2 TIMOTI 1:12 - DAÜLANGPÜ LAIHING (BSI)

¹² hatü ha tata kü ngei shangpongnyeih. Hei shejao ngei neveünyih; mehenangkü ngei üpa kü hinglem, ha ngei nying, hatü hapa nyih shingvaishi ngei mehe büpa kü nangei tuhphong, büpai ha yomaokhen shei ngei monglempü nyüpeih.

2 TIMOTI 1:12 Referans Kwoze

2 TIMOTI 1:8

Jenei Shembüpa jung denpü nangkü nevaijü büpa nangkü khoklatei nyupü ngei nangkü nüng teveü, shejao Kahvangei ngan kü mongnyangtü shahjang meipü nangkü shangponghen ngei mü shepkei.

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

1 PETER 4:19

Hanangkü üami Kahvangi mongpükei shangpongnya, hingshangpü jom Lingbü kü lanei shuohhen hatü nedoh-i mei dükhen.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

1 TIMOTI 6:20

Timoti, nüng kü mehe kophopa, ha yomtuh. Ten vapvappü, hatü mepa hanei ami pungei, “Kihikon” shei eshi neshetnephen ngashah shükteinya, henüng kübü khaatdaituh;

NAHUM 1:7

Shembüpayü meiangpeih; büpayü shangpong yakying hepak kü jen loishing nyüke. Büpa kü hinglempüthü kü büpai jungnyüpeih.

ROM SHAHSHA APPÜ 1:16

Ngei shahjangmei nangkü veüei nedeihnyih; mehenangkü hinglempüthü peü yemleihen shingvaishi hapayü Kahvangei ngan, shongpüba kü Jehoda am, hatü Greek am shingvaishi.

MATHI 24:36

Shejao hapa nyih hatü hepak jung Opa mü lenei üpaiyao nenying; vangsho phongshani nevaijü Ha-iyao nenying.

1 PETER 1:5

hayü dohpü hepak kü hinglempü homei Kahvangei ngani yangpüthü touei shakei vamhen temtükpü yemleipü nyüke.

MENVIH KESHO 25:2

Oh ngelei Kahvang, nüng kü ngei hinglemnyeih. Nüngi ngei veü teponghü; ngelei vepathüi ngei te-aokhü.

2 TIMOTI 1:18

Hapa nyih kü büpai SHEMBÜPAleipü phahji danghen mü Shembüpai büpa kü nyemyahshuohma! Ephesialei büpai meshük dou dükpa nüngi meishi nyingei nyüke.

PHILIPPI 3:21

Büpai jenei wong nekohpü büm yeiyahüei mepa ngan homei dou peü büpa phangkü shümei tuh-aok, hapa büpalei müknyinshekhang büm kü jen shepei ja leidaihen.

MENVIH KESHO 9:10

Üami nüngei men nying, jomi nüng kü hinglemnyüke. Mehenangkü Oh Shembüpa, nüngi nüng yempüthü neyakphong.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

2 TIMOTI 2:9

ha tata kü shahkung shaipü hük keiha nyiamvüi shahahpü thahshi ngei hanghi pongpeih. Shejao Kahvangei shah shaei netuh.

PHILIPPI 3:10

Ngei Khrista hatü büpa yangei leipü ngan nyinghünyeih, hatü büpa dipü kü büpa kei leiyei büpa shangpongpü kü hanteihünyeih.

PHILIPPI 3:8

Ha mü nyeishi Khrista Jisu ngelei Shembüpa nyingpü peü mü longpü nanglei mü shetteijü lemphüli lomoh khih shei ngei ieyeilemnyeih. Büpalei men kü ngei lemphüli lomohtükpeih, hatü ngei hathü kü nyüphinya shei enyeih, shejüang ngei Khrista danghen,

1 KORINT 3:13

büpalei dou meheshang eedainyeih; mehenangkü Khristalei Nyih-i ha shakei vamhühen, hatü hapayü aw homei shakei vamhühen, hatü peüi mepa keipü dou dükpa aw homei dokhen.

JOHAN 17:15

Jom kahdoknyü leipü yahlanghen nangkü ngei nephopnyih, shejao nemeipü kübü jom yanglanghen shingvaishi phopnyeih.

MATHI 12:21

Büpalei men kü jatthüi monglempü nyuhen.”

ISAIAH 54:4

Tenyem, mehenangkü am veü nepongpih; mongteshang, amphong hangnehipih; Mehenangkü am thehila hepak kü veütükpü betükhen, hatü am vaümnyü vaiyei tuhphongpü deih-ei nedanghen.

MENVIH KESHO 31:5

Nüngei lak kü ngei ngelei laangha shuohnyeih; nüngi ngei yangteke, Oh Shembüpa, hingshangpü Kahvang.

ROM SHAHSHA APPÜ 9:33

Ha nyangei nyüke: “Veituh, ngei Zionlei nanglakthüi huluh shuohhen yaong hük, jom dohühen yaongnyü hük tuhnyüpeih; hatü üami büpa kü hinglem, neveühühen.”

1 PETER 4:16

Shejao Khristan hük keiha am shangpongjema, hapayü veüpong kei tedeih, shejao ammi hapa men kopü nangkü Kahvang men vihtuh.

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

HEBREW 2:18

Mehenangkü büpa ponghahpai büpa kao dok; üami dokpü pongnya, büpai hathü kü sheühhen aokshi nyüke.

1 THESALONIKA 2:16

hatü Kung am yanghen shingvaishi ham kü chongteven shei khüampai shennyak peü mü khetnyüke. Hapakei dükpai jomi jomei mang hanggo mahünyüke, shejao shompülei Kahvang mongshih jom shak kü peiteke.

PHILIPPI 1:20

Ngei ongyangpü hatü monglempeyü ngei mekei etao neveühen, shejao ngei monglongei epai yemmü nyujao nevaijü didaijao düngei nyupü keiha shaangao ngelei büm kü Khrista longei anshihhen.

PHONGSHANTHÜ DOU 21:13

Hahepak kü Pauli, “Mehekei am thepnya hatü ngelei mongdang manghünya? Ngeiyü yepei shahahhen mon nevai, shejao Shembüpa Jisulei men kü Jerusalemei dihenao temei nyüpeih” shei jangei e.

PHONGSHANTHÜ DOU 13:50

Shejao Jehoda ami chingnyü kübü Kung am shennyak mübüthü hatü Kahvang kü vaipü noknyü kü laphen shaopü nyühathü kü ühing ittü Paul hi Barnabas nyi kü shüveitü hapa moidoi leipü changtük.

PHONGSHANTHÜ DOU 13:46

Hahepak kü Paul hi Barnabas nyiphen mong longei e, “Kahvangei shah am kü shong ehen nadang vaipeih. Shejao ammi ha yaktüktü yangnyuyem danghen ham nechang shei am nyingi shahphenpü nangkü shaangü hami Kung am touei lüdainyeih.

PHONGSHANTHÜ DOU 9:16

Ngelei men kü büpa meshük shangponghen ngei büpa kü hutepih” shei e.

PHONGSHANTHÜ DOU 7:59

Mechem jomi Stephen kü yaongi shükpa, büpai, “Shembüpa Jisu, ngelei laangha yahtuh” shei phop.

JOHAN 6:44

Ngei shompü Opa-i müei nedeipheikü üpayao ngei touei peinüng neaok; hatü ngei dohpü nyih ngei hapa shennyak yangei leishihhen.

LUK SHAHSHA APPÜ 23:46

Hahepak kü Jisui ngeüwong anei, “Opa, nüngei lak kü ngei ngelei laangha lanei shuohnyeih” shei e. Ha etü büpa ngüshom heeyei mongdang shemm.

ISAIAH 50:7

Shembüpa Kahvangi ngei kü sheühnyeih, hanangkü ngei veü nepong. Hanangkü ngei ngelei dhe yaonglang kei leitükpeih, hatü ngei veü neponghühen shei nyingnyüpeih.

MENVIH KESHO 56:9

Mechem ngei nüng kü nyükhen, ngelei vepathü nyokei leidaihen. Hapai Kahvang ngei shingvaishi nyüke shei nyinghen.

1 THESALONIKA 5:4

Shejao bampüthü, hapa nyih kü gühpa hüki keiha am nehanhühen shingvaishi amphong vangnyak kü nenyu.

LUK SHAHSHA APPÜ 10:12

Ngei am kü enyeih, hapa jila leimeyü hapa nyih kü Sodom am kü-üng nyeinya phahjihen.”

MATHI 7:22

Hapa nyih kü longshi shingi ngei kü, “Shembüpa, Shembüpa, hami nüngei men kü teteivanei ne-eangpü je, hatü nüngei men kü kahshihthü changei hatü nganhilong dou longi nedükangpü je?” shei ehen.

1 KORINT 1:8

Jisu Khristalei nyih kü am kawhikang neshiüi nyuhen shingvaishi büpai am dohpü ngoishi wong kohhühen.

2 TIMOTI 1:14

Jen kü nyupü Laangha Daülangpai sheühpai nüng kü nangei tuhpü doumei yomtuh.

2 TIMOTI 1:16

Shembüpai Onesiphorus am shemong kü phahji nyemshuohma; mehenangkü büpai düngei ngei mongdhüng vamhünyeih, hatü ngei khoklatei nyupü kü veüei neshiü;

TITUS 3:8

Üami Kahvang kü hinglemei pei, hathüiyao doumei kü lanei shuohhen shingvaishi nüngi hathü kü dhaümshi dükkahen ngei nanyüpeih; hathü dou longi meipeih, hatü peü shing nanglei nyüpeih.