2 SAMUEL 8:2 - DAÜLANGPÜ LAIHING (BSI)

² Büpai Moab amao neütük, hatü yeppüthü kemei kahdokei lemhütü büpai vü yanghük yah-ei jomphong kü shetteke. Büpai jütükhenthü kü vüyang nyipa shet, hatü yangei tuhhenthü kü vüyang hüki chem mon shet. Hanangkü Moab am David phangkü nyu, hatü jomi büpa kü bom ühhamteke.

2 SAMUEL 8:2 Referans Kwoze

BHEI-IE 24:17

Ngei büpa eenyüke, shejao shaang nevai; Ngei büpa kü veinyeih, shejao yopailei nevai. Jakob kübü litha hük vamkahen; Israel kübü lenshuoh hük vamkahen. Büpai Moab amei mübüthü, hatü Shethlei hapeüthü kemei ngümtükhen.

MENVIH KESHO 60:8

Moabü ngelei la paüshing, Edom kü ngelei lathuh hukei shükhen; Philistia shak kü ngei aokpü dangei lenhen.

2 SAMUEL 8:6

Hapheikü Davidi Damaskalei Aramea am kü veshanthüi yomei tuh, hatü Aramea am David phangkü nyu, hatü büpa kü bom ühteke. David melemei dai, peü lem kü Kahvangi aokpü danghü.

1 SAMUEL 10:27

Shejao hanei büpa kü yaüei, “Hapa shennyaki mekei etü jen yangaokhenang?” shei e. Jomphongi büpa kü yaüei e, hatü meheyao thintho neshuoh. Shejao Saul nenmü nyu.

ISAIAH 36:16

Hezekiah-i epü kü tebang. Assyria ongpai hapakei enyüke: Ngei mü chingmei lingtuh, hatü ngei touei peikei, shejüang peüi laophülei nyalingngupai kah leipü nyalingngupai, hatü adhajük hahhen, hatü laophülei yungkuk leipü yung yingaokhen.

MENVIH KESHO 108:9

Moabü ngelei la paüteipü chilimji; Edom kü ngelei lathuh hukei shükhen; Philistia am shak kü ngei aokpü dangei lenhen.

2 SHÜPPÜKENGPÜ 26:8

Ammon ami Uzziah kü bom ühteke, hatü büpalei men Ijip thahshi dai; mehenangkü büpa longi wong koh-ei lei.

1 SHÜPPÜKENGPÜ 18:2

Davidi Moab am kao neü hatü jomi büpa kü bom üh-ei büpa phangkü nyu.

2 ONGPATHÜ 17:3

Assyria am Shalmaneser ongpai büpa mü hokhen aong; Hosheayü büpa phangkü ong naü-eepa vai, hatü büpa kü bom ühhamteke.

2 ONGPATHÜ 1:1

Ahab ongpa dipheikü Moab ami Israel am khüei yaong.

2 SAMUEL 12:31

hatü büpai haleipü shennyakthü müei leiyei jom kü pü vethüei, nyiam yüei, nyiam ay yah-ei dou dükhüei, hatü itayaong oukei angteke. Büpai hapakei Ammon amei chingnyüthü peülei dükhüteke. Hapheikü David hatü nanglakthü peü Jerusalemei nyokei lei.

1 SAMUEL 14:47

Sauli Israel kü ong vaipheikü büpai peü philemei vepathü mü hok: Moab, Ammon, Edom, Zobah ongpathü hatü Philistia am mü hok. Melemei büpa hokhen, büpai aokpü dang.

MENVIH KESHO 83:6

Edom hatü Ishmael nanglakthü, Moab hatü Hagar nanglakthü,

1 SAMUEL 22:3

Haleipü David Moab kahdok Mizpahlei heih-ei Moab ongpa kü, “Kahvangi ngei kü mehe dükhen ha mangnying thahshi nüngi onyü opa am nüng mü tuhhen aoküla?” shei phe.

1 SAMUEL 22:4

Hanangkü David yaongshalei jopü thahshi chenyü chepa nyi Moab ongpa mü tuhteke.

1 ONGPATHÜ 4:21

Solomoni Euphrates yungyen kübü Philistia kahdok hatü Ijip amei viong thahshi kü nyupü ongchingthü kü vanglem lem. Hapa jatthüi büpa kü bom shuoh, hatü jomphongü büpalei den kemei kü büpalei nanglakthü leiteke.

MENVIH KESHO 18:45

Jom mong mahdaitü nyemei kheüyaki penyüsha leipü peikünyüke.

MENVIH KESHO 60:10

Nüngi ham yaktükei neshiüpa yo, Oh Kahvang? Nüngi hamei vepathü mü nedainyih, Oh Kahvang.