2 SAMUEL 3:12 - DAÜLANGPÜ LAIHING (BSI)

¹² Abner-i Hebronei shahjang kobü hük shomei David kü e, “Hapa kahdok üpaleiang? Nüngi ngei mü vangteishuwteipü lingjema Israel am kemei nüngei lak kü shuohhen ngei sheühphahen hih” shei e.

2 SAMUEL 3:12 Referans Kwoze

MENVIH KESHO 62:9

Maanpü shennyakthüyü ngü kei mon, longpüthüyü shahshem mon; dok kü dokjü jom peü kong; jom peü ngü kei mon nyüke.

2 SAMUEL 19:41

Hahepak kü Israel am kemei ongpa touei peiyei büpa kü, “Mehekei hamei jeihinaü Judah shennyakthüi ongpa hatü büpalei shem am, hatü Davidei shennyakthü Jordan homei jomi mon yomshi müei daipa?” shei e.

2 SAMUEL 19:14

Amasa-i Judah am shennyak kemei mong hük mü, hatü ongpa kü, “Nüng hatü nüngei shennyakthü peü leikei” shei shah shom.

2 SAMUEL 19:6

mehenangkü nüngi nüng kü jiühitpüthü kü bam, nüng kü bampüthü kü jiühitteke. Shinnyih nüngei dou homei nüngei veshan mübüthü hatü shennyakthü-ü nadang neshiü shei lekei huteke. Shinnyih ham peü didaitü Absalom yemmü nyulangmeyü nüng mongonghen vaipü khih.

2 SAMUEL 3:27

Mechem Abner Hebronei müei leijapa, Joabi büpa penyüsha lemei shahjo eshuohnüngkei müei daiyei vom kü baptü jütük. Hanangkü büpa Joabei chenaü Asahel jüpü med kü büpaao mah.

2 SAMUEL 3:21

Abneri David kü, “Ngei Israel kahdok peü lemei daishah hatü ngelei shembü nüng ong vaihen hatü jomi nüng mü vangpüshuwpü linghühen, hatü nüngei mongi lümpükei Israel kempü kü vanglem lemhen” shei e. Hanangkü Davidi Abner leishih hatü büpa meishi leiteke.

2 SAMUEL 3:11

Ishbosheth-i Abner kü lebü shah phahükao ne-eaok; mehenangkü büpa nyemteke.”

2 SAMUEL 3:13

Davidi, “Meiteke, ngei nüng mü vangteishuwteipü linghen. Shejao nüngi hapakei dükphahen-ü, mechem nüng ngei touei peikahenshang Saulei yiükha Mikhal nemü-i tepeikei” shei e.

2 SAMUEL 3:38

Hatü ongpai büpalei chongphobüthü kü, “Israel kü shinnyih longhiong hatü hamhiman mahpeih shei nenyingnyu je?