2 SAMUEL 7:23 - DAÜLANGPÜ LAIHING (BSI)

²³ Hatü nüngei nanglak Israel kei kahdoknyü kü jat hük Kahvangi laophü lompü nanglak vaihen angei leipü, hatü laophü shing men tuhhen, hatü laophülei nanglak touei lebü jatthü hatü jomei kahvangthü changtüktü jomphong shing longpü hatü nyempühanpü dou dükpü üpa nyüpa?

2 SAMUEL 7:23 Referans Kwoze

SHAHKÜP 10:21

Büpayü ammei Kahvang, hatü büpai am shingvaishi longpü hatü nyembenüng yashanyale dükpü ammei müki eeteke.

SHAHKÜP 9:26

hatü ngei Shembüpa kü phopteke, “Oh Jeiyong Shembüpa, nüngei laklu wong longpü nganhilongi nüngi Ijip leipü yangei leipü nüngei nanglakthü temahtük.

MENVIH KESHO 147:20

Büpai hapakei lebü jatthü kü nedük; jomi büpalei vanglemthü nenyingnyih. Shembüpa men longtuh!

MENVIH KESHO 111:9

Büpai laophülei nanglakkü yemleipü shuohteke; büpai laophülei vangpüshuwpü shuohteke. Büpalei men daülangi, hatü nyemshi nyüke.

NEHEMIAH 1:10

Jomphongü nüngei laklu wong longpai angei leipü nüngei chongphobü hatü nanglakthü.

SHAHKÜP 33:29

Amphongü moihimanpü, Oh Israel! Am keiha üam nyüpa? Shembüpai yangpü nanglakthü, Büpayü ammei Ii hatü sheühbü, hatü ammei yanlu. Ammei vepathüi am kü yüei peikahen, hatü ammi jomei dok kü shouphen.”

SHAHKÜP 15:15

Amü Ijiplei aa kei nyuhampeih, shejao Shembüpa, ammei Kahvangi angei leipeih shei deihtuh. Hanangkü shinnyih ngei ha shahkungnyü am kü shuohnyüpeih.

EZEKIEL 20:9

Shejao ngei ngelei men kü, jom mü nyupü jatthüi eeshi ngelei men netenhühen, hatü jomi eeshi ngei jomphong Ijip leipü müei leihen shei nyinghütükpü nangkü ngei ha nedükpeih.

MENVIH KESHO 40:5

Oh Shembüpa, ngelei Kahvang, nüngi ham kü thamapü douthü longi dükteke. Nüngi ham shing tempü douthü üpaiyao iehen neaoknyu; Ngei paoh hathü jung enüng shelangmeyü ngei ieaokhen mao ahshi nyeidaiteke.

SHAKEI VAMPÜ 5:9

Jomphongi kesho ja hük lok: “Nüngü laidü yahhen, hatü hapalei füoshang aphen shangpü; mehenangkü nüng jütükteke, hatü nüngei iy homei Kahvang shingvaishi jat, shahlem, nanglak hatü kahmük peü kübü daülangpüthü angei leiteke;

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

EPHESIA 1:6

Büpalei müknyinshekhang phahji hatü büpai bampü Ha kü jen kü ang kübü thintho shuohpü shingvaishi Kahvang men longshah.

MENVIH KESHO 145:6

Nüngei wong kohpü douthü jung baonghen, hatü nüng longpü jung ngei baongeiyaühen.

MENVIH KESHO 65:5

Nüngi ham kü nüngei daülangpü nyempühanpü doui jangpeih, Oh ham yemleipü Kahvang. Nüngü kahdoknyü dohpü hatü taipü yungching thahshi monglemaokpüba.

1 SHÜPPÜKENGPÜ 17:21

hatü nüngei nanglak Israel am keiha kahdok shak kü jat hük Kahvangi laophü shingvaishi angei leilangpü hatü laophü shing men hük linghen, hatü longpü hatü yashanyale nyembenüng dou dükei nüngei nanglakthü toueipü vepathü changtüktü laophülei nanglak Ijip leipü angei leipükei üam nanglak nyüpa?

JOSHUA 7:9

Kanan am hatü lebü kahmükthü kübü shennyakthüi hapa jung danlanghen, hatü jomi ham shonlanghen hatü hamei men kahdoknyü kübü thittükhen khih. Nüngei men longpü nyuhen shingvaishi nüngi mehe dükhenang?” shei e.

MÜLANGPÜ 12:12

Ha ya ngei Ijip kahdok peü kü hashongpathü; shennyak vaituh, yemhimak vaituh jüei daihen; hatü Ijip amei kahvangthü peü kü ngei shahphenhen. Ngeiyü Shembüpa.

MÜLANGPÜ 9:16

Shejao nüng kü ngelei nganhilong huhen, hatü kahdoknyü peü touei ngelei men baonghühen nangkü mon ngei am nemahtüki tuhpeih.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

MENVIH KESHO 66:3

Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

MENVIH KESHO 106:22

Ham amei kahdokei thamapü dou longpü dükpü, hatü Hakla Yungchingei nyembenüng dou dükpü betük.

BHEI-IE 6:27

Shejüang jomi ngelei men Israel am kü baonghen, hatü ngei jom kü moihimanhen.”

JEREMIAH 32:21

Nüngi Israel am Ijip leipü nyangeihepü, yashanyale, laklu wong longpai hatü nyempühanpü longpü hutü müei leipeih.

MÜLANGPÜ 6:7

Ngei amü ngelei nanglak leihühen, hatü ngeiyü ammei Kahvang vaihen. Mechem ngei am Ijip amei aa vaipü laphen kübü bümei leihühen, ammi ngeiyü Shembüpa, ammei Kahvang shei nyinghen.

MÜLANGPÜ 9:15

Ngei ngelei lak noei nüng hatü nüngei nanglakthü kü lakhünglangmeyü shaang keiyü am peü kahdoknyü kübü mahdaikemtü nyuhah shepeih.

MÜLANGPÜ 33:16

Nüng ham mü omshi nedaipü thahshi ngei hatü nüngei nanglakthü kü nüngi monghahnyüke shei mekei nyinghen? Hapakei vaijü mon kahdok shak kübü hangkuli mü ngei hatü nüngei nanglakthüyü hayaoha khih shei nyingaokhen” shei eteke.

2 SAMUEL 7:24

Hatü nüngi Israel nanglakthü düngei nüng lompü nanglak vaihen shingvaishi lingei tuh, hatü Oh Shembüpa, nüngi jomei Kahvang vaiteke.

MENVIH KESHO 44:3

Jomei yani hapa kahdok neüpü nevai, nevaijü jomei laki aokpü nevai, shejao nüngei lakdah-i, hatü nüngei müknyinshekhang vangngai-i aokpeih; mehenangkü nüngi jom kü monghahpeih.

JEREMIAH 32:20

Nüngi Ijiplei yashanyale hatü nyangeihepü huteke, hatü shinnyih thahshi Israel hatü hangkuli peü kü nüngei men nedoh-i nyupü nyinghüteke.