2 SAMUEL 23:5 - DAÜLANGPÜ LAIHING (BSI)

⁵ Ngelei mong Kahvang mü hapakei nenyupü je? Lemphü kü shüpeikengei, yangei, büpai ngei mü nedohnetenpü vangpüshuwpü nelingangpü je? Büpai ngei napü peü kü betjük nejükhühen je?

2 SAMUEL 23:5 Referans Kwoze

ISAIAH 55:3

Ammei dhaong shaangtuh, hatü ngei touei peikei; Am yemmü nyuhen nangkü ngei epü bangtuh. Ngei am mü nedohnetenpü vangpüshuwpü linghen, hatü ngei David kü lahpü moihiman shuohhen.

JEREMIAH 32:40

Ngei jom kü doumei dükpü nedohhen, jom ngei toueipü nelüdaihen nangkü ngei jom mongdhüng vamhühen.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

HEBREW 6:19

Jen kü hapa monglem nyüpeih, hatü hapayü jenei laangha shing ailüng kei nyüke. Hapayü wong kohshi, lekhingshi hatü jen yangei tuhnyeih, hatü hapa monglemi haenpü ashak homei longi daülangpü shingei shünyüpeih.

PHONGSHANTHÜ DOU 13:34

Kahvangi büpa dipü kübü yangei leishihhen, hatü neshehen shei epü hapakei eyei nyüke: “Ngei amphong kü daülangpü, hatü ngei David kü lahpü hingshangpü moihiman shuohhen.”

AMOS 9:11

“Hapa nyih kü, ngei dodaipü David ongching lingei leihen. Ngei hapa leipü bentükpü shinghipheithü lingei leihen, hatü shelei nyupükei ja lingei leihen.

EZEKIEL 37:26

Ngei jom mü chingmeivangmei vangpüshuwpü hük linghen; hapayü nedohnetenpü vangpüshuwpü vaihen; ngei jom kü moihimanhen hatü jom nanglak dahüshehühen, hatü ngelei phopshem düngei jomei kahdokei chonglingei tuhhen.

ISAIAH 61:8

Mehenangkü Shembüpa ngeiyü shahhing kü bamnyeih; Ngeiyü gühpükaaipü hatü mang kü jiühitnyeih. Ngei hingshangi ngelei nanglakthü kü thintho shuohhen, hatü ngei nedohnetenpü vangpüshuwpü jomphong mü linghen.

ISAIAH 27:6

Ngoikahen nyihthü kü Jakob am tünglang yiühen, hatü jomi nien neenei bong punghen, hatü kahdoknyü peü kü betjüki mahen.

ISAIAH 11:1

Jesse pütüng kübü pünien hük vamkahen, hatü büpalei tünglang kübü Pükao hük vamei betjük jükkahen.

ISAIAH 7:14

Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.

ISAIAH 4:2

Hapa nyih kü Shembüpalei pükao nethe meishi hatü müknyinshi nyuhen, hatü kahdok kü vampü betjükü Israel am aopüthülei mongong hatü müknyinshekhang nyuhen.

MENVIH KESHO 119:81

Nüngei yemleipü kü ngelei laanghai ongyangnyeih; ngei nüngei shah kü monglemnyeih.

MENVIH KESHO 89:3

Ngei jelangpü hük mü vangpüshuwpü hük lingteke; ngelei chongphobü David kü lahtüktih.

MENVIH KESHO 62:2

Büpa monha ngelei yaongnyü; ngei yemleipü ngelei penyüsha; ngei nejenlenhen.

MENVIH KESHO 27:4

Shembüpa kü ngei dou hük phenyeih ngei yempeyü hapa hih: Ngelei yangnyu nyihyang kemei ngei Shembüpalei shemei nyuhen. Shembüpa nethe meipü kü veihen, hatü büpalei phopshemei büpa yemhen.

1 ONGPATHÜ 12:14

nethethüi eshuohpü keiha ongpai nanglakthü kü shaap haüshaüi, “Opai am kü hanggovih kohüteke, shejao ngei hapa mao vihpüba kohühen; opai am kü lüngi bheiteke, shejao ngei am kü yiüjikaungkangi kethüei shüveihen hih” shei e.

1 ONGPATHÜ 11:38

Ngelei chongphobü Davidi dükpü keipü nüngi ngei epü peü dükjema, hatü ngelei lemthü kü kamjema, hatü ngelei shahkung hatü vanglemthü dükei ngei touei mehe jiü, ha dükjema, ngei düngei nüng mü nyuhen. Ngei David kü dükpükei ngei nüng kao den kü longsha ongshem leihühen, hatü ngei nüng kü Israel am shuohhen.

1 ONGPATHÜ 1:5

Shaang Adonijah, David hi Haggith nyilei cheha-i, “Ngei ong vaihen hih” shei yaong. Hanangkü koyei kharithü hatü koyeithü hatü shennyak jom pinyipüan büpa shekü daihen tem.

2 SAMUEL 18:14

Joabi, “Nüng mü henüng eteiyei hepak angkü netükpih” shei etü büpai phung jem notü heih-ei Absalom yemmü longkham pükao kü ittü sheüshi nyushi mongdang kü hümteke.

2 SAMUEL 13:28

Hahepak kü Absalomi büpalei chongphobüthü kü, “Amnoni mechem yiüi chokei mongongshi chongkahen veituh, hatü mechem ngei amphong kü, ‘Amnon jütuh’ shei ephahenshang, büpa jütuh. Am tenyem; ngei ngeükhüam shuohnyeih; monglongtuh hatü wong kohtuh” shei e.

2 SAMUEL 13:14

Shejao büpai pinnyüi epü nebang; hatü pinnyü mü büpaüng wong kohpü nangkü büpai kangei pinnyü mü shi.

2 SAMUEL 12:10

Hanangkü shaang, nüngei shemong kübü yan mechemao neyanpih; mehenangkü nüngi ngelei shah neyah-i Hit am Uriahlei nyüha nüngei nyüha vaishi yahteke.

2 SAMUEL 7:18

Hahepak kü David ongpai mongei shüei Shembüpa touei uotü, “Ngei üpaang, Oh Shembüpa Kahvang, hatü nüngi ngei kü hajük thahshi müei peihen mü ngelei shemong meheang?

1 SAMUEL 25:28

Nüngei chongphobüi pungpü kü chingmeilemlingei mang tükshih; mehenangkü hingmei Shembüpai nüng kü nemahnechahpü ongching hük linghen; mehenangkü nüngi Shembüpalei med kü hoknyüpeih. Nüng yemmü nyupü thahshi mehe pungpüshaipao nevamhühen.

1 SAMUEL 2:35

Ngelei mongkü deihpü aimü chongphohen ngongpa hük ngei jehen. Ngei büpalei shemong chongkhenei linghen, hatü büpai ngei thiteiphuei jepü shingei düngei chongphohen.’

KAHBHAO 9:16

Mechem phumshangei nyiamnyünyiamkang vamhen, ngei ha kü veitü Kahvang hatü kahdoknyü leipü yem nyupü lemphü mü nedohnetenpü vangpüshuwpü deih-ei danghen.” shei e.

2 SAMUEL 7:12

Nüngei hantet kemei dijü nüngü nüngei bühipa mü vüphahen; nüng pheikü nüngei hühiha nüngei büm kübü vamhühen, hatü ngei büpalei ongching ong uoshing denshing linghen.

ISAIAH 54:10

Kahshangthü jenjao, shangchingthü yandailangmao, ngei am kü bampü nejenlenhen, nevaijü ngelei chingmeivangmei vangpüshuwpü neyandaihen shei am kü bampü Kahvangi enyüke.

JEREMIAH 33:21

ngelei chongphobü David mü vangpüshuwpü, hatü ngei chongphopü Levi am ngongpathü mü vangpüshuwpü mangtükaokhen, hatü Davidi laophülei ong uoshing kü vanglem lemhen hühiha neshiüi nyuhen.

MENVIH KESHO 111:9

Büpai laophülei nanglakkü yemleipü shuohteke; büpai laophülei vangpüshuwpü shuohteke. Büpalei men daülangi, hatü nyemshi nyüke.