2 TIMOTI 2:22 - DAÜLANGPÜ LAIHING (BSI)

²² Thehila hepak iyjeiphailei kübü nyaidaituh, hatü daülangshemshepü, hinglempü, bampü hatü chingmeivangmei changei daülangpü mongdang kübü vamei Shembüpa kü nyükpüthü mü daituh.

2 TIMOTI 2:22 Referans Kwoze

1 PETER 2:11

Bampü küphüthü, kahdoknyü kü yenpa hük keiha ngei am kü enyeih, laangha khüei hokpü phai-i yahhüpü peü kübü yanei nyutuh.

1 PETER 3:11

hatü jom ten kübü nyokei leiyei mei düktuh; jomi chingmei yemei ha kü changei daihütuh.

1 KORINT 6:18

Iyjeiphailei tuhtüktuh! Shennyak hüki thahpü mang kemei büm kü hongei neshiü, shejao mükbongjuyungü laophülei büm khüei düknyüpeih.

1 TIMOTI 6:11

Shejao Kahvang shennyak nüng payü hathü peü yaktüktuh; daülangshemshepü, Kahvang nyingpü, hinglempü, bampü, munenpü, inyainyempü changei daituh.

MENVIH KESHO 119:9

Nethe hük laophülei lem mekei etü daülangi tuh-aokhen? Nüngei shahkungnyü kü jiüshi nyupü homei.

HEBREW 12:14

Shennyak peü mü chingmei kü hatü daülangi nyuhen kentuh; daülangi nenyuphei kü üpaiyao Shembüpa ne-eehen.

1 TIMOTI 4:12

Nüngei nethe yangnyu kü üpaiyao ne-ienelemi tenohah, shejao epü kü, dükpü kü, bampü kü, hatü daülangshemshepü kü lappü hük nyutuh.

1 KORINT 10:14

Hanangkü bampü küphüthü, lajeithü khümpü kübü nyaidaituh.

1 TIMOTI 1:5

Shejao hapakei nyuhpüvenpü mükhongü daülangpü mongdang, mongdeih meipü hatü kenhingei vaipü kübü vampü bampü nyüpeih.

3 JOHAN 1:11

Bampü küphü, mehe ten nyüpa, ha nevai, meipü veiyei yahtuh. Üami mei dük, hayü Kahvang leipü; üami ten dük, hathüi Kahvang ne-eeang.

1 KORINT 1:10

Jeihinaü hatü nyahinaüthü, shaang am peü mongjemei am khongkü hanteipü neshiüi, shejao mong hük, mükhong hük kü mongjemei nyukütuh shei jenei Shembüpa Jisu Khristalei men kü ngei am kü khümnyeih.

ROM SHAHSHA APPÜ 14:19

Shejema mepai chingmeivangmei vamhünya, hatü hüki hük lingei leinya ha kü jeni changshah.

1 KORINT 14:1

Bampü phei mütuh hatü laangha thinthothü kü kentuh, anyei vaishi chongvenlemlingpü thintho kü kentuh.

1 KORINT 1:2

Korintlei nyupü Kahvangei attoi, Jisu Khrista kü daütükpüthü, daülangpüthü vaihen nyükpüthü mü chemi shing peülei jenei Shembüpa Jisu Khrista– jomei hatü jenei Shembüpa men kü nyükpüthü touei,

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

PHONGSHANTHÜ DOU 9:14

hatü halei büpai ngongpathü leipü wong yahtü nüngei men kü nyükpüthü peü yepei shahen peipü khih” shei e.

KANDOK 6:5

Sikari shennyak toueipü shaok yangdaipükei, tai kübü ouha yangdaipükei nüng yangdaituh.

1 TIMOTI 2:8

Hanangkü shing peü kübü shennyakthüi mongshih nevami nevaijü shah nedaktei-i lak haongei nyemphop shei ngei deihnyüke;

1 TIMOTI 1:14

Khrista Jisu kü nyupü bampü hatü hinglempü mü jenei Shembüpalei phahji ngei kü changshi khüpphopeih.

KANDOK 15:8

Shembüpai nemeipüthülei moila kü jiühitnyeih, shejao kangshangi nyupüthüi phoppü kü büpai mong hahnyeih.

MENVIH KESHO 17:1

Oh Shembüpa, shahhing shingvaishi ngei lenpü danlangshih. Ngei phoppü kü dhaong shaangshih hayü lupülempü ju kübü nevaipih.

PHONGSHANTHÜ DOU 7:59

Mechem jomi Stephen kü yaongi shükpa, büpai, “Shembüpa Jisu, ngelei laangha yahtuh” shei phop.

LEVI 15:18

Nyüha baha nyi jemteipheikü jijinyipheni hangha laktükhen vongbong, hatü jijinyiphen om dhüshi nedaüpü leihen.

KANDOK 7:8

Büpa chingshongei daishingkü pinnyülei shem lemei,