2 SAMUEL 7:9 - DAÜLANGPÜ LAIHING (BSI)

⁹ hatü nüng melei dai halei ngei nüng mü nyu, hatü nüng toueipü vepathü peü ngei neütük; hatü kahdoknyü kü peü mü longpü shennyakei men keiha ngei nüngei men longpü leihüpeih.

2 SAMUEL 7:9 Referans Kwoze

2 SAMUEL 5:10

David anyei anyei wong kohpüba lei; mehenangkü Shembüpa Jeiyong Kahvang büpa mü nyu.

1 SHÜPPÜKENGPÜ 17:8

Nüng melei dai halei ngei nüng mü nyupeih, hatü nüng toueipü nüngei vepathü neütükpeih. Shaang ngei nüngei menü kahdoknyü kü peü mü longpüthülei men kei leihühen hih,

2 SAMUEL 8:6

Hapheikü Davidi Damaskalei Aramea am kü veshanthüi yomei tuh, hatü Aramea am David phangkü nyu, hatü büpa kü bom ühteke. David melemei dai, peü lem kü Kahvangi aokpü danghü.

1 SAMUEL 18:14

Büpai dükpü lemphüli kü aokpü dang mehenangkü Shembüpa büpa mü nyu.

2 SAMUEL 8:14

Büpai Edom kahdok kempülei veshanthü khong longpü tuh, hatü Edom am kemei David phangkü nyu. Shembüpai David daipü lem peü kü aokpü danghü.

KAHBHAO 12:2

“Ngei-i nüngü jat longpü hük leihühen, hatü ngei nüng kü moihimanhen. Ngei nüngei men longpü leihühen, hatü nüngü moihimanpü leihen.

LUK SHAHSHA APPÜ 1:52

Büpai wong kohpüthü ong uoshing kübü shüei vütük, hatü maanpüthü longei anshihteke.

MENVIH KESHO 89:23

Büpa touei ngei büpalei vepathü ngümtükhen; büpa kü jiühitpüthü jütükkemhen.

2 SAMUEL 22:30

Nüngi sheühpai ngei vepathü ngümtükaokhen; Ngelei Kahvang mü ngei pe homei shüaokhen.

1 SAMUEL 2:8

Büpai taopathü kübhih kübü, hatü nehahneyingpüthü depla kübü phuklangnyeih, hatü büpai jom ongthü mü uohünyeih, hatü dhüm kohpü ong uoshing mükjüp danghünyeih. Mehenangkü kahdoknyülei chongnyiam yaongthüyü Shembüpalei; hathü shangkü büpai kahdoknyü lingei tuhpeih.

2 SAMUEL 22:1

Mechem Shembüpai büpalei vepathü hatü Saulei lak kübü yangshuohpa, Davidi Shembüpa kü hapa kesho lok:

1 SAMUEL 31:6

Hanangkü Saul, büpalei hapeüthü jom jem, hatü büpalei vehok phunglang kobü hatü büpalei shennyakthü nyihcha hük kü mahkem.

1 SAMUEL 5:10

Hanangkü jomi Kahvangei Vangpüshuwpü Pela Ekronei deishihtük. Shejao mechem Kahvangei Vangpüshuwpü Pela Ekron ngoijapa, Ekron ami leneiwongei, “Hathüi jen hatü jenei nanglakthü nyemjütük shei Israel Kahvangei Vangpüshupü Pela koei deikünyüke” shei e.

2 SAMUEL 8:13

Davidi Hüm Kahjilei Edom am haja anpüshet jütü leipheikü büpa longi men-e lei.

2 SAMUEL 23:1

Hathüyü Davidei shahshomthü khih: Jesselei cheha Davidi epü, Kahvangi longei anshihpü shennyakei shah; Jakob, Kahvangi jepü shennyak, Israel amei kesho venbü.

JOSHUA 6:27

Hanangkü Shembüpa Joshua mü nyu, hatü büpalei men kahdoknyü peü lemei yaüei daiteke.

1 SAMUEL 18:30

Hapheikü meshükpa Philistia ami hokhen daihenshang hajükpa Saulei lakchongbüthü meyü Davidei shennyakthü nyeinya aokpü dang; hapa keiha Davidü men-e leiteke.

2 SAMUEL 22:43

Ngei jomü kübhih leishi nihtük; Ngei jomü chingshong leipü nyaühut kei nyeüei shuoptük.

MENVIH KESHO 21:6

Nüngi büpa kü denden kü moihimanthü shuoh, nüng ompü mongongi nüngi büpa mongonghü.