2 SAMUEL 5:3 - DAÜLANGPÜ LAIHING (BSI)

³ Hanangkü Israel am behethü peü Hebronei David ongpa touei pei, hatü Shembüpa tou mü ongpai jomphong mü vangpüshuwpü ling, hatü jomi Israel shak kü ong vaihen David je.

2 SAMUEL 5:3 Referans Kwoze

2 SAMUEL 2:4

Hahepak kü Judah nanglakthü peiyei Judah phangkü ong vaihen David jeteke. Mechem jomphongi David kü, “Saulei mahngü Jabesh-Gilead ami vüpeih” shei eshuohpa,

1 SAMUEL 23:18

Hahepak kü jiji Shembüpa touei vangpüshuwpü ling; Davidü Horeshlei nyu hatü Jonathanü shemei leidai.

1 SAMUEL 16:13

Hanangkü Samueli mainga shong yah-ei büpalei chejei ami eeshi mainga-i phuteke, hatü ha nyih mü pangei Shembüpalei laangha David kü pei. Hapheikü Samuel Ramahlei leidai.

2 ONGPATHÜ 11:17

Hahepak kü Jehoiada-i Shembüpa hi ongpa hatü nanglakthü aa kü jomphongü Shembüpalei nanglakthü shei vangpüshuwpü ling. Shao büpai ongpa hi nanglakthü aa kao vangpüshuwpü ling.

2 SAMUEL 3:21

Abneri David kü, “Ngei Israel kahdok peü lemei daishah hatü ngelei shembü nüng ong vaihen hatü jomi nüng mü vangpüshuwpü linghühen, hatü nüngei mongi lümpükei Israel kempü kü vanglem lemhen” shei e. Hanangkü Davidi Abner leishih hatü büpa meishi leiteke.

SHAHPHENBÜTHÜ 11:11

Hanangkü Gilead am mübüthü mü Jephthah nyokei lei, hatü nanglakthüi büpa jom shak kü mübü hatü shangjing vaihü, hatü Jephthah-i Mizpahlei Shembüpa touei hathü shah kemei e.

NEHEMIAH 9:38

Hathü peü eetü hami nyangei haütü vangpüshuwpü hük lingpeih, hatü ha shangkü hamei mübüthü Levi am hatü ngongpathüi ha kü jomei füoshang shingteke.

2 SHÜPPÜKENGPÜ 23:16

Hapheikü Jehoiada-i büpa, nanglak hatü ongpa jom peü Shembüpalei nanglak vaihen shei vangpüshuwpü ling.

1 SHÜPPÜKENGPÜ 11:3

Mechem Israel am behethü peü Hebronei David touei peipa, büpai Hebronei jomphong mü Shembüpa touei vangpüshuwpü ling, hatü Samuel homei Shembüpai lahpükei Israel kü ong vaihen shingvaishi jomphongi David thiteiphuei je.

1 SAMUEL 11:15

Hanangkü nanglakthü kemei Gilgalei aongei Shembüpa touei Saul-ü ongpa shei jeteke. Halei jomi Shembüpa kü mongjempü moila shuoh, hatü halei Saul hatü nanglakthü longi mongongtei.

MÜLANGPÜ 3:16

Layaongtuh hatü Israel am behethü nyükei thaihütü jom kü, “Shembüpa, ammei bühipa Kahvang, Abraham Kahvang, Isak Kahvang, hatü Jakob Kahvang ngei touei vamei ephopeih shei eyeishuoh: Ngei am kü veishi nyüpeih hatü am kü Ijip ami mehe dükpa ngei nyingei nyüpeih.

JOSHUA 10:36

Hapheikü Joshua hatü veshanthü Eglon kübü Hebronei aong hatü jomi hapa ching hah.

1 ONGPATHÜ 1:34

Halei ngongpa Zadok hatü Nathan thibü nyi homei büpa Israel kü ong vaihen thiteiphuei jetuh. Amit vüngtuh hatü, ‘Solomon ongpa yangnyu shoshoshi nyutuh!’ shei lentuh.

1 SHÜPPÜKENGPÜ 11:1

Israel am peü Hebronei David touei thai hatü büpa kü, “Hamphongü nüngei iy hatü phai.

2 SAMUEL 2:7

Hanangkü shaang am wong kohtuh hatü monglongtuh; mehenangkü ammei ongpa Saul didaiteke, hatü Judah nanglakthüi ngei jomei ong vaihüteke” shei e.

1 SHÜPPÜKENGPÜ 28:4

Shejao Shembüpa, Israel Kahvangi ngelei bühipa shemdep kübü ngei den kü ammei ong vaihen jepü khih; mehenangkü büpai mübü vaihen Judah am je, hatü Judah am kübü opalei shemong je, hatü ham shem khongkü Israel shak kü ong vaihen büpai ngei kü monghahteke,