2 SAMUEL 21:12 - DAÜLANGPÜ LAIHING (BSI)

¹² Philistia ami Gilboalei Saul hatü cheha Jonathan nyi jüei Beth-Sheanei sheüei tuhpü Jabesh Gilead ami güh-ei yahlangpü vangthü Davidi yah-ei leiteke.

2 SAMUEL 21:12 Referans Kwoze

JOSHUA 17:11

Issakhar hi Asher amei kahdok kon mongei Manasseh amei Beth-Shean, Ibleam hatü Dor nanglakthü, Endor, Taanakh hatü Megiddo hatü jom kü ngeihpü shonpü jilathü nyuteke (jempabüyü Naphath nyüke).

1 SHÜPPÜKENGPÜ 10:1

Shaang Philistia ami Israel am khüei hok; Israel am thepju kübü nyai hatü Gilboa Kahshangei longi mah.

2 SAMUEL 1:21

Gilboa kahshangthü kü nyien hi vangyung nyemtevü; Hapalei kahthü düngei kong nyemleidai. Mehenangkü halei wong kohpüthülei ii sheihtükteke, Hajük kü Saulei ii kü mainga-i nephuhen.

2 SAMUEL 1:6

Büpa kü shah-om kobüi, “Ngei Gilboa Kahshangei nyujü Saulü büpalei phung kü nyanshi, koyei kharithü hatü koyei kü uopü shennyakthü ngoiyaki,

1 SAMUEL 31:1

Shaang Philistia ami Israel am khüei hok; Israel am jom toueipü nyai, hatü Gilboalei longi jüteke.

1 SAMUEL 28:4

Philistia am thaitü peiyei Shunemlei baümtap ve. Sauli Israel am peü thaihütü Gilboalei baümtap ve.

1 SHÜPPÜKENGPÜ 10:8

Nyihphei, mechem Philistia ami dipü mahngthü leipü büm bomei yahhen peijapa, jomphong kü Saul hatü chehathü Gilboa Kahshangei diyei shükshi chongjateke.

1 SAMUEL 31:3

Saul shinei longi nemei-i hokteke, hatü vepalei phungi büpa kü sheütü longi nemei-i ma yah.

1 SAMUEL 31:4

Büpai büpalei vehok phunglang kopü nethepa kü, “Hathü Kahvang neshiüpü nejaptükpü Philistia ami ngei kü nyieneinyangei angtü jüphümangi nüngi nüngei yan yah-ei ngei kü bapshih” shei e. Shejao büpalei vehok phunglang kobüi hapayü nedükhü; mehenangkü büpai nyemei deih. Hanangkü Sauli laophü nyingi büpalei yan yah-ei vethahteke.

2 SAMUEL 21:11

Mechem David kü, Saulei yiükphü Aiahlei yiükha Rizpah-i dükpü jung ejapa,

2 SAMUEL 21:13

Büpai Saul hatü cheha Jonathan nyilei vangtao, hatü halei jütü shükshi chongjapüthülei vang koei lei.

2 SAMUEL 2:4

Hahepak kü Judah nanglakthü peiyei Judah phangkü ong vaihen David jeteke. Mechem jomphongi David kü, “Saulei mahngü Jabesh-Gilead ami vüpeih” shei eshuohpa,

1 SHÜPPÜKENGPÜ 10:12

jomei monglongpü veshanthü heih-ei Saul hatü chehathülei mahng Jabeshlei yahei leiteke. Hapheikü jomi hathülei mahng longkhampü phangei vüei tuh hatü nyih nyet shüaeiyungle.