2 TIMOTI 1:7 - DAÜLANGPÜ LAIHING (BSI)

⁷ Mehenangkü Kahvangi jen kü nyemhen veühen laangha nevai, shejao ngan, bampü hatü ungeiaeipü laangha shuohpeih.

2 TIMOTI 1:7 Referans Kwoze

ROM SHAHSHA APPÜ 8:15

Mehenangkü amphongi nyipabü nyemhen aa laangha neyah, shejao ungei yahpü laangha yahpeih. Mechem jeni, “Abba! Opa!” shei lenhen,

1 JOHAN 4:18

Bampü kü nyempü neshiü, shejao hingshangpü bampai nyempü changtüknyeih; mehenangkü nyempeyü hanghi ponghen kü nyüke, hatü üami nyemnya bampü kü changpüshapü mangngoi.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

JOHAN 14:27

Ngei am mü chingmei tuhphünyeih; ngelei chingmei ngei am kü shuohnyeih. Kahdoknyüi shuohpükei ngei am kü neshuohnyih. Ammei mong teshanghü nevaijü tenyemhü.

LUK SHAHSHA APPÜ 10:19

Veituh, ngei amphong kü biü hatü yiüjikaungkang, hatü vepathülei ngan peü shak kü la-i shouphen wong shuohtepih, hatü mepaiyao am kü ma neshahühen.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

ZEKHARIAH 4:6

Büpai ngei kü, “Hapayü Zerubbabel kü Shembüpai epü shah nyüke: ‘Wongi nevai, ngani nevai shejao ngelei laanghai’ shei Jeiyong Shembüpai enyüke” shei e.

KANDOK 2:7

Büpai kangshangpüthü shingvaishi kihikon jaoei nyüpeih; Eela neshiüi kampüthü shingvaishi büpayü inyüshung nyüke;

KANDOK 8:14

Kihikon hatü shahhing shahphenpü ngeilei nyüpeih; ngei kü danaokpü kon hatü wong nyüpeih.

ROM SHAHSHA APPÜ 5:5

hatü monglempai jen mongnemanghünyih; mehenangkü jen kü shuohpü Laangha Daülangpü homei Kahvang bampü jenei mongdang kü shihteke.

HEBREW 2:15

hatü dipü kü nyempai aa vaishi küpei tuhpü jomei yangnyuthü bümei leihüpeih.

PHONGSHANTHÜ DOU 20:24

Shejao ngei ngelei dou mon temaokjema hatü Shembüpa Jisu leipü dangpü Kahvang phahji shahjangmei denpü shuohpü dousho aokphei keyü ngei ngelei yangnyu kü mehe kao nanglei kei ieyeilemei neshiüpih” shei eteke.

1 KORINT 2:4

Ngei epüsheipü hatü venpü peü yawhpüyangpü kihikon shah nevai, shejao Laangha hatü ngan hupü kü nyupeih,

LUK SHAHSHA APPÜ 24:49

Veituh, ngelei Pa-i mehe lah, ha ngei am kü shomhen; hanangkü amphong shangeipü ngani am kü mangbak thahshi chingnyülei nyutuh” shei e.

PHONGSHANTHÜ DOU 10:38

Mekei Kahvangi Nazareth am Jisu Laangha Daülangpai hatü ngani thiteiphu, hatü mekei büpai doumei dükei, hatü mang laanghai shüveihahpüthü meihüpa ammi nyingei nyüke; mehenangkü Kahvang büpa mü nyuteke.

MIKA 3:8

Shejao ngei shingvaishi payü Jakob kü jom pungpü, hatü Israel am kü jomei mang eshuohhen, Ngei kü Shembüpalei laangha, hatü ngan hatü shahhingi maei nyüpeih.

MENVIH KESHO 119:80

Ngei veü nedanghen shingvaishi nüngei shahkung kü ngelei mongkü eela neshiüi nyuhütuh.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

PHONGSHANTHÜ DOU 21:13

Hahepak kü Pauli, “Mehekei am thepnya hatü ngelei mongdang manghünya? Ngeiyü yepei shahahhen mon nevai, shejao Shembüpa Jisulei men kü Jerusalemei dihenao temei nyüpeih” shei jangei e.

KOLOSI 1:8

hatü Laangha kü am bamteipü büpai ham kü nyinghüpeih.

PHONGSHANTHÜ DOU 6:8

Stepheni phahji hatü ngani maei nanglakthü touei thamapü hatü nyangeihepü longi dük.

PHONGSHANTHÜ DOU 9:22

Saul nyeinya wong koh-ei lei, hatü Damaskalei nyupü Jehoda am mü Jisu-ü Messiah hih shei nih-ei epü nangkü jomi büpa kü meheyao shah neleiaok.

LUK SHAHSHA APPÜ 8:35

Mehe vampa shei ha veinüng shennyakthü vam, hatü mechem jom Jisu touei peipa, jomi üpa shennyak leipü mang laanghathü vamdaipa, büpa Jisu touei ashakviha owtü bümei leiyei uoshi ee, hatü jomphong nyem.

PHONGSHANTHÜ DOU 26:25

Ngei nganyu nevaipih, lupülongpü Festus, shejao ngei jiüpü shahhing enyeih.

LUK SHAHSHA APPÜ 15:17

Shejao mechem büpa mong hüngei deihpa, büpai laophü nyingi e, “Opalei shemei nang shapüthüyü hahtao aoei nyüpeih, shejao ngeiyü hatouei aeipai dinyu khih!

PHONGSHANTHÜ DOU 26:11

Hepak longshi shingkü ngei Sinagog hük leipü hük thahshi jom hanghihühen longteihampeih, hatü jom vaipü jom nyingi sheyü nevaipih shei ehühen ngei khehampeih. Ngei ahshi-üng jom kü mongshihpü nangkü ngei jom hanghihühen nangkü mih kung kahdok leipü chingnyüthü leiyao daiyei shüveihampeih.

ISAIAH 11:2

Shembüpalei laangha büpa kü nyuhen, kihikon hatü danaokpü laangha, shahnying venpü hatü ngan laangha, nyingpühingpü hatü Shembüpalei laangha büpa kü nyuhen.