2 SAMUEL 9:7 - DAÜLANGPÜ LAIHING (BSI)

⁷ Davidi, “Mephibosheth” shei nyüktü, “Nüng tenyem; mehenangkü ampa Jonathanei men kü ngei hingmei nüng kü phahji yahyang huhen. Ambü Saulei kahdok kemei nüng kü nyokei shuohhen, hatü nüng düngei ngei mü nükdü hük kü hahhen” shei e.

2 SAMUEL 9:7 Referans Kwoze

2 SAMUEL 9:1

Davidi, “Jonathanei men kü Saul am shem kü ngei phahji yahyang huhen üpayao aoei nyüla?” shei phe.

1 ONGPATHÜ 2:7

Shejao Gilead am Barzillailei chehapeüthü kü phahji yahyang hutuh, hatü jomphong nüngei nükdü kü hahhütuh. Anjei Absalom toueipü ngei daiyei nyushingkü jomphongi ngei kü bamei noteipeih.

2 SAMUEL 9:3

Ongpai, “Ngei Kahvang bampü huhen mü Saul am shem üpayao aoei nyüla?” shei phe. Zibai ongpa kü, “Jonathanei cheha hük la nyiphen mangdaitü nyüpeih” shei e.

2 SAMUEL 19:28

Ongpa touei opa am shemü jütükhen mon nyupeih, shejao nüngi nüngei chongphobü kü nüng mü nükdü hük kü hahhen hanteke. Hanangkü ongpa shao yühen mü ngei mehe jiüpü nyüpa?” shei e.

LUK SHAHSHA APPÜ 22:30

shejüang ammi ngelei ongching kü ngelei nükdülei hahhen yinghen aokhen, hatü ammi Israel jat anpünyi kü shahphenei uohen.

MENVIH KESHO 41:9

Ngei monghah-ei nyupü ngelei mongkhenthü, ngei mü nükshung hükkü küshi nyupüthüi dangkao ngei khüei yaongnyüke.

2 ONGPATHÜ 25:29

Hanangkü Jehoiakini khoklatei owpü ow tuhtüktü aopü büpalei nyihthü kemei kü ongpalei nükdülei chengei hahying.

SHAKEI VAMPÜ 3:20

Bangtuh, ngei shem shadenei yaongtü khungnyüpeih; ammi ngelei ngeü danei sha aphüjema, ngei ammei mongei shühen hatü ngei am mü hahyinghen, hatü am ngei mü hahyinghen.

2 SAMUEL 12:8

Ngei büpalei ongching hatü chenyühathüao nüng kü shuohpeih. Ngei nüng kü Israel hatü Judah phangthü shuohpeih, hatü hapaiyao maandaiteke shei shejema ngei shao nyeishi shuohhen vaipeih.

1 SAMUEL 12:24

Shembüpa kü mon nyemtuh, hatü mong kempai hinglemei büpa chongphotuh, hatü büpai am shing mehe dou longpü dükpa ha deih-ei dangtuh.

KAHBHAO 43:23

Büpai, “Meihen, tenyem; ammei Kahvang hatü ampalei Kahvangi ammei hanggolei hapa lop hüphopü vaihen aokpeih; ngei ammei lop dangphei hih” shei e. Hahepak kü büpai jomphong touei Simeon müei dei.

MATHI 6:11

Nyihjeih hahying shinnyih ham kü yahkei.

2 SAMUEL 19:33

Ongpai Barzillai kü, “Ngei mü Jerusalemei leishah, hatü ngei nüng kü junghen hih” shei e.

2 SAMUEL 9:11

Hahepak kü Ziba-i ongpa kü, “Ngelei shembü ongpai epü keiha nüng chongphobüi dükhen hih” shei e. Hanangkü Mephiboshethao Davidei nükdülei ongpalei hapeüthü hük keiha hahyingei nyu.

KAHBHAO 43:18

Shaang jomphong Josephei shemei müei shüpü nangkü longi nyem hatü jomphongi, “Shelei jenei hanggolei lop hüpü jeni ha koei leidaipü nangkü jenphongü shemongei shüpü vaaishang; jomi jen kü nemei-i düktü jen aa leihühen hatü jenei gaduthü yahlangphahen khih” shei etei.

2 SAMUEL 9:10

Nüng hatü anhapeüthü hatü nüngei chongphobüthüi büpa shing kah linghen, hatü halei vampü hahyingi nüngei shembülei hüpeü hamhen; shejao nüngei shembülei hüpeü Mephibosheth-ü düngei ngei mü nükdü hük kü hahhen” shei e. Zibalei hapeüthü jom anpünga hatü chongphobüthü jom kukha nyu.

2 SAMUEL 9:13

Mephibosheth-ü Jerusalemei nyu; mehenangkü büpai düngei ongpalei nükdülei hahyingteke. Büpa la nyiphen mangdaitü nyu.

JEREMIAH 52:33

Hanangkü Jehoiakini büpalei khoklat leipü ow bhühtüktü düngei ongpalei nükdülei hahyingei nyu.

ZEKHARIAH 7:9

Jeiyong Shembüpai hapakei enyüke: Shahhing shahphenpü shuohtuh; hüki hük mü phahji yahyang huteituh.

1 SAMUEL 20:15

Shembüpai nüngei vepathü kemei kahdok shak kübü thittükjao hapa aihük bampü ngelei shem am kübü tedohdaima” shei e.

1 SAMUEL 22:23

Ngei mü nyushah; tenyem; nüng jününg shei yempübai ngeiyao jününg shei yemnyu khihma. Nüng ngei mü nyujema yangaokhen” shei eteke.

2 SAMUEL 19:29

Ongpai büpa kü, “Nüngei nang hajük kü ehen neshiüpih. Ziba anji aa kü kahdok hanteihen ngei temtüktü nyüpeih” shei e.

2 SAMUEL 21:7

Shejao ongpai Jonathanei cheha Mephibosheth yangei tuh; mehenangkü David hatü Saulei cheha Jonathan nyi aa kü Shembüpalei men kü vangteitükpü nyuteke.