2 SAMUEL 7:12 - DAÜLANGPÜ LAIHING (BSI)

¹² Nüngei hantet kemei dijü nüngü nüngei bühipa mü vüphahen; nüng pheikü nüngei hühiha nüngei büm kübü vamhühen, hatü ngei büpalei ongching ong uoshing denshing linghen.

2 SAMUEL 7:12 Referans Kwoze

PHONGSHANTHÜ DOU 2:30

Büpayü thibü hük vaipü nangkü büpalei ong uoshing kü büpalei hühiha hük uohühen shei Kahvangi büpa kü lahpü büpai nying.

1 ONGPATHÜ 8:20

Shembüpai mehe lah, ha jiüshi dükteke. Shembüpai lahpükei, ngei opa jeiyei Israel kü ong vainyüke, hatü Shembüpa, Israel Kahvangei men kü Phopshem hük veteke.

1 ONGPATHÜ 2:1

Mechem sheyü David dihen nyih yoei peipa, büpai cheha Solomon kü shahshom e.

PHONGSHANTHÜ DOU 13:36

Mehenangkü Davidi büpalei den kü Kahvangei mükhong dükpheikü büpa di, chebü chepa am mü mahng vü, hatü büpalei büm mahngshalei shedai.

1 SHÜPPÜKENGPÜ 17:11

Mechem nüng diyei ambü ampa mü mahng vühenshang, nüngei uoshing jeihen shingvaishi ngei nüngei li, hapeüthü khong kübü hük vamhühen hatü ngei büpalei ongching chonglinghühen.

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

1 THESALONIKA 4:14

Jisu di hatü yangei lei shei jeni hinglem, hanangkü Kahvangi Jisu homei shiyei nyupüthü büpa mü yangei leikahen.

1 KORINT 15:51

Bangtuh, ngei shahjo hük am kü ephüshah: Jen peü shishi nenyuhen, shejao jen peü,

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

1 ONGPATHÜ 1:21

Hei nevaijema, ngelei shembü ongpa nüng didaipü mü chemi ngei hatü hapeü Solomon henjiyü nemeipü am heshap leitükhen khih’ ” shei e.

DANIEL 12:2

Üam meshük diyei kahmongei nyu, yangei leihen; hanei nedohnetenpü yangnyu yem touei, hatü hanei veüpong hatü denden mongmangpü touei nyuhen.

MENVIH KESHO 89:29

Ngei büpalei ong hean den kü linghen, hatü büpalei ong uoshing vangshothü nyupü thahshi nyuhühen.

KAHBHAO 15:4

Shejao Shembüpalei shah büpa touei peiyei, “Hapa shennyakü nüngei mükjüp nevaihen, shejao nüngei büm kübü hapeü-üng nüngei mükjüp vaihen” shei e.

MATHI 1:1

Hapayü Abrahamei cheha David, Davidei cheha Jisu Khristalei bülem jung nyangpü.

LUK SHAHSHA APPÜ 1:32

Büpayü longpü nyuhen hatü büpayü Chaipübalei Ha shei nyükhen, hatü Shembüpa Kahvangi büpa kü chebü Davidei ong uoshing shuohhen.

LUK SHAHSHA APPÜ 24:27

Hapheikü Mosa kübü pangei thibüthüi nyangpü laithü kübü büpa jung epü peü nih-eikhoei eteke.

1 ONGPATHÜ 1:48

‘Ngelei müki eeshi shinnyih ngei kü jeihen shennyak eehüpü kü Shembüpa, Israel Kahvangei men longtuh’ ” shei e.

1 ONGPATHÜ 2:4

hatü Shembüpai ngei kü lah-ei, ‘Nüngei hühihathüi jomei lem kü lishi nyujema, hatü jomei mongdang hatü laangha kempai ngei touei shahhing kü kamjema, Israel ong uoshing kü uohen shennyak netao-i nyuhen’ ” shei epeih.

1 ONGPATHÜ 5:5

Shembüpai ngelei opa David kü, ‘Anha, üpai nüngei ong uoshing kü jeiyei uohen, büpai ngelei men kü Phopshem hük vehen shei epükei, ngei Shembüpa ngelei Kahvangei men kü Phopshem hük vehen shei deihnyüke.

1 ONGPATHÜ 8:15

Büpai, “Shembüpa, Israel Kahvangei men longtuh; mehenangkü mehe büpalei jui opa David kü lahpa, ha büpalei laki dükei jiühüteke.

1 ONGPATHÜ 8:19

Shejoongpa nüngi hapa Phopshem nevehen; shejao nüngei iy hatü phai kübü hapeü hüki ngelei men kü Phopshem vehen shei epeih.

1 ONGPATHÜ 9:5

ngei ampa David kü, ‘Israel ong uoshing kü uohen nüng shennyak taoei nenyupih’ shei lahpükei, nüngei ong uoshing Israel shak kü düngei tuhhen” shei e.

2 ONGPATHÜ 8:19

Shejao laophülei chongphobü Davidei men kü Shembüpai Judah am nemahtükhü. Büpai David kü awdük shuohhen, hatü büpalei hühihathüi nedoh-i vanglem lemhen shei lahtük.

2 SHÜPPÜKENGPÜ 1:9

Oh Shembüpa Kahvang, ngelei opa David kü nüngi lahpü jiühütuh; mehenangkü nüngi ngei molo bhihhiphang kei nyupü nanglak shak kü ngei ong vaihüteke.

2 SHÜPPÜKENGPÜ 13:5

Shembüpa, Israel Kahvangi hapa Israel ong hean-ü David hatü chehathü kü hüm homei vangeishuwei shuohpeih shei nenyingnyu je?

2 SHÜPPÜKENGPÜ 21:7

Shejoongpa Shembüpai David mü vangpüshuwpü lingpü nangkü Shembüpai David am shem nemahtükhü; mehenangkü büpai Davidei hühihathüi düngei vanglem lemhen shei vangeishuwpü lingteke.

2 SHÜPPÜKENGPÜ 23:3

Hapheikü thaipü khong peü phopshemei ongpa mü vangpüshuwpü ling. Jehoiada-i hathü kü, “Hatoumü ongpalei ha hük nyüke! Shembüpai Davidei hühihathü nangkü lahpükei büpai vanglem nyemlemkei.

2 SAMUEL 22:51

Büpai ongpa kü aokpü longpü shuohpeih; Büpai laophüi jepü kü; David hatü büpalei hühihathü peü kü düngei bampü hunyeih.

1 ONGPATHÜ 2:10

Hapheikü David di, hatü chebü chepa am mü David chingnyülei vüphong.

2 SHÜPPÜKENGPÜ 6:9

shejao nüngi nevai, anha-i ngelei shem vehen” shei eteke.

2 SHÜPPÜKENGPÜ 6:15

Nüngi opa David kü lahpü jiüshi dükteke. Hingmei nüngei jui lahpü shinnyih nüngei laki hüngei ha jiühüteke.

JEREMIAH 33:17

Mehenangkü Shembüpai hapakei enyüke: Israel amei ong uoshing kü uotü ong vaihen shennyak taoei mechemao David nenyuhen,