuh; mehenangkü ngei ammei douthü Kahvang touei den ngoiyei ne-eeang.

EPHESIA 4:11

Büpai shuohpü thinthothüyü hanei am phongshan vaihen, hanei am thihivam, hanei am chongvenbü, hanei am mi yombü hatü hanei am nyuhbü vaihen;

HEBREW 13:17

Ammei mübüthülei ven bangtuh, hatü jom phangkü shütuh; mehenangkü jomi ammei laangha kü veishi nyunyeih, hatü am nang jomi shah-om shuohhen. Jomi epü ammi bangjema, jomi mongongpai jomei dou dükkahen, hei nevaijema jomi mongmangpai dükkahen, hatü hapayü am shing nanglei nevaikahen.

2 TIMOTI 2:10

Hanangkü nedohnetenpü müknyinshekhang mü Khrista Jisu kü jomphongao yemleipü danghen shingvaishi jepüthülei men kü ngei lemphü munennyeih.

LUK SHAHSHA APPÜ 12:37

Shembü nyokei leishingkü mükpaonathaei nyupü chongphobüthü moihiman; hingmei ngei am kü enyeih, büpai laophülei shüngshep wonghen, hatü jomphong ühyinghen uohühen, hatü büpai jomphong kü nemnoshuohhen.

MARK 13:37

Ngei mehe am kü enya, ha peü kü enyeih; mükpaonathaei nyutuh.

KOLOSI 1:25

Kahvangei shah changei nyinghühen nangkü am shingvaishi ngei kü shuohpü Kahvangei kangpü dou aimü ngei hapalei chongphobü leipeih.

ROM SHAHSHA APPÜ 15:19

Nyangeihepü hatü yashanpü nganthü homei; Kahvang Laangha nganthü homei Jerusalem kübü daiyei Illirikum shinpü thahshi kü ngei Khrista shahjangmei changshi baongtepih.

MARK 13:34

Hapayü shennyak hük laophülei shem aathü kü veihen dousho hanei, hatü shaden yombü kao mükpaonathaei nyuhen etü yen kü daipü leshi nyüke.

EZEKIEL 33:2

“Shennyak ha, nüngei kahmük kübü nanglak kü hapakei etuh: Mechem ngei kahmük kü vehok yah-ei peihenshang, hatü kahmük kü nyupü shennyakthüi jomphong khong kübü bahük yombü vaiyei jejema,

EZEKIEL 3:17

“Shennyak ha, ngei nüngü Israel jat kü yombü leihüteke; hanangkü ngei epü shah bangtuh hatü jomphong kü ngelei shahvüng shuohtuh.

JEREMIAH 6:17

Ngei nüng shing yombü vamhüpeih, hatü, “Amit ngeü bangtuh” shei epeih, shejao ammi, “Hami ha nebangpih!” shei epeih.

ISAIAH 62:6

Ammei bham kü, Oh Jerusalem, ngei yombü tuh-ei nyüpeih; Nyihnüng yanüng kemei jom nenmü nenyukahen. Am üami Shembüpa kü nyüknya, nyiumeiyei tenyu.

EZEKIEL 33:7

Hanangkü shennyak ha, ngei nüngü Israel am jat shingvaishi yombü hük leihüpeih; mechem nüngi ngelei ju kübü shah danhenshang, nüngi jomphong kü ngelei shahvüng shuohtuh.

EPHESIA 4:12

hatü chongphopü dousho kü daülangpüthü temeilemhen, Khristalei büm linghen,

2 TIMOTI 4:17

Shejao ngei homei shahjangmei changshi baonghen, hatü Kung ami ha danhen shingvaishi Shembüpa ngei mü nyu, hatü ngei kü wong shuohpeih, hatü ngei mailangei jusha kübü yangpeih.

MATHI 25:16

Phaihan haja nga dangpü shennyaki ha yah-ei daiyei bhei leih-ei shao haja nga üei latteke.