2 TIMOTI 4:16 - DAÜLANGPÜ LAIHING (BSI)

¹⁶ Shelei ngei, ngei yanghen nang eshingkü üpaiyao ngei kü sheüh-ei nepeikei, peüi ngei tuhphongpeih. Hapa kü jom khüei Kahvangi meheyao nyemtedükshuohma.

2 TIMOTI 4:16 Referans Kwoze

PHONGSHANTHÜ DOU 7:60

Hapheikü büpa aümei shatü, “Shembüpa, nüngi hapa mang jom kü tehethü” shei lenei e. Mechem büpai ha eyei kempa, büpa didai.

JOHAN 16:32

Hepak ngoikünyüke; hingmei ha ngoiteke; ammi ngei mon tuhphongtü laophü laophülei shemei yandaikemhen. Shejao ngei mon nevai Opayao ngei mü nyüpeih.

MARK 14:50

Jom peü büpa tuhphongtü nyaidaikem.

1 PETER 3:15

shejao ammei mongei Khristayü Shembüpa shei deihtuh. Nüng kü nyupü monglem nangkü hanei ami nüng kü nih-ei ehen phephüjema, düngei shahnyok shuohhen temtüktü nyutuh.

2 TIMOTI 4:10

mehenangkü Demas-i kahdoknyü bampü nangkü ngei tuhphongtü Thesalonikalei heihdaiteke. Krescens-ü Galatialei, hatü Titus-ü Dalmatialei heihdaiteke,

2 TIMOTI 1:15

Asia kü nyupü peü, Phegelus hatü Hermogenes-ao omshi ngei tuhphongteke shei nüngi nyingei nyüke.

PHILIPPI 1:17

Lebüthüi ngei kü khoklatei nyeinya ngelei hanghi nyeihühen nangkü hingshangpai nevai, shejao chudeih ten kü Khrista jung chongventeke.

PHILIPPI 1:7

Am peü nang hapakei deihhenü ngei shingvaishi jiüpü khih; mehenangkü am peü ngelei mongei nyüpeih; ngei khoklatei nyujao nevaijü shahjangmei nangkü khangtei shingkü nevaijü hapa nih-ei venshingkü ammi ngei mü hapa Kahvang phahji kü hean yahpeih.

2 KORINT 7:11

Kahvang deihshi mongmangpai meshük mong kü ketpü, meshük am daülangi nyuhen monghumpü, meshük ten khüei mongshihpü, meshük thaeimapü, meshük ongyangpü, meshük nyakpükenpü, meshük shahhing dükpü eehen tempülempü vamhüpa, ha kü veituh. Lemphü phikü am nyingi pungpü neshiü shei huteke.

1 KORINT 9:3

Ngei kü shahphenei uopüthü kü ngei nang ha enyeih.

PHONGSHANTHÜ DOU 25:16

“Ngei jomphong kü Rom amei vanglem kü shennyak hük büpa kü khüei yaongpüthü touei laophü nang ehen hepak mei mangdang thahshi üpayao lanei shuohnüng neaokpih shei eshuohpeih.

PHONGSHANTHÜ DOU 22:1

“Jeihinaüthü hatü pathü, shaang ngei am touei ngei nang ekününg bangtuh.”

LUK SHAHSHA APPÜ 12:11

Mechem jomi am Sinagoglei, vanglem lembüthü hatü wong nopüthü touei müei deihenshang, am yanghen nangkü mekei ehen, mehe ehen shei mongteshang;

1 KORINT 13:5

nevaijü nemei-i nedüknyih. Laophü shing mon neyemnyih, lomi mongshih nevamnyih, nevaijü ten jaoshi netuhnyih.

2 TIMOTI 4:15

Nüngao büpa touei lishi nyutuh; mehenangkü büpai jenei shahjangmei kü wongmü khüei yaongnyüke.