2 TIMOTI 3:12 - DAÜLANGPÜ LAIHING (BSI)

¹² Hingmei, üami Khrista Jisu kü Kahvang nyingpü yangnyu nyuhünya peüi shüveidoideipü ponghen.

2 TIMOTI 3:12 Referans Kwoze

1 PETER 3:14

Shejao ammi jiüpü dükpü kü shangpongjema, am moihimanpü. Jomi mehe kü nyem, ha kü ammi tenyem, nevaijü tehan,

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

MATHI 16:24

Hahepak kü Jisui büpalei nanglomthü kü e, “Hanei ami ngei phei mühüjema, büpai laophü nang betüktuh hatü laophülei shophang paitü ngei phei mükei.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

MARK 10:30

shemthü, jeihinaüthü, nyahinaüthü, nyü, hapeüthü, hatü kahthü mü shüveidoideiyao omshi hapa den kü danghen, hatü ngoikahen den kü vanyangyem danghen.

TITUS 2:12

Hapai jen kü Kahvang nenyingpü yangnyu, kahdoknyü lümpü vaüpü kübü yanhen nyuhnyüke, hatü shaangpü den kü ungei-aeipü yangnyu, kangshangpü hatü Kahvang nyingpü yangnyu nyuei,

2 PETER 3:11

Hanangkü douthü lemphü hapakei mahdaihen vaipü nangkü menüng keipü daülangpü hatü Kahvang nyingpü yangnyu ammi nyuei,

1 KORINT 15:19

Shaangpü yangnyu shing mon Khrista kü monglempü vaijema, jenphongü nanglak peü mü nyeishi mongkü tünghenthü nyüke.

SHAKEI VAMPÜ 12:4

Büpalei mei-i vangsho leipü lithathü phaihan jem kübü hük maoei kahdokei shüktük. Hapheikü Dragon peiyei hapeü anghen nyupü hapa nyüha touei pinnyüi hapeü angjahinüng hahtüknüng yaongshi nyuteke.

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

TITUS 1:1

Paul, Kahvang chongphobü hatü Kahvangi jepüthüi hinglempü men kü hatü Kahvang nyingpü kü shahhing nyingpü Jisu Khristalei phongshani,

1 TIMOTI 6:3

Jenei Shembüpa Jisu Khristalei meipü shahthü hatü Kahvang nyingpü lem kü nyuhpüvenpü kü nejiüi lemhük kei üami nyuhnya,

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

1 TIMOTI 2:2

ongthü hatü laphen dok kü vanglem lempüthü shing nyutuh, shejüang jeni Kahvang nyingpü hatü dhüm kohpü kü nenmü hatü chingmei yangnyu nyuaokhen shei ngei nüng kü kangnyeih.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

JOHAN 17:14

Ngei jomphong kü nüngei shah shuohtepih, hatü kahdoknyüi jom kü jiühitteke; mehenangkü ngei kahdoknyülei nevaipükei jomphongao kahdoknyülei nevai.

MATHI 23:34

Hanangkü ngei am kü thibüthü, nyingpühingpüthü hatü shahkung nyuhbüthü shomphahen; ha khong kübü hanei ammi jühen, shophang kü aphen, hatü hanei Sinagoglei üphen, hatü jila hük kübü hük shei changteiyei anghen,

JOSHUA 17:14

Josephei hühihathüi Joshua kü, “Mehekei nüngi ham kü kahdok mükjüp phaihan hük mon yahphopa? Hamü shennyak longi ahshi nyüke; mehenangkü Shembüpai ham kü hapakei moihimanteke” shei e.

2 KORINT 4:9

shüveipü ponghah, shejao neyakphong; nemei-i üphah, shejao nejütük;