2 SAMUEL 21:1 - DAÜLANGPÜ LAIHING (BSI)

¹ David vanglem lempü hepak kü nedoh-i bong jem thahshi münghishaü nyuteke, hatü Davidi Shembüpa kü ha nang phe. Shembüpai, “Saul hatü jomei shemong kü iy yenpü mang nyüke; mehenangkü büpai Gibeon am jütükpeih” shei e.

2 SAMUEL 21:1 Referans Kwoze

KAHBHAO 26:1

Shelei Abrahamei hepak kü peipü münghishaü keiha shao hapa kahdok kü münghishaü pei, hatü Gerar leipü Philistia am Abimelekh ong touei Isak heih.

KAHBHAO 12:10

Shaang hapa kahdokei münghishaü vam, hanangkü Abram hi Sarai nyi-i münghishaü nangkü kansho hük shingvaishi Ijiplei nyunüng yiü.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

JOB SHAHSHA APPÜ 10:2

Ngei Kahvang kü ngei tenyonghü; nüngi mehekei ngei khüei dokteinya shei eshuohhen.

2 ONGPATHÜ 8:1

Shaang Elisha-i Shunamlanyü, üpalei cheha yangei leishihpa, pinnyü kü, “Nüngei shem am müei daiyei nüngi mongpü shingei nyutuh; mehenangkü Shembüpai hapa kahdok kü shaühile hük peihühen temei nyüke, hatü hapayü bong nyet nyukahen” shei e.

2 ONGPATHÜ 6:25

Hapa shojung kü chingnyü kü aeipülepü longpü nyu; hapa ching shümpü hepak luangi nyupü nangkü hahying nedangi gadu hükei shangjing hük kü lop büali hatü lihaovang pua hük kü lop nga kü yuteihamteke.

1 ONGPATHÜ 18:2

Hanangkü Elijah-i Ahab touei peihen layaongei dai. Shaang Samarialei aeipülepü longi mangshi nyuteke.

1 ONGPATHÜ 17:1

Shaang Gilead kahdok Tishbe leipü Tishbe am Elijah-i Ahab kü, “Shembüpa, ngei chongphopü vanyangyem Israel Kahvangei men kü ngei lemhük kei mange thahshi bong shohük vang nevaijü nyien nevüküpih” shei e.

2 SAMUEL 5:23

Davidi Shembüpa kü pheshingkü büpai, “Nüngi jiüshangi te-aong; shejao jomei ngaümphei lemei shinei aongtuh hatü balsam püying yopailei hükpa lemeipü heih-ei hoktuh.

2 SAMUEL 5:19

Davidi Shembüpa kü, “Philistia am mü hokhen ngei daihen hiang? Nüngi jom ngelei lak kü yahpha-üla?” shei phe. Shembüpai David kü, “Aongtuh, hingmei ngei nüngei lak kü Philistia am yahphahen hih” shei e.

1 SAMUEL 23:11

Keilah bühü ami ngei Saul kü yepei shuohhen hiang? Ngei danpükei Saul hingmei peikahen je? Oh Shembüpa Israel Kahvang, nüngei chongphobü kü eshih” shei e. Shembüpai, “Büpa yiükahen” shei e.

1 SAMUEL 23:4

Hanangkü shao chem Davidi Shembüpa kü phe, hatü Shembüpai büpa kü, “Keilahlei yiütuh hatü ngei nüngei lak kü Philistia am lanei shuohhen” shei e.

1 SAMUEL 23:2

Büpai Shembüpa kü, “Ngei daiyei hapa Philistia am hahtükshah nyu?” shei phe. Shembüpai David kü, “Daituh, hatü nüngi Philistia am hahtuh hatü Keilah am yangtuh” shei e.

JOSHUA 7:1

Shejao Israel ami mangtükhen epü dou meheyao teyah shei Shembüpai epü nebang. Judah am jat kübü Zerahlei cheha Zimri, Zimrilei cheha Karmi, Karmilei cheha Akhani dou hanei joei yahteke. Hanangkü Shembüpa mongshihpü Israel am khüei vam.

BHEI-IE 27:21

Eleazar ngongpa touei büpa yaonghen hatü büpa shingvaishi Shembüpa toueipü Urim hatü Thummim kü Eleazari pheyei Shembüpai mongpü nyinghen. Hapa keiha Eleazari Joshua hatü Israel am khong kempü kü lem hupükei jom daihen hatü leihen” shei e.

LEVI 26:26

Mechem ngei ammei mophimo lem dohtükhen, nyüha ani jomei lakei nyupü hahying dük hük kü cheühen, hatü jomi hapa demei hanei shuohhen, hatü ammi hapa hahjao, shao-üng am aeipü nemeihen.

KAHBHAO 43:1

Shaang kahmük kü münghishaü nemeipüba nyuteke.

KAHBHAO 41:57

Kahmük peü leipü Ijiplei hahying shaknüng Joseph touei pei; mehenangkü kahdoknyü peülei hapa münghishaü longi mangshi peiteke.

KAHBHAO 42:5

Hanangkü hahying shaknüng mih peipü khongkü Israelei hapeüthüao omshi shiüteke; mehenangkü Kanan kahdokeiyao shaühile ngoiyei nyu.

2 SAMUEL 16:8

Nüngi Saulei ongching yahlangpeih; shaang Saul am shem iy yenhüpü nangkü Shembüpai nüng kü bhüh yemnyu khihma. Shembüpai nüngei ongching anha Absalom kü shuohtüktü nüngü ponghahnyu khihma; mehenangkü nüngü hangku iy yenhüpü shennyak” shei e.

2 SAMUEL 20:26

hatü Jair am Irayü Davidei ngongpa nyuteke.

2 SAMUEL 21:5

Jomi ongpa kü, “Israel kahmük kü hamei li hümtükhen hatü jütükhen shei üami kon lingnya,

2 SAMUEL 24:1

Shao Shembüpai Israel am kü mongshih, hatü büpai David homei jom kü shanghah koei peihü. Shembüpai büpa kü, “Daituh, hatü Israel hatü Judah veshanthü shangkuk ietuh” shei e.

JOSHUA 9:20

Jeni lahtükpü nangkü jom yemmü tuhhen; jeni lahtükpü mangtükjema Kahvangi jen hanghihühen.

RUTH 1:1

Shahphenbüthüi vanglem lempü nyih kü kahmük kü münghishaü hük pei, hatü Judah kahdok Bethlehem leipü shennyak hük chenyüha hatü cheha yeshang nyi mütü kansho hük shing Moab kahdokei nyunüng dai.

1 SAMUEL 10:22

Hanangkü jomphongi Shembüpa kü, “Hatouei peikahen shennyak shao hanei nyüpü je?” shei phe, hatü Shembüpai jangei, “Veituh, büpayü hanggothü phangei joshi nyüke” shei e.

MENVIH KESHO 27:8

Ngelei mongdangi, “Nüngei dhe yemtuh” shei enyüke. Shembüpa, nüngei dhe ngei yemhen.