2 SAMUEL 2:23 - DAÜLANGPÜ LAIHING (BSI)

²³ Shejao büpai nyokei neleipih shei e. Hanangkü Abner-i büpalei phungi vom kü peishi hüm. Büpa hatouei do, hatü dopü shingei di, hatü Asahel doei dipü touei peipü peüi nemoiloi-i yaongdaikem.

2 SAMUEL 2:23 Referans Kwoze

2 SAMUEL 3:27

Mechem Abner Hebronei müei leijapa, Joabi büpa penyüsha lemei shahjo eshuohnüngkei müei daiyei vom kü baptü jütük. Hanangkü büpa Joabei chenaü Asahel jüpü med kü büpaao mah.

2 SAMUEL 4:6

Jijinyi shem mongei wheat hah yahnüng shüpükei shüei büpa kü vom kü bapei jüphongtü Rekhab hi Baanah nyiyü nyaidai.

2 SAMUEL 20:10

Shejao Joabei lakei yanlu noshi nyupü Amasa-i nenying; Joabi büpalei vom kü baptü leihilang peü kahdokei chinshi hatouei büpa di. Büpai nyipabü nebap. Hapheikü Joab hatü chenaü Abishai-i Bikrilei cheha Sheba changei dai.

2 SAMUEL 5:6

Ongpa hatü büpalei shennyakthüi Jerusalemei nyupü Jebus am hahhen dai. Jebus ami David kü, “Nüng hatouei nepeiaokpih; mükphüngpü hatü lakhodaipüthüiyao nüng changei leitükaokhen” shei büpa halei nepeiaokshasha shei deihshi eshuohteke.

2 SAMUEL 2:24

Shejao Joab hi Abishai nyi-i Abner phei changei dai, hatü vanghe shüdaiyaki jiji nyi Gibeon lemei Giah yopailei nyupü Ammah Kahshangei pei.

2 SAMUEL 3:30

Hanangkü Joab hatü büpalei chenaü Abishai nyi-i Gibeonei hokshingkü Abneri jijilei chenaü Asahel jütükpü nangkü büpa-ao jütük.