2 SAMUEL 24:1 - DAÜLANGPÜ LAIHING (BSI)

¹ Shao Shembüpai Israel am kü mongshih, hatü büpai David homei jom kü shanghah koei peihü. Shembüpai büpa kü, “Daituh, hatü Israel hatü Judah veshanthü shangkuk ietuh” shei e.

2 SAMUEL 24:1 Referans Kwoze

1 SHÜPPÜKENGPÜ 21:1

Israel am khüei Kahshih yaong, hatü Israel amei shangkuk iehen Davidei mong kü peihü.

PHONGSHANTHÜ DOU 4:28

Nüngei ngan hatü nüngi yeihshi mebü ha vamhühen shei mongei tempü küpjan khüei lemphü dükhen jom thainyüke.

EZEKIEL 20:25

Nyeinya vaishi ngei jom kü nemeipü shahkung hatü jom yemmü nenyuaokhen vanglem neshuoh-angpih.

EZEKIEL 14:9

Thibü hük lueilemei shahshem ejema, hapayü ngei, Shembüpai hapa thibüpa kü lueilempü vaihen, hatü ngei büpa khüei ngelei lak nohen, hatü ngelei nanglak Israel khong kübü büpa mahtükhen.

2 SAMUEL 16:10

Shejao ongpai, “Zeruiahlei hapeüthü, ngei am mü sheishowpü mehe nyüpa? Shembüpai, büpa kü, ‘David kü thaüvaütuh’ shei eshuohpü kü epü vaijema üpai ‘Mehekei nüngi hapakei düknya? shei eaokhen’ ” shei e.

2 SAMUEL 12:11

Shembüpai ha enyüke: Nüngei shemong mong kü-üng nüng homei shanghah hük vamhühen. Nüngei müki eeshi ngei nüngei anyühathü yah-ei lebü shennyak hük kü shuohhen, hatü büpai nyihnüng heshotapa kü jom mü shihen.

1 SAMUEL 26:19

Hanangkü shaang ngelei shembü ongpai nüngei chongphobülei shahthü kü banghümao. Shembüpai ngei khüei nüng shompü vailangmeyü büpai ngelei moila yahpai mongmeidaihen; hapayü shennyakthüi dükpü vaijema Shembüpalei thaüvaü jom kü hethen, mehenangkü jomi shinnyih ngei Shembüpalei mükjüp kübü changtüktü, ‘Daituh lebü kahvangthü chongphotuh’ shei hanpü khih.

MÜLANGPÜ 7:3

Shejao ngei Pharaohlei mong vaanhühen; Ijip kahdok kü ngei nyeinya yashanyale dou dükshuohjao,

KAHBHAO 50:20

Amphongi ngei kü nemei-i dükhen deihjao Kahvangi hapayü shinnyih büpai dükpükei shennyak longi yangei tuhhen med kü mei leitü deihpeih.

KAHBHAO 45:5

Hanangkü shaang amphong mongteshang nevaijü ngei hatouei yutükpü nangkü am nyingi mongteshih; mehenangkü yangnyu longi yanghen nangkü Kahvangi ngei am shekü halei shompeih.

2 THESALONIKA 2:11

Ha vaipü nangkü jomi shahshem kü hinglemhen shingvaishi Kahvangi jom kü wong kohpü shahshem shompeih,

LEVI 10:6

Hahepak kü Mosai Aaron hatü büpalei cheha Eleazar hatü Ithamar nyi kü, “Am theppüyoungpü huei sho nehai-i tenyu, nevaijü ammei ashakviha teshaak; hapakei nevaijema amphongao dihen, hatü Shembüpai noknyü peü kü mongshihkahen. Shejao ammei shem amthü, Israel phang kemei Shembüpai henyi aw kü shamtükpü shingvaishi thepeiyounghen.

BHEI-IE 1:19

Sinai jahpanei Mosai nanglakthülei men nyangteke.

1 SHÜPPÜKENGPÜ 7:2

Tolalei hapeüthü: Uzzi, Rephaiah, Jeriel, Jahmai, Ibsam, hatü Shemuel. Jomphongü Tola am phang shemdep ieyei kü shangjing hatü veshanthü nyu. David ongpa hepak kü jom bhei-ie 22, 600 nyu.

SHAHPHENBÜTHÜ 2:14

Hanangkü Israel am khüei Shembüpa mongshih vam, hatü büpai jom aetpüshepü hatü gühpathülei lak kü shuohtük. Büpai jom ngeih-ei shonei nyupü vepathülei lak kü shuohtük, hatü jomi vepathü khüei nehokaok.

SHAHPHENBÜTHÜ 2:20

Hanangkü Shembüpai Israel am khüei mongshih vam hatü büpai e, “Mehenangkü hapa nanglakthüi ngei chebü chepa kü shuohpü vangpüshuwpü mangtük, hatü ngei epü nebangpü nangkü,

2 ONGPATHÜ 3:6

Hanangkü hahepak kü-üng Jehoram ongpai Samaria leipü daiyei Israel am peü thaihü.

1 SHÜPPÜKENGPÜ 7:40

Hathü peü Asherlei hühihathü, shemdep kü shangjingthü, men-e vehokpü shennyakthü, hatü mübü meipüthü nyu. Veshan dousho kü shüaokhen mü jomei nanglak 26, 000 thahshi nyu.

2 SHÜPPÜKENGPÜ 32:25

Shejao Hezekiahlei mongkü changmeiyei deih hatü büpa kü hushuohpü phahji kü mongongei nedeih; hanangkü büpa, Judah hatü Jerusalem kü hanghi pei.