2 SAMUEL 24:10 - DAÜLANGPÜ LAIHING (BSI)

¹⁰ Shejao Davidi veshanthü shangkuk iepheikü büpa longi mongshangei deih, hatü büpai Shembüpa kü, “Ngei dükpü doui nüng touei mang longi thahteke. Shejao shaang, Oh Shembüpa, nüngei chongphobüi thahpü mang tükshih shei phopnyüpeih; mehenangkü ngei ngadou dükpü khih” shei e.

2 SAMUEL 24:10 Referans Kwoze

2 SAMUEL 12:13

Hahepak kü Davidi Nathan kü, “Ngei Shembüpa khüei mang thahteke” shei e. Nathani jangei, “Shembüpai nüngei mang yahlangteke. Nüng nedipih.

1 SAMUEL 13:13

Samueli büpa kü, “Nüngü ngadou dükteke. Nüngi Shembüpa, nüngei Kahvangi nüng kü shuohpü shahkung jiüshi nedükang; nüngi hapakei düklangmeyü Shembüpai Israel kü nüngei ongching den kü chongkhenei lingei tuhhen,

KANDOK 28:13

Mang jopü shennyak mechemao moihiman nedangpih, shejao üami mang lahnya, hatü ha nedüknya, jomi phahji dangnyeih.

1 SAMUEL 24:5

Hapheiküang Saulei ashak vetei yahpü nang kü David mongshangei deih,

1 JOHAN 1:9

Jeni jenei mangthü lahjema, jenei mang peü tükphahen hatü nedaüpü lemphü kübü daüphahen büpayü monglemaokpü hatü shahhing nyüke.

2 SHÜPPÜKENGPÜ 16:9

Shembüpa kü mong kemei shuohpüthü kü wong kohhühen büpalei mük kahdoknyü peü lemei veishi nyüpeih. Nüngü ngadou dükteke, hanangkü shaang mebü vehok hokei mon nyuhen” shei e.

1 SHÜPPÜKENGPÜ 21:8

Hapheikü Davidi Kahvang kü, “Ngei hapa dou dükpai longi mang thahteke. Shaang ngei nüng kü khümei enyeih, nüngei chongphobüi pungpü mang yahlangshih. Ngei ahshi-üng ngadou dükteke” shei e.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

JOHAN 8:9

Mechem jomi ha danpa, behethü mü pangtü hükchem hükchem lüdaikem; Jisu monha hapa nyüha mü yaongshi tuhphong.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

MARK 7:22

mükbongjuyung, mop nempü, douten dükpü, lueilempü, levaümaühe, mükhühpü, yuteipü, changmeipü hatü nelinehapü vamnyeih.

HOSEA 14:2

Hapa phoppü yah-ei Shembüpa touei mong leptuh, hatü büpa kü eyeishuoh: “Hamei mang peü tükshih, hatü phahjipai ham yahtuh. Hamei jubenyeijaangi nüng kü jakpü moila shuohhen.

MENVIH KESHO 32:5

Hapheikü ngelei mang nüng kü nyinghü, hatü ngelei mang nejolang; Ngei, “Shembüpa kü ngelei mang lahhen” shei e, hatü nüngi ngei pungpü mang tüktükpeih.

JOB SHAHSHA APPÜ 7:21

Mehekei nüngi ngei pungpü, hatü ngelei mang netüknya? Mehenangkü shaangü ngei kahmongei shüdaihen; nüngi ngei yemhen, shejao ngei nechongkahen.

2 SHÜPPÜKENGPÜ 32:26

Shomshi Hezekiah hatü Jerusalem nanglakthüi jom changmeipü nangkü maanpü lei; hanangkü Hezekiahlei nyih kü Shembüpa mongshihpü jom kü nepei.

1 SAMUEL 26:21

Hahepak kü Sauli, “Ngei pungei dükteke; nyokei leikei, ngelei hapeü David; hajük kü ngei nüng kü meheyao ne-epih; nüngi ngelei yangnyu shinnyih yangei tuhteke; ngei ngapü khih; ngei longi pungteke” shei e.

SHAHKÜP 32:6

Ammi Shembüpa kü hapa keiha düknyu je? Oh ngapa, hatü sholi neshiüpü nanglakthü. Büpayü ammei pa hatü am lingbü nevaipü je?

BHEI-IE 12:11

hatü Aaroni Mosa kü, “Chingmeilemlingei longpüpa, henji-i nelineha-i thahpü mang khüei hanghi teponghü.

2 SAMUEL 24:17

Mechem Davidi nanglakthü jütükpü vangsho phongshanthü eepa, büpai Shembüpa kü “Mang thahpü hatü pungpeyü ngei hih. Nanglakthüyü mi keiha mon. Jomi mehe nejiüpü dükpa? Ngei hatü ngelei shem am kü nüngi lak hingtuh” shei e.

1 ONGPATHÜ 8:35

Mechem nüngei nanglakthüi nüng khüei mang thahpü nangkü vangshoi vang nekeihüi shonglanghen, hatü nüngi jom hanghihüpü nangkü mechem jomi hapa shing philei meeshi phophen, hatü nüngei men kü lahhen, hatü jomei mang kübü mong lephenshang,

MÜLANGPÜ 10:16

Hahepak kü Pharaoh-i shüshülangi Mosa hatü Aaron nyi kü nyükei, “Ngei Shembüpa, ammei Kahvang hatü anji khüei mang thahteke.

1 SAMUEL 24:6

hatü büpalei shennyakthü kü “Ngelei shembü, Shembüpai jepü kü ngei hapakei dükhen, hatü ngei büpa khüei lak nohenü büpai nemongnyih; mehenangkü büpayü Shembüpai jepeih” shei e.

1 SHÜPPÜKENGPÜ 21:7

Hapa ngeükhüam Kahvang touei mang nyuteke; hanangkü büpai Israel am kü hanghi shuoh.

JOEL 2:12

“Shaang dangkao ammei mong kempai shüaeiyungleyei, thepeiyoungei ngei touei mong leptuh” shei Shembüpai enyüke.