2 TIMOTI 1:5 - DAÜLANGPÜ LAIHING (BSI)

⁵ Ambi Lois kü shongei nyupü hatü anyü Eunice kü nyupü hinglempü ha nüng kü shaangao nya-aipih shei deihnyeih, hatü nüng kü nyupü hinglempü lekpü ha ngei deih-ei dangnyüke.

2 TIMOTI 1:5 Referans Kwoze

1 TIMOTI 1:5

Shejao hapakei nyuhpüvenpü mükhongü daülangpü mongdang, mongdeih meipü hatü kenhingei vaipü kübü vampü bampü nyüpeih.

PHONGSHANTHÜ DOU 16:1

Pauli Derbe hatü nanglak hük meni Timoti nyupü Lystralei heih. Büpayü vaipü Jehoda am nyüha hükei ha, shejao chepayü Greek am nyuteke.

1 TIMOTI 4:6

Nüngi ha nyuhpüvenpüthü jeihinaü hatü nyahinaüthü kü shuohjema, nüngü hinglempü shahthü, hatü nüngi yahpü nyuhpüvenpü meipai haümei longpü Khrista Jisulei chongphobü hük leihen.

2 TIMOTI 3:15

hatü hashih mebü nüngi Daülangpü Laihing, mepai nüng kü Khrista Jisu kü hinglempü homei yemleihen shingvaishi nyuhhen aoknya, ha nüngi nyingei nyüke.

ROM SHAHSHA APPÜ 15:14

Ngelei jeihinaü hatü nyahinaüthü, ngei am nangkü mong hamei deihnyeih; mehenangkü am kü meipai maei nyüke; nyingpai maei nyüke; hatü hüki hük kü nyuhhen aokshi nyüke.

HEBREW 6:9

Hami hapakei ejao, bampü küphüthü, hami am nangkü meipü douthü monglemnyeih, hayü yemleipü douthü.

2 TIMOTI 1:12

hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

2 KORINT 6:6

daülangpai, danaokpai, inyainyempai, shinshangpai, laangha kü daülangpai, hingshangi bampai,

ROM SHAHSHA APPÜ 8:38

Mehenangkü dipai vaijao, yangnyu vaijao, vangsho phongshan vaijao, vanglem lembüthü vaijao, shaang nyupü douthü vaijao, ngoikahen douthü vaijao, nganthü vaijao,

ROM SHAHSHA APPÜ 4:21

Kahvangi mehe lah, ha büpai dükhen ngan nyüpeih shei mongkü pongteke.

MENVIH KESHO 116:16

Oh Shembüpa, ngei nüngei chongphobü; Ngei nüngei chongphobü; nüng chongphonyülei hapeü. Nüngi ngei nyiamvü kübü laiyei deishihpeih.

MENVIH KESHO 86:16

Ngei lemei lepkei hatü ngei kü phahjishih; nüngei chongphobü kü wong yahshih; nüng chongphonyülei hapeü yangtuh.

HEBREW 11:13

Ha shennyakthü peü jom dipü thahshi hinglempü kü nyu. Jomi lahtükpü douthü nedang, shejao jomi tailuei hathü dou peijapü eeyei mongong. Jomi hapa kahdoknyü kü jomphongü yenpa hatü benha shei deih;

ROM SHAHSHA APPÜ 14:14

Shembüpa Jisu Khrista kü nedaüpü menüngao neshiü shei ngei nyingnyüke hatü mongkü pongnyüke; shejao hayü nedaüpeih shei deihpüthü keyü nedaüpü vainyüke.

ROM SHAHSHA APPÜ 14:5

Hanei ami nyih hanei meyü nyih hanei shongnyü kei deihnyeih, shejao hanei ami nyihthü peü aihük kei deihnyeih. Peüi laophü laophülei mongei deihpü kü mongkü pongei nyutuh.

PHONGSHANTHÜ DOU 26:26

Hingmei ongpa, hathü peü nejü-üi enyüpeih; mehenangkü hathü peü büpai nenyingi neshiüpih, hatü ha joshi nedüknyih.

JOHAN 1:47

Mechem Jisui Nathanael ngoijapü eepa, “Meheyao shahshem neshiüpü hingshangpü Israel am hatouei nyüke” shei büpai büpa nang e.

JEREMIAH 3:10

Shejao hathü peü dükphei kao shahshem epü Judah-i pinnyülei mong kempai ngei touei mong lepei nelei, shejao meni mon ngei touei mong leppükei hupeih shei Shembüpai enyüke.

MENVIH KESHO 81:15

Shembüpa kü jiühitpüthü büpa kü aümei khümhen, hatü jom den kü mahdaihen.

MENVIH KESHO 77:6

Yanüng ngei ngelei mongdang mü eteinyeih, hatü ngei phopei ngelei laangha yemnyeih.

MENVIH KESHO 66:3

Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

MENVIH KESHO 22:10

Ngei bühpü nyih kübü ngei nüng kü mongnyangshi nyu; ngei onyülei vom mongei nyushi mebü nüngü ngelei Kahvang nyuhampeih.

MENVIH KESHO 18:44

Jomi ngei jung danhinüng, jomi ngelei shah bangnyüke; kung ami nyemei kheüyaki ngei touei peikünyüke.

MENVIH KESHO 17:1

Oh Shembüpa, shahhing shingvaishi ngei lenpü danlangshih. Ngei phoppü kü dhaong shaangshih hayü lupülempü ju kübü nevaipih.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.