2 SAMUEL 5:12 - DAÜLANGPÜ LAIHING (BSI)

¹² Shembüpai büpa Israel shak kü ong vaihüteke shei Davidi nying, hatü büpai büpalei ongching Israel nanglakthülei men kü longei anshihteke shei nying.

2 SAMUEL 5:12 Referans Kwoze

2 SAMUEL 7:16

Nüngei shem am hatü nüngei ongching ngei touei denden nyuhen; nüngei ong uoshing den den kü nyuhen” shei e.

1 ONGPATHÜ 10:9

Nüng kü monghahpü hatü nüng Israel ong uoshing kü uohüpü Shembüpa nüngei Kahvangei men longtuh! Shembüpai Israel am kü düngei bampü nangkü shahhing hatü daülangshemshepü dou dükhen shingvaishi büpai nüng ong vaihüpü khih” shei e.

1 SHÜPPÜKENGPÜ 14:2

Israel shak kü ong vaihen shingvaishi Shembüpai büpa chonglingei tuhphongpeih, hatü Israel nanglakthülei men kü büpalei ongching shangei longei anshihpeih shei Davidi nying.

DANIEL 2:30

Shejao ngei kü ha shah shakei vamhüpeyü ngei mih mü hayaoha nyeinya kihikon kohpü nangkü nevai, shejao Oh Ongpa, nüng hatü nüngei mongkü peipü mongdeih nyinghen shingvaishi ngei kü ha shakei vamhüpeih.

ESTHER 4:14

Hapa keipü nyihhihe kü nüng nenmü nyudaijema Jehoda yanghenü lebü jung phihük kübü vamkahen hih, shejao nüng hatü ampa am shem peü mahkemhen. Üpai nyingpa, nüng onglanyü vaihen thahshi nüng longei anshihpeyü hapa keipü nyihhihe shingvaishi anshihpü vainüng aokpeih.”

2 SHÜPPÜKENGPÜ 2:11

Tyre am Hiram Ongpai Solomon kü lainyok shomei hapakei nyang: “Shembüpai laophülei nanglakthü kü bampü nangkü büpai nüng jom shak kü ong vaihüpü khihma.”

2 SAMUEL 5:11

Tyre am Hiram ongpai David kü phongmokbüthü, mistrithü hatü yaong bhaokpüthü mü cedar pü shomei Davidei ongshem veteke.

2 SAMUEL 5:13

Hebron leipü Jerusalemei peipheikü Davidi nyüha hatü yiükphü longi yah, hatü David kü hapeüthü longi bühjateke.

BHEI-IE 24:7

Jom kü vang changshi keihen, jomei sheilivungla-i yung changshi danghen. Jomei ongpayü Agag mao longpüba nyuhen; jomei ongching longei anshihhen.