2 TIMOTI 1:8 - DAÜLANGPÜ LAIHING (BSI)

⁸ Jenei Shembüpa jung denpü nangkü nevaijü büpa nangkü khoklatei nyupü ngei nangkü nüng teveü, shejao Kahvangei ngan kü mongnyangtü shahjang meipü nangkü shangponghen ngei mü shepkei.

2 TIMOTI 1:8 Referans Kwoze

ROM SHAHSHA APPÜ 1:16

Ngei shahjangmei nangkü veüei nedeihnyih; mehenangkü hinglempüthü peü yemleihen shingvaishi hapayü Kahvangei ngan, shongpüba kü Jehoda am, hatü Greek am shingvaishi.

MARK 8:38

Hanei ami hapa mükbongjuyung hatü mang shennyakthü den kü ngelei men hatü ngelei shah kü vin nedejema, Shennyak Ha Palei müknyinshekhang kü daülangpü vangsho phongshanthü mü yiüshingkü jom shingvaishi vin nedehen” shei e.

2 TIMOTI 4:5

Shejao nüng payü düngei ungei-aeiyei nyutuh, tok vaipü munentuh, chongvenbülei dousho düktuh, nüngei chongphopü dousho den ngoiyei düktuh.

SHAKEI VAMPÜ 12:11

Shejao jomi Mi Chehalei iy homei, hatü jomei shah-i denpü homei büpa neütükteke, mehenangkü dihen vaijao jomü yangnyu lanei shuohhen mongei nyuteke.

2 TIMOTI 2:9

ha tata kü shahkung shaipü hük keiha nyiamvüi shahahpü thahshi ngei hanghi pongpeih. Shejao Kahvangei shah shaei netuh.

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

EPHESIA 3:1

Ha tata kü am Kung am men kü Khrista Jisu shingvaishi ngei, Paulü khoklat kü küppü am leipeih;

PHILIPPI 3:10

Ngei Khrista hatü büpa yangei leipü ngan nyinghünyeih, hatü büpa dipü kü büpa kei leiyei büpa shangpongpü kü hanteihünyeih.

LUK SHAHSHA APPÜ 9:26

Shennyak hanei-i ngei hatü ngelei shah nangkü vin nedejema, mechem Shennyak Ha laophülei müknyinshekhang hatü Palei müknyinshekhang kü daülangpü vangsho phongshanthü mü yiühenshang, büpa shingvaishi vin nedehen.

2 TIMOTI 1:16

Shembüpai Onesiphorus am shemong kü phahji nyemshuohma; mehenangkü büpai düngei ngei mongdhüng vamhünyeih, hatü ngei khoklatei nyupü kü veüei neshiü;

EPHESIA 4:1

Hanangkü mepa nangkü amphong nyük, ha nyükpü shangshi ammei yangnyu nyuhen ngei, Shembüpa kü khoklatei küpbüi am kü khümnyeih.

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

2 TIMOTI 2:3

Khrista Jisulei veshan hük keiha shanghah peü kü hanteituh.

1 THESALONIKA 3:4

Jen shüveidoideipü ponghen shei hamphong am mü nyushi yeihshi am kü etepih, hatü ammi nyingei nyupükei ha vampeih.

PHILIPPI 1:7

Am peü nang hapakei deihhenü ngei shingvaishi jiüpü khih; mehenangkü am peü ngelei mongei nyüpeih; ngei khoklatei nyujao nevaijü shahjangmei nangkü khangtei shingkü nevaijü hapa nih-ei venshingkü ammi ngei mü hapa Kahvang phahji kü hean yahpeih.

EPHESIA 3:13

Hanangkü ngei am shingvaishi shangpongpü kü am mong nemahhen nangkü ngei phopnyeih; hathüyü ammei müknyinshekhang.

ROM SHAHSHA APPÜ 16:25

Shaang büpa, üpai ngelei shahjangmei aimü, hatü den luangi joshi angpü shahjo shakei vampü aimü Jisu Khrista jung baongpai am wong kohhühen aok,

1 JOHAN 4:14

Pa-i laophülei Ha kahdoknyü Yemleipüba vaihen shom shei jeni eeteke hatü hapa denpü shuohnyeih.

2 TIMOTI 4:17

Shejao ngei homei shahjangmei changshi baonghen, hatü Kung ami ha danhen shingvaishi Shembüpa ngei mü nyu, hatü ngei kü wong shuohpeih, hatü ngei mailangei jusha kübü yangpeih.

PHILIPPI 4:13

Ngei wong kohhüpüba homei ngei dou peü dükaokhen.

ROM SHAHSHA APPÜ 9:33

Ha nyangei nyüke: “Veituh, ngei Zionlei nanglakthüi huluh shuohhen yaong hük, jom dohühen yaongnyü hük tuhnyüpeih; hatü üami büpa kü hinglem, neveühühen.”

PHONGSHANTHÜ DOU 5:41

Jomphong shahtap leipü vamei daishingkü jom mongong; mehenangkü hapa men nangkü ne-ienelem ponghahhen shangpeih shei deih.

SHAKEI VAMPÜ 19:10

Hahepak kü ngei büpalei la tüngei khümnüng aümei sha, shejao büpai ngei kü, “Nüngi ha tedük! Ngeiyü nüng mü chemi chongphopüba hatü Jisulei denpü kopü nüngei küphü. Kahvang kü khümtuh. Mehenangkü Jisu jung denpeyü tetpüvanpü laangha” shei eteke.

SHAKEI VAMPÜ 1:2

hatü Kahvangei shah kü denpü shuoh, hatü Jisu Khristalei denpü büpai eepü peü shuoh.

1 KORINT 1:6

Khristalei shahjangmei denpü am mü chongwongei nyüke.

JOHAN 19:35

(Üpa shennyaki ha vampü ee, denpü shuohteke, hatü büpalei denpeyü shahhing. Büpai shahhing enyeih shei büpai nying, hatü ammi hinglemhen shingvaishi ha jung denpü shuohnyüke).

MENVIH KESHO 119:46

Ongthü touei ngei nüngei shahkungthü jung ehen, hatü ngei veü nedanghen.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

EPHESIA 4:17

Shaang ngei Shembüpalei men kü ha kangei enyeih: am hajük kü Kung am nyupükei yahlak neshiüpü chudeih mongdang jüktü tenyu.

2 KORINT 6:7

shahhing epai hatü Kahvangei ngani laknyong lakdah kü daülangshemshepü phunglang mü;

ROM SHAHSHA APPÜ 8:36

Ha nyangei nyüke: “Nüngei men kü hami helushoei dipü ponghah; hamphong keyü jütükhen mi kü kei nonyüke.”

JOHAN 15:27

Pangpü mebü am ngei mü nyuhamphei vaipü nangkü ammiyao ngei jung denpü shuohtuh.

ISAIAH 51:7

Ngei epü bangtuh, am jiüpü nyingpüthü, hatü ngelei shahkung mongdangei tuhpüthü; Hangkui eelapü hatü depünaampü kü tenyem.

MENVIH KESHO 19:7

Shembüpalei shahkungnyü den ngoipü, laangha jatonghünyeih. Shembüpalei shahkungü hinglembenüng; ngashi nyupüthüao nahhünyeih.

1 TIMOTI 2:6

Büpai laophü nying hangku peü angei leihen bhei shuoh, hatü hapayü jiüpü hepak kü denpü shuohteke.

KOLOSI 1:11

Amphong büpalei müknyinshekhang ngan kübü peipü wongi am wong kohhühen, hatü nenteiaokpai ammi lemphü munenhen temhen, hatü mongongpai,

ISAIAH 8:20

Shahkungnyü vaijao, denpü vaijao jomi hapa shah keiha ne-ejema, jom kü vangngai neshiü.

2 TIMOTI 1:10

shejao shaang hapayü jen Yemleipü Khrista Jisu yiüpü homei dipü mahtük, hatü shahjang meipü homei yangnyu hatü nemahnemenpü touei vangngai koei peipai shakei vamteke.

2 TIMOTI 2:8

Davidei li kübü Jisu Khrista dipü kübü yangei leipü deih-ei dangtuh; hapayü ngelei shahjangmei;