2 TIMOTI 4:10 - DAÜLANGPÜ LAIHING (BSI)

¹⁰ mehenangkü Demas-i kahdoknyü bampü nangkü ngei tuhphongtü Thesalonikalei heihdaiteke. Krescens-ü Galatialei, hatü Titus-ü Dalmatialei heihdaiteke,

2 TIMOTI 4:10 Referans Kwoze

2 TIMOTI 1:15

Asia kü nyupü peü, Phegelus hatü Hermogenes-ao omshi ngei tuhphongteke shei nüngi nyingei nyüke.

2 KORINT 2:13

shejao ngelei mong nyiushem nemei; mehenangkü halei Titus nenyuang. Hanangkü ngei jom kü nyu-e shei etü Mecedonialei heihdaipeih.

PHONGSHANTHÜ DOU 16:6

Laangha Daülangpai Asialei chongvenhen nemongpü nangkü jomphong Phrigia hatü Galatia moidoi homei dai.

PHILEMON 1:24

hatü chemi chongphopü Mark, Aristarkas, Demas hatü Luk hathüi selamja.

2 TIMOTI 4:16

Shelei ngei, ngei yanghen nang eshingkü üpaiyao ngei kü sheüh-ei nepeikei, peüi ngei tuhphongpeih. Hapa kü jom khüei Kahvangi meheyao nyemtedükshuohma.

PHILIPPI 2:21

Peüi laophü lomja meihen deihpü mon, Jisu Khrista nang deihpü neshiü.

2 KORINT 7:6

Shejao Kahvang, üpai mongshangpüthü nyiushem meihünya, Titus peihüpai ham nyiushem meihüpeih,

PHONGSHANTHÜ DOU 17:11

Thesalonika leipü Jehoda am meyü Berea leipü Jehoda am-üng yahhahhüpü kohshi nyu; mehenangkü jomi shahjangmei longi mong shuohshi yah, hatü hathü jiüla shei nyihjeih laihing yemteke.

PHONGSHANTHÜ DOU 17:1

Paul hi Silas nyi Amphipolis hatü Appolonia homei daipheikü jiji Thesalonikalei pei; halei Jehoda amei Sinagog hük nyu.

2 PETER 2:15

Jomi kangshangpü lem tuhtü Beorlei chehai nejiüpü dükpülei lat kü bampü Balaamei lem kü nyongei dainyüke,

TITUS 1:4

Hinglempü kü hean yahpü ngelei hingshangpü hapeü Titus touei Pa Kahvang hatü jen Yemleipüba Jisu Khrista leipü phahji hatü chingmei nyute.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

1 TIMOTI 6:10

Mehenangkü lop kü bampeyü mang peüei tünglang, hatü shemmei leihüpü nangkü hanei amü vaipü kübü yanei lüdaiteke, hatü mongmang longpai jomei mongdang mangdaitü nyüke.

GALATIA 1:2

ngei mü nyupü jeihinaüthü peüi Galatia leipü attoithü touei:

2 KORINT 8:16

Ngei kü nyupükei Tituslei mongkü am shing nyakpükenpü mongdang shuohpü Kahvang kü ngei menvih shuohnyeih.

2 KORINT 8:6

Hanangkü hami Titus kü büpai shelei pangpükei hapa bampü dou dohpü thahhühen eshuohpeih.

PHONGSHANTHÜ DOU 18:23

Halei hepak shohük nyupheikü büpa layaongei shing hük kübü hük shei Galatia hatü Phrigia moidoilei vaipüthü wong kohhüei dai.

PHONGSHANTHÜ DOU 17:13

Shejao mechem Thesalonika leipü Jehoda ami Berea leiyao Pauli Kahvang shah enyüke shei danpa, jomi haleiyao khong kü shiongei mophicheü ngaihününg peiteke.

PHONGSHANTHÜ DOU 15:38

Shejao Pauli Pamphilialei jiji tuhphongtü dousho kü chemi nedai-i leidaipü nangkü büpa nemunghahhüei deih.

PHONGSHANTHÜ DOU 13:13

Hapheikü Paphos leipü Paul hatü büpalei küphü nyi Pamphilia kahdok Pergalei yung homei heih. Shejao Johanü jiji tuhphongtü Jerusalemei leidai.

LUK SHAHSHA APPÜ 17:32

Lotei chenyüha deih-ei dangtuh.

LUK SHAHSHA APPÜ 16:13

Üpaiyao shembü nyi chongphohen neaok; büpai hük kü jiühithen, hatü hükpa kü bamhen; hük kü lanei chongphohen, hükpa yaktükhen. Nüngi Kahvang hatü mop nyiphen chongnepho-aok.

LUK SHAHSHA APPÜ 14:33

Hanangkü ammi ammei mophimo kemei netuhphongjema amphong üpaiyao ngelei nanglom nelei-aokpih.

MATHI 26:56

Shejao hathü kemei thibüthü homei lai kü eyei nyupü jiühühen shingvaishi ha vampeih” shei e. Hahepak kü nanglomthü peü büpa yakphongtü nyaidai.

MATHI 12:32

Üami Shennyak Ha khüei shah ehenshang, ha mang tükhen, shejao üami Laangha Daülangpü khüei mang thahhen, hapa den nevaijü ngoikahen den kao mang netükhen” shei e.

2 KORINT 8:23

Titus nang keyü, büpayü am chongphopü kü ngei mü hean yahbü hatü chemi chongphobü; jenei jeihinaüthü nang keyü, jomphongü Khrista müknyinshekhang kü attoithülei phongshanthü.