2 SAMUEL 8:3 - DAÜLANGPÜ LAIHING (BSI)

³ Rehobei cheha, Zobah amei ongpa Hadadezeri Euphrates yungyen kü nyupü kahmükthü büpai shümei omlanghen daiyei nyushingkü Davidi büpa mü hokei neüteke.

2 SAMUEL 8:3 Referans Kwoze

1 SAMUEL 14:47

Sauli Israel kü ong vaipheikü büpai peü philemei vepathü mü hok: Moab, Ammon, Edom, Zobah ongpathü hatü Philistia am mü hok. Melemei büpa hokhen, büpai aokpü dang.

2 SAMUEL 10:19

Mechem Hadadezer ong phangkü nyupü onghathüi Israel ami jom neütükpü eepa, jomi Israel am mü chingmei ling, hatü jom phangkü nyu. Hanangkü Aramea ami Ammon am kü hajük kü sheühhen nyemdai.

2 SAMUEL 10:16

Hadadezeri Euphrates yungdang leipü Aram am müei leihen shomei müei leiteke. Hadadezerlei veshan mübü Shobakh-i shangjing vaitü Helamei heih.

1 SHÜPPÜKENGPÜ 18:3

Anyei vaishi mechem Davidi Euphrates Yungyen yangkemei büpalei lakmongei chonglingei tuhhen shei daipa, büpai Zobah ong Hadadezer mü hatü Hamath thahshi hokteke.

2 SAMUEL 10:6

Mechem Ammon ami David mü ve leiteke shei nyingpa, Ammon ami Beth-Rehob hatü Zobah leipü Aramea am la mü daiyei hokpü veshan haja kukha, hatü Maakah ongpa leipü veshan haja hük, hatü Tob leipü veshan haja anpünyi phuoei yahteke.

MENVIH KESHO 72:8

Büpa vanglem lempü yungching kübü yungching thahshi, hatü Euphrates yungyen kübü kahdok dohpü ngoishi nyuhen.

MENVIH KESHO 60:1

Oh Kahvang, nüngi ham yaktük, hatü ham neütükteke; nüngi ham kü mongshih; shaang ham lemei lepei leikei.

1 ONGPATHÜ 4:21

Solomoni Euphrates yungyen kübü Philistia kahdok hatü Ijip amei viong thahshi kü nyupü ongchingthü kü vanglem lem. Hapa jatthüi büpa kü bom shuoh, hatü jomphongü büpalei den kemei kü büpalei nanglakthü leiteke.

SHAHKÜP 11:24

Ammei la-i shouppü shing peü ammei vaihen; ammei kahdokü yingnyü kübü Lebanon thahshi, hatü Euphrates yungyen kübü Mediterranean Yungching thahshi nyuhen.

MÜLANGPÜ 23:31

Ngei ammei viong Hakla Yungching kübü Philistia Yungching thahshi, hatü yingnyü kübü Euphrates yungyen thahshi linghen; mehenangkü ngei kahdok kü nyupüthü ammei lak kü lanei shuohhen, hatü am theetei heihyaki jom changtükhen.

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

2 SAMUEL 10:15

Shejao mechem Aramea ami jom kü Israel ami neüshuohpü nyingpa, jom shao chemi thai.

2 SAMUEL 23:36

Zobah am Nathanei cheha Igal; Gad am Bani;

2 SHÜPPÜKENGPÜ 8:3

Hapheikü Solomon Hamathzobalei heih-ei ha ching hahteke.