2 SAMUEL 7:22 - DAÜLANGPÜ LAIHING (BSI)

²² Oh Shembüpa Kahvang, nüng meshük longpüang! Nüng kei üpayao neshiü; hatü nüng mü lenei lebü kahvang üpayao neshiü shei hamei dhaongi danei nyüpeih.

2 SAMUEL 7:22 Referans Kwoze

MENVIH KESHO 86:10

Mehenangkü nüngü longpü, hatü thamapü douthü düknyüke; nüng monha Kahvang.

MENVIH KESHO 86:8

Kahvangthü khong kü nüng kei hükao nenyu, Oh Shembüpa, nevaijü nüngei douthü kei lebü meheyao neshiü.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

MIKA 7:18

Nüng keiha lebü Kahvang neshiü, Oh Shembüpa, Nüngi aoei nyupü laophülei nanglakthülei mang tüknyüke; Nüng denden mongshih-ei nenyunyu, shejao düngei ham kü bampü huhen mongongnyüke.

1 SHÜPPÜKENGPÜ 16:25

Mehenangkü Shembüpayü longpü hatü duei-ouhen shangpü; kahvangthü peü shak kü büpa kü dhüm shuohtuh.

ISAIAH 45:5

Ngeiyü Shembüpa, hatü ngei keipü lebü neshiü; ngei mü lenei Kahvang neshiü. Nüngi ngei nenyingjao ngei nüng wong kohhühen;

SHAHKÜP 3:24

“Oh Jeiyong Shembüpa, nüngi nüngei chongphobü kü laklu wong longpü huhen chongpangteke. Nüngi dükpükei yashanyale dou dükaokhen mü kahdok hatü vangsho kü lebü kahvang neshiü!

1 SAMUEL 2:2

Shembüpa keiha daülangpü üpayao neshiü; nüng mü lenpü üpayao neshiü; Jenei Kahvang kei Yaong üpayao neshiü.

MENVIH KESHO 89:8

Oh Shembüpa, Jeiyong Kahvang, nüng kei wong kohpü üpa nyüpa, Oh Shembüpa? Nüng shinei shahhingi maei nyüke.

MENVIH KESHO 89:6

Vangsholei nüng mü shetteihen üpa nyüpa, Shembüpa? Vangsholei nyupüthü Shembüpa kei üpa nyüpa?

MENVIH KESHO 96:4

Mehenangkü longpübayü Shembüpa, hatü longi vihhen nyüke; kahvangthü peü shak kü büpa kü dhüm shuohtuh.

SHAHKÜP 4:35

Shembüpayü Kahvang; büpa kei lebü üpayao neshiü shei am kü nyinghühen shingvaishi Shembüpai am kü hapa hupeih.

ISAIAH 40:18

Nüngi Kahvangü üpa mü shetteiaokhen? nevaijü büpayü mepa mü sheteiphenaokhen?

MENVIH KESHO 48:1

Longpeyü Shembüpa, hatü jenei Kahvangei chingnyü kü büpa longi vihhen nyüke.

MENVIH KESHO 145:3

Shembüpayü longpü, hatü longi vihhen nyüke; büpa longpü jung üpaiyao yemei neaokpih.

MENVIH KESHO 135:5

Mehenangkü Shembüpayü longpü, hatü jenei Shembüpayü kahvangthü peü shak kü Kahvang.

MENVIH KESHO 44:1

Oh Kahvang, nüngi aivang nyihthü kü obü opa amei hepak kü nüngi dükpü douthü jung jomi ham kü eküpü hamei dhaongi dantepih.

EZEKIEL 36:22

Hanangkü Shembüpa Kahvangi Israel phang kü hapakei enyüke shei etuh: Hapayü ammei men kü nevai, Oh Israel phang, shejao ammi daipü jatthü touei ne-ienelemi yaktükpü ngelei daülangpü men kü ngei ha dükhen.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

ISAIAH 45:18

Shembüpai hapakei enyüke: Üpai vangshothü lingpa, büpayü Kahvang; Büpa, üpai kahdoknyü shükpa, hatü lingpa, büpai ha lingpeih; Büpai hapayü kong mü tuhhen nelingangpih, shejao halei hangkuli nyuhen nangkü lingpeih. “Ngeiyü Shembüpa, lebü Kahvang neshiü” shei büpai enyüke.

ISAIAH 40:25

Amphongi ngei üpa mü sheteiphenhen? nevaijü ngei mü hükkeipü üpa nyüpa? shei Daülangpü Hüki enyüke.

2 SHÜPPÜKENGPÜ 2:5

Ngei vehen shei tempü phopshemü longshi nyukahen; mehenangkü hamei Kahvangü lebü kahvangthü mü longpüba.

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

EZEKIEL 36:32

Hayü ammei men kü düknyu nevai shei ammi nyingtuh shei Shembüpa Kahvangi enyüke. Ammei doutenthü deih-ei veüei, mongmangei deihtuh, Oh Israel phang.

MÜLANGPÜ 10:2

hatü mekei ngei Ijip am kü nemei-i nopa, hatü jom kü ngei mehe yashanyale douthü dükpa, ha ammi ammei hühihathü kü ejahen, shejüang ammi ngeiyü Shembüpa shei nyinghen shingvaishi ngei büpa hatü büpalei lakchongbüthülei mong vaanhüpeih” shei eteke.

MÜLANGPÜ 8:10

Pharaoh-i “Ngenyih phopshih” shei e. Hahepak kü Mosai, “Ngei nüngi epükei phopphahen, hatü Shembüpa, hamei Kahvang kei lebü kahvang neshiü shei nüngi nyinghen.

MÜLANGPÜ 9:14

Hei nevaijema hapa kahdoknyü kü ngei kei üpayao neshiü shei nüngi nyinghen shangmü ngei hapa shan keyü nüng hatü lakchongbüthü hatü nüngei nanglakthü kü ngelei hanghi chetshi shomhen.

1 ONGPATHÜ 8:23

büpai, “Oh Shembüpa, Israel Kahvang, kahdok hatü vangsho kü nüng keipü Kahvang neshiü! Mechem nanglakthüi mong kempai nüngei ven danei kamhenshang, nüngi jom mü vangteishuwteipü jiüshi düknyüke hatü nüngi bampü hunyüke.

DANIEL 2:45

Yaongvak hük kübü yaong shennyakei laki nehongpü kü lokei, hatü hapai nyiam, melangnyiam, ashem, ngin hatü hon kü shüktü ngümtükei eepü manghkhang lappeyü hapa khih. Longpü Kahvangi ngoikahen hepak kü mehe vamkahen ha huteke. Hapa mangh hatü lappü nihpeyü jiüpü hatü hinglemhen nyüke.

MÜLANGPÜ 8:6

Hanangkü Aaroni Ijip amei yungthü shangkü büpalei lak haong, hatü louk vamei Ijip kahdok mateke.

SHAHKÜP 4:39

Kahdok hatü vangsho kü Shembüpayü Kahvang; büpa kei lebü neshiü shei shinnyih ammei mongkü nebetüki tuhtuh, hatü nyingtuh.

2 SAMUEL 22:32

Shembüpa mü lenei Kahvang üpa nyüpa? Jenei Kahvang mü lenei Yaongnyü üpa nyüpa?