2 TIMOTI 2:2 - DAÜLANGPÜ LAIHING (BSI)

² hatü denpü longi homei nüngi mepa ngei leipü danpa, ha mih kao nyuh-aokhen monglemaokpü shennyakthü kü koeishuoh.

2 TIMOTI 2:2 Referans Kwoze

1 TIMOTI 4:6

Nüngi ha nyuhpüvenpüthü jeihinaü hatü nyahinaüthü kü shuohjema, nüngü hinglempü shahthü, hatü nüngi yahpü nyuhpüvenpü meipai haümei longpü Khrista Jisulei chongphobü hük leihen.

1 TIMOTI 6:12

Hinglempü vehok meipü hoktuh; vanyangyem kü shoungtuh; hapa shingvaishi nüng nyükpeih, hatü denpü longi omshi nüngi lahpü meipü lingpeih.

MALAKI 2:7

Mehenangkü ngongpa hükei jubenyeijaang kü kihikon anghen vongbong, hatü büpalei ju kübü shennyakthüi nyuhpü venpü yemhen vongbong; mehenangkü büpayü Shembüpa Kahvangei shahjang kobü nyüke.

2 TIMOTI 3:10

Shaang nüngi ngei nyuhpüvenpü, ngelei dükhiling, yangnyu kü ngelei mükhong, ngei hinglempü, munenpü, ngei bampü hatü ngei wongshongi yaongpü,

JEREMIAH 23:28

Mangh manghpü thibüthüi mangh etuh, shejao üpa kü ngelei shah nyu, hingshangi ha etuh. Hah mü hahtang melei shetteiaokhen? shei Shembüpai enyüke.

LUK SHAHSHA APPÜ 12:42

Jisui e, “Laophülei shembüi büpalei aathü kü hepak jiüshi jomphong kü hanpü hahying shuohhen dousho hanhen mü hingshangpü hatü kon kohpü kheipa üpa nyüpa?

EZRA 7:25

Ezra, nüng kü nüngei Kahvangi shuohpü kihikon nüng kü nyupü shangshi Euphrates heshüphi kü nyupü Kahvangei shahkung nyingpü nanglakthü peü kü shahhingi vanglem lemhen shingvaishi vanglem lembüthü hatü shahphenbüthü jetuh, hatü nüngi shahkung nenyingpüthü kao nyuhtuh.

1 TIMOTI 1:18

Timoti, ngelei hapeü, nüng nangkü shelei tetpüvanpü shahthü keiha nüngi hathü mü kamei vehok meipü hok-aokhen shingvaishi ngei hapa nyuhpüvenpü nüng kü shuohnyeih,

1 TIMOTI 1:12

Ngei wong kohhüpü Khrista Jisu, jenei Shembüpa kü ngei mongongnyeih; mehenangkü büpai ngei hingshangi nyüke shei nyingei ngei büpalei dousho kü jeteke.

KANDOK 13:17

Nemeipü phongmokbüi vongshüh koei leinyüpeih, shejao hingshangpü phongmokbüi chingmei shah konyüpeih.

1 TIMOTI 4:14

Nüng kü nyupü laangha thintho mepa thihivam shah homei hatü behethüi laki shüngei shuohpa, ha nenotei-i tetuhphong.

1 KORINT 4:2

Anyei vaishi khei vaibüthüyü monglemaokpü vaihen vongbong.

EZRA 7:10

Mehenangkü Ezra-i Shembüpalei shahkung yemhen, hatü ha dükhen, hatü Israel kü hapa shahkung hatü vanglem nyuhhen büpalei mongdang lanei shuoh.

2 TIMOTI 3:14

Shejao nüng payü nüngi mehe dan, hatü wongshongi hinglem, ha kü nedoh-i nyutuh; mehenangkü nüngi hathü meleipü nyingpa ha nüngi nyingei nyüke,

KOLOSI 1:7

Hapayü ammi chemi chongphopü bampü Epaphras leipü danteke. Büpayü ammei men kü hingshangi Khrista chongphobü hük,

MENVIH KESHO 101:6

Hapa kahdokei ngei hinglempüthü kü phahjiei veihen; eela neshiüpü lem kü üam kamnya, hathüi ngei chongphohen.

NEHEMIAH 7:2

hatü ngei ngelei naüpeü Hanani mü chingnyü kü veshan mübü Hananiah nyi kü Jerusalem yomhen shuoh. Hananiahyü shennyak peü mü monglemaokpü hatü Kahvang nyempü shennyak nyuteke,

1 SAMUEL 2:35

Ngelei mongkü deihpü aimü chongphohen ngongpa hük ngei jehen. Ngei büpalei shemong chongkhenei linghen, hatü büpai ngei thiteiphuei jepü shingei düngei chongphohen.’

HEBREW 2:17

Hanangkü lemphü phikü büpayü laophülei jeihinaü hatü nyahinaüthü kei leihen mü vam, shejüang nanglakthülei mang tükhen shingvaishi jakpü moila leihen büpayü phahji kohpü hatü hingshangpü Kahvang chongphopü dousho kü ngongchong leihen mü vamteke.

1 TIMOTI 5:22

Nüngi mih kü laki shünghen ahshi teshülang, hatü mih-ei mang kü hean teyah. Laophü nyingi daülangi nyutuh.

MATHI 24:25

Yeihshi ngei am kü ha etepih, nyingtuh.

MATHI 13:52

Büpai jomphong kü, “Hanangkü vangsho ongching shingvaishi nyuhtükpü shahkung nyuhbüthüyü shem shembü hük laophülei mop tuhshing leipü mop chang mop ja peü ngaipükei nyüke” shei e.

BHEI-IE 12:7

Shejao ngei chongphobü Mosa meyü hapakei nevai; Büpayü ngelei Israel nanglak peü kü veihen ngei shuohpeih.

2 KORINT 2:14

Shejao Khrista kü jen aokpü philei müpü Kahvang kü menvih shuohtuh, hatü jen homei büpa nyingpü kübü vampü vong meipü shing peülei yanei dainyüke.

2 KORINT 3:5

Hapa dükaokpeyü ham kübü vampeih shei ham nyingi meheyao ehen neshiü; hami dükaokpeyü Kahvang leipü nyüpeih.

LEVI 14:42

hatü lebü yaong ja leiyei jeihen hatü ja vaishi jinei linghen.”