2 TIMOTI 2:10 - DAÜLANGPÜ LAIHING (BSI)

¹⁰ Hanangkü nedohnetenpü müknyinshekhang mü Khrista Jisu kü jomphongao yemleipü danghen shingvaishi jepüthülei men kü ngei lemphü munennyeih.

2 TIMOTI 2:10 Referans Kwoze

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

2 TIMOTI 2:3

Khrista Jisulei veshan hük keiha shanghah peü kü hanteituh.

2 KORINT 1:6

Ham shangpongjema hapayü am nyiushem meihen hatü yemleihen shingvaishi; ham nyiushem meijema, hayü am nyiushem meihen shingvaishi, hatü hamiyao shangpongpü hapa aihük shangpong ammi munenpü nyingei nyüke.

2 KORINT 4:17

Mehenangkü hapa maanpü hatü kansho hük shangpongpü homei ham shing shetei neaokpü nedohnetenpü müknyinshekhang temnyanyüke;

1 PETER 2:10

Chem amphongü nanglak nevai-i nyupeih, shejao shaangü Kahvangei nanglakthü; chem amphongü phahji nedangi nyuhampeih, shejao shaang amphongi phahji dangteke.

1 THESALONIKA 5:9

Mehenangkü Kahvangi jenphong büpalei mongshih ponghahhen neje, shejao jenei Shembüpa Jisu Khrista homei yemleipü danghen jepeih.

KOLOSI 1:27

Kahvangi büpalei hapa shahjo müknyinshekhang mop Kung am touei meshük longpa, ha nyinghühen shingvaishi jomphong jepeih; hapayü am kü nyupü Khrista, müknyinshekhangpü monglem.

EPHESIA 3:13

Hanangkü ngei am shingvaishi shangpongpü kü am mong nemahhen nangkü ngei phopnyeih; hathüyü ammei müknyinshekhang.

2 KORINT 4:15

Hih, lemphüli am nanglei danghen shingvaishi nyüke, shejüang hapa phahji nanglak nyeipüba nyeipüba touei yanei daishingkü Kahvang müknyinshekhang shing menvih nyeinya dahen.

1 KORINT 9:22

Wong nekohpüthü müei leihen shingvaishi wong nekohpüthü touei ngei wong nekohpü am kei leipeih. Mehe vaihen vaijao hanei am dangkao yanghen nangkü ngei nanglak peü touei lemphü kei leipeih.

ROM SHAHSHA APPÜ 9:23

Müknyinshekhang shingvaishi büpai yeihshi mebü phahji huhen shei lingpüthü kü büpalei müknyinshekhang mop nyinghühen nangkü büpai ha dükjao meheang?

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

JOHAN 17:24

Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

JOHAN 17:9

Ngei jomei men kü phopnyeih; ngei kahdoknyülei men kü nephopnyih, shejao nüngi ngei kü shuohpüthülei men kü phopnyeih; mehenangkü jomphongü nüngei.

JOHAN 11:52

hatü jat hük shing mon nevai shejao haidaipü Kahvang hathü thaiyei leihen jung teteivanei eteke.

MATHI 24:31

hatü büpai laophülei vangsho phongshanthü amit ngeü longpü mü shomei büpai jelangpüthü kahdok vaungjung aliphen kübü, hatü vangsho jung hük kübü hük dohpü thahshi thailanghen.

MATHI 24:24

Mehenangkü shahshem khristathü hatü shahshem thibüthü vamkahen hatü nyangeihepü hatü yashanyale douthü dükei longshi shing lemnyongei mülanghen; aokjema jelangpüthüao lemnyongei mülanghen.

MATHI 24:22

Hathü nyih shoh-ei neleilangmeyü üpayao neyangaokhen vaipeih, shejao jelangpüthülei men kü hapa nyih Kahvangi shohtükpeih.

KANDOK 8:35

Üami ngei dangnya, yangnyu dangnyüke, hatü SHEMBÜPAleipü phahji yahnyüke;

2 THESALONIKA 2:14

Hapa nangkü ammi jenei Shembüpa Jisu Khristalei müknyinshekhang yahhen shingvaishi hami venpü shahjangmei homei büpai am nyükpeih.

LUK SHAHSHA APPÜ 18:7

Kahvangi jelangpüthü büpa kü nyakhingai thüngei lenjü büpai shahhing shahphen neshuohhen je? Büpai jom kü sheühhen kaaei nyudaihen je?

1 KORINT 1:21

Mehenangkü Kahvangei kihikonü kahdoknyüi laophülei kihikon homei Kahvang nenyingpü nangkü, ngapükei chongvenpai hinglempüthü yanghen Kahvangi temtükpü nyuteke.

2 KORINT 12:15

Am shingvaishi ngei angpü lemphü hatü ngeiyao omshi tükhen. Ngei am kü longi bampü nangkü ammi ngei kü maani bamhen je?

2 TIMOTI 1:1

Paul, Khrista Jisu kü nyupü yangnyuyem lahpü keiha Kahvangi mongpü homei Khrista Jisulei phongshani,

2 TIMOTI 2:1

Nüng, ngelei hapeü, Jisu Khrista kü nyupü phahji kü wong kohtuh;

TITUS 1:1

Paul, Kahvang chongphobü hatü Kahvangi jepüthüi hinglempü men kü hatü Kahvang nyingpü kü shahhing nyingpü Jisu Khristalei phongshani,

LUK SHAHSHA APPÜ 22:57

Shejao Peteri, “Nyüha, ngei büpa nenyingnyih” shei nelahaoki e.