2 TIMOTI 2:19 - DAÜLANGPÜ LAIHING (BSI)

¹⁹ Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”

2 TIMOTI 2:19 Referans Kwoze

JOHAN 10:14

Ngeiyü mi yombü meipü. Ngei ngelei mithü nying hatü ngelei mithüi ngei nying.

1 KORINT 8:3

shejao üpai Kahvang kü bamnya, Kahvangi büpa nyingnyeih.

NAHUM 1:7

Shembüpayü meiangpeih; büpayü shangpong yakying hepak kü jen loishing nyüke. Büpa kü hinglempüthü kü büpai jungnyüpeih.

BHEI-IE 16:5

hatü büpai Korah hatü büpa phei müpüthü kü, “Ngenep Shembüpai üpa üpa büpalei, üpa üpa daülangpa ha huphahen, hatü üpa shennyak büpai jenya, büpa yopailei peihahkahen.

LUK SHAHSHA APPÜ 13:27

Shejao büpai, ‘Am meleipü peipa ngei nenying; ngei toueipü lüdaituh, amphong ten dükpüthü!’ shei ehen.”

GALATIA 4:9

Shejao shaang ammi Kahvang nyingei peiteke, nevaijü Kahvangi am nyingteke. Shejema mekei etü ammi shao wong nekohpü hatü vanglem lempü laanghathü lemei lepdainya? Amphongi hathü phangkü shao aa vaihüpü je?

SHAKEI VAMPÜ 3:8

Ngei ammei douthü nyingnyeih. Veituh, ngei am touei sha hük apei tuhnyeih, hapa üpaiyao neküp-aokhen. Am kü wong maani mon nyüke shei ngei nyingnyeih, shejao ammi ngelei shah bangei notei hatü ngelei men neyaktük.

SHAKEI VAMPÜ 22:4

Jomi büpalei dhe eehen, hatü büpalei men jomei shangbalei nyuhen.

EPHESIA 4:30

Angei leipü nyih shingvaishi am kü füoshang shüngpü Kahvang Laangha Daülangpü mongtemanghü.

1 KORINT 1:2

Korintlei nyupü Kahvangei attoi, Jisu Khrista kü daütükpüthü, daülangpüthü vaihen nyükpüthü mü chemi shing peülei jenei Shembüpa Jisu Khrista– jomei hatü jenei Shembüpa men kü nyükpüthü touei,

ISAIAH 28:16

Hanangkü Shembüpa Kahvangi, “Veituh, ngei Zionlei chongnyiam yaong, hatü dokhen yaong hük, chongnyiam shing wong kohhen shingvaishi douvang shongkaong yaong hük tuhnyüpeih. Üpai hapa kü hinglemhenshang, neshanghahhen.

2 PETER 3:14

Hanangkü bampü küphüthü, ammi ha douthü danshingkü ammi büpa mü chingmei kü kawhikang hatü eela neshiüi nyushi büpai am eehen mü kentuh,

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

SHAKEI VAMPÜ 2:13

Melei Satan ong uoshing nyu, halei am nyupü ngei nyingnyeih. Shejao ammi ngelei men kü wongshongi shoungnyüke, hatü ngelei denbü Antipas, ngei kü hinglempü hük, Satan nyushing ammei chingnyülei jütükpü nyih kao ammi ngelei men kü hinglempü neyaktük.

MENVIH KESHO 1:6

Mehenangkü Shembüpai daülangpüthülei lem kü veishi nyunyeih, shejao nemeipüthülei lemü mahdaihen.

MATHI 7:23

Hahepak kü ngei hathü kü, “Ngei amphong nenying, ngei toueipü lüdaituh, amphong ten dükpüthü” shei ehen.

EPHESIA 3:15

büpa leipü vangsho hatü kahdoknyü kübü shemong peüi hapalei men yahnyeih.

KANDOK 3:7

Nüngei müki eepü kü mon nyingpükei tedeih, Shembüpa nyemtuh, hatü mang kübü mong leptuh.

MENVIH KESHO 37:18

Eela neshiüpüthülei nyihthü Shembüpai nyingnyeih, hatü jomei mükjüp düngei nyuhen.

MENVIH KESHO 34:14

Mang kübü yantuh, mei düktuh; chingmei yemtuh hatü ha changei daituh.

ROM SHAHSHA APPÜ 15:20

Hanei ami lingpü chongnyiam kü ngei nevehen shingvaishi Khrista jung mechemao mangdanpü am touei shahjangmei chongvenhen düngei ngelei mongdeih nyuhampeih.

PHONGSHANTHÜ DOU 15:17

shejüang lebü shennyakthü peüi Shembüpa yemhen, hatü ngelei men kü nyükpü Kung am peü. Hathü douthü dükpü Shembüpai enyüke;

MATHI 7:25

Vang keiyei yung long, hatü vanglük lük, hatü ha shem kü hung, shejao ha shem nelaam; mehenangkü hapa shemü yaong shangkü veteke.

1 JOHAN 2:19

Jomü jen kübü lüdaipeih, shejao jomphongü jen khong nevai; jomphong paoh jen khong vailangmeyü jomphong jen mü nyuhah shepeih. Shejao jen toueipü lüdaipü homei jomphongü jen khong nevai shei lekei hunyüke.

ROM SHAHSHA APPÜ 12:9

Bampeyü hingshangpü vaihütuh. Mehe ten ha kü jiühittuh; mehe mei ha kü shoungtuh.

MARK 13:22

Shahshem khrista hatü shahshem thibüthü longi vamkahen hatü nyangeihepü hatü yashanyale longi hukahen; aokjema daülangpüthüao lemnyongei mülanghen.

KANDOK 10:25

Mechem yinglükleisho peihen, nemeipüthü maolanghen, shejao daülangpüthü chongkhenei nyuhen.

JOB SHAHSHA APPÜ 28:28

Hatü hangku kü büpai, “Shembüpa nyempeyü kihikon, hatü ten kübü yangpeyü danaokpü” shei eteke.

ROM SHAHSHA APPÜ 9:11

Kahvangi jepü nedoh-i daihen mükhong kü hapa yeshang nyi bühshekü nevaijü mei nevaijü ten dükshekü,

MENVIH KESHO 97:10

Ten kü jiühitpüthü kü Shembüpai bamnyeih; büpa kü hinglempüthü büpai yangnyeih; büpai nemeipüthüleilak kübü yanglangnyeih.

BHEI-IE 6:27

Shejüang jomi ngelei men Israel am kü baonghen, hatü ngei jom kü moihimanhen.”

1 TIMOTI 6:19

Hapakei dükpai ngoikahen den shingvaishi wong kohpü chongnyiam keiha jomi laophü shing mop jaohen, shejüang jomi yangnyu mepa hingshangpü yangnyu nyüpa, ha kü shoungaokhen.

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

PHONGSHANTHÜ DOU 9:14

hatü halei büpai ngongpathü leipü wong yahtü nüngei men kü nyükpüthü peü yepei shahen peipü khih” shei e.

JOHAN 13:18

Ngei am peüei nang ne-enyih; ngei üamphong je, ngei hathü nying. Shejao laihingei, ‘üpai ngei mü hahying hanteiyei hah, büpai ngei khüei yaongteke’ shei epü jiühühen shingvaishi nyüke.

MATHI 24:24

Mehenangkü shahshem khristathü hatü shahshem thibüthü vamkahen hatü nyangeihepü hatü yashanyale douthü dükei longshi shing lemnyongei mülanghen; aokjema jelangpüthüao lemnyongei mülanghen.

MENVIH KESHO 112:6

Mehenangkü büpa nejenlenhen; daülangpü shennyak hük den kü deihshi nyuhen.

EPHESIA 2:20

Amphongü phongshanthü hatü thihivamthü chongnyiam shangkü lingpeih; Khrista Jisu büpa nyingi shemshouk kübü shongnyü yaong leipeih.

ROM SHAHSHA APPÜ 11:2

Büpai yeihshi nyingei nyupü laophülei nanglak Kahvangi neyaktükangpih. Laihingi Elijah nang mehe e, mekei büpai Israel am khüei Kahvang kü phoppa, ammi nyingla?

LUK SHAHSHA APPÜ 6:48

Büpayü yaong shangkü sha vaüpei chongnyiam lingei shem vepü shennyak hük leshi nyüke. Mechem yung long, shem kü hung, shejao hapa shem nejenhen; mehenangkü hapayü meishi wongei veteke.

HAGGAI 2:23

Shembüpai enyüke: “Hapa nyih kü ngei nüng yahhen, Oh Zerubbabel, ngei chongphobü Shieltielei cheha, shei Shembüpai enyüke, hatü ngei nüngü ngelei anguti hük keiha leihühen; mehenangkü ngei nüng jetepih shei Jeiyong Kahvangi enyüke.”

ROM SHAHSHA APPÜ 15:9

hatü Kung amiyao büpalei phahji nangkü Kahvang müknyinshekhanghen. Ha nyangei nyüke: “Hanangkü Kung am touei ngei nüng vihhen, hatü nüngei men vih-ei lokhen.”

ISAIAH 14:32

Philistia leipü peiküpü phongmokbü kü jeni mehe jangei eshuohhen? “Shembüpai Zion chonglingteke, hatü pinnyü kü büpalei taopa shennyakthüi loishing danghen.”

SHAKEI VAMPÜ 21:14

Hatü chingnyü penyü kü chongnyiam anpünyi nyu, hatü hathü ieyei kü Mi Chehalei phongshan anpünyilei men anpünyi nyu.

HEBREW 11:10

Mehenangkü büpai Kahvangi lingtükpü hatü vetükpü chongnyiam nyupü chingnyü kü ongyangei veiteke.

MATHI 28:19

Hanangkü daituh, jatli peü nanglak leihütuh; Pa, Ha hatü Laangha Daülangpü men kü jomphong yung kü hüngtuh,

ZEKHARIAH 3:9

Ngei Joshua touei haüpü yaong kü veituh. Hapa yaong hük kü dhe nyet nyüke, hatü ngei hapa yaong kü nyanghen shei Jeiyong Shembüpai enyüke, hatü hapa kahdok kübü mang ngei nyihcha hük kü thitei yaktükhen.

SHAKEI VAMPÜ 17:8

Shelei nyupü nüngi eepü yemha, shaang nenyu; pinnyü shaongdoh neshiüpü kahsha leipü vamei mahhen temei daikahen. Kahdoknyü kü nyupü shennyakthü kahdoknyü chongnyiam lingshekü üamei men yangnyu laitap kü nyangei nenyu, hathüi yemha kü veitü yashanhen. Mehenangkü ha shelei chem nyu, shaang neshiü, pheilei shao vamkahen.

PHONGSHANTHÜ DOU 11:26

hatü mechem büpa pongpa, büpai büpa Antiokhlei müei lei. Hanangkü hapa bongyang kemei jijinyi-i attoi am mü thaiyeiyuei nanglak longi kü nyuhteke, hatü Antiokh leipü vaipü nanglakthü kü, “Khristan” shei shongei nyükei pang.

ISAIAH 65:15

Ammei menü ngei jepüthüi thaüvaüteihen shingvaishi tuhphonghen, hatü Shembüpa Kahvangi am dihühen; shejao büpa chongphopüthü kü büpai lebü men shuohhen.

ISAIAH 63:19

Aivang den mebü hamü nüngei nanglak nyuhampeih; shejao luangi nüngi vanglem nelempü nanglakthü keiha, hatü nüngei men kü nenyükpü shennyakthü kei nyupeih.”

EZEKIEL 9:4

büpa kü, “Jerusalem chingnyü peü lemei daituh, hatü halei jiühitnalai dou dükpü nangkü mongshangei mahng theppüthülei shangba kü füoshang shingtuh” shei e.

JOHAN 3:33

Üami büpalei shah yah, Kahvangü shahhing shei denpü shuohnyüke.

1 TIMOTI 3:15

Shejao ngei pheidaijema, Kahvangei shemong, mepa vanyangyem Kahvangei attoi kü shahhing shemnyü hatü chongnyiam nyüpa, hapa kü mekei shennyakthüi dükhen ha nyinghen vongbong.

MARK 12:16

Jomi hük deiyei shuoh. Büpai jomphong kü, “Hapa kü üpalei shangjing bakshi hatü men nyangei nyüke?” shei e. Jomi, “Ongpalei” shei jang.