2 SAMUEL 3:3 - DAÜLANGPÜ LAIHING (BSI)

³ nyipabü yeshang Kileabü Karmel am Nabali tuhphongpü vaümnyü Abigaili büh; jempabü-ü Absalom, Geshur am Talmai ongpalei yiükha Maakah-i büh;

2 SAMUEL 3:3 Referans Kwoze

1 SAMUEL 27:8

David hatü büpalei shennyakthüi Geshur, Girzi hatü Amalek am hahteke. Mehenangkü Telam kübü Shur hatü Ijiplei aongpü lemei jom chingchingei nyuteke.

1 SHÜPPÜKENGPÜ 3:1

Hathüyü David Hebronei nyushi bühjapü hapeüthü: Jezreel am Ahinoami bühpü hashongpa Amnon; nyipabüyü Karmel am Abigaili bühpü Daniel;

2 SAMUEL 2:2

Hanangkü Davidi halei büpalei chenyüha Jezreel am Ahinoam hatü Karmel am Nabali tuhphongpü vaümnyü Abigail nyi müei aong.

1 SAMUEL 25:42

Abigaili shülangi gadu dokshangei uo, hatü pinnyülei chongphobüthü jom nga omshi Davidei phongmokbüthü mü dai, hatü pinnyü büpalei nyüha vaiteke.

1 SAMUEL 25:3

Büpalei menü Nabal hatü chenyühalei menü Abigail nyuteke. Pinnyü-ü kon kohshi hatü nela meishi shiüteke shejao Kaleb am phang chepahayü men-e shennyak nevai hatü monglep nemeipü shennyak nyuteke.

JOSHUA 13:13

Shejao Israel ami Geshur hatü Maakah nanglakthü nechangtük; hanangkü jom shinnyih thahshi Israel am mü chem kü nyuei dainyüpeih.

SHAHKÜP 3:14

Manassehlei hapeü Jair-i Argob kahmük kemei Geshur hatü Maakah viong thahshi yahteke. Hathü chingthü kü büpalei men menteke hatü shaang thahshi hathüyü Jair chingthü shei nyüknyeih.

2 SAMUEL 18:33

Ongpai longi mongmang hatü büpa peshaden homei shangpa dung-amei aongei thep. Büpa aongyaki, “Oh ngelei hapeü Absalom! Ngelei ha, ngelei hapeü Absalom! Nüng nangjei ngei-ang dihah shepü-ü, Oh Absalom!, Ngelei hapeü, ngelei hapeü!” shei mahng thepteke.

2 SAMUEL 14:24

Shejao ongpai, “Büpa büpalei shemei leiyei nyuhütuh, büpa ngei mü tepongteihü” shei e.

2 SAMUEL 13:1

Davidei cheha Absalomei chenaü hük longi nela meishi nyu, hatü pinnyülei menü Tamar nyu, hatü Davidei cheha Amnoni pinnyü longi lümpü nangkü,

2 SAMUEL 14:32

Absalomi Joab kü, “Veituh, ngei nüng ongpa touei shomei, ‘Mehekei ngei Geshur leipü leipa? Ngei shingvaishi antolei nyupüang meihen vaipü khih. Hanangkü ngei shaang ongpalei dhe eehüangke, hatü ngei lemhük dangkao pungpü vaijema büpai ngei nyemjütük shei eshuohnüng ngei nüng büpa touei shomhen nyüknüng deiphopeih’ ” shei e.

2 SAMUEL 15:7

Vangbong ali pheikü Absalomi ongpa kü, “Ngei Hebronei heihshah, hatü ngei Shembüpa kü lahtükpü dükshah.

2 SAMUEL 15:8

Mehenangkü nüngei chongphobü ngei Aram kahdok Geshurlei nyushi Shembüpai ngei Jerusalemei nyokei leijema Hebronei Shembüpa kü khümhen shei lahpeih” shei e.

1 ONGPATHÜ 1:6

Chepai büpa kü, “Nüng hapakei mehekei nyunya?” shei mechemao ne-e. Büpayao nethe longi meishi hatü büpayü Absalom pheikü bühteke.

1 ONGPATHÜ 2:15

Büpai, “Ongchingü ngelei shei nüngiyao nyingdaiphei, hatü Israel am kemei ngei vanglem lemjahen shei ongyangei danteke, shejao hapa ongchingü ngelei naüpeüei lakei heihdaiteke; mehenangkü hapayü Shembüpai büpa kü shuohpü khih.

1 SHÜPPÜKENGPÜ 3:2

jempabüyü Absalom, Geshur am Talmai ongpalei yiükha Maakah-i bühpü; alipabü kü Haggith-i bühpü Adonijah;

2 SAMUEL 14:23

Hapheikü Joabi Geshurlei heih-ei Absalom müei Jerusalemei lei.