2 SAMUEL 2:1 - DAÜLANGPÜ LAIHING (BSI)

¹ Hapheikü Davidi Shembüpa kü, “Judah chingnyüthü hükei ngei aongei nyuhen hiang?” shei phe. Shembüpai büpa kü, “Aongtuh” shei e. Davidi, “Mepalei ngei aonghenang?” shei phe. Büpai, “Hebronei aongtuh” shei e.

2 SAMUEL 2:1 Referans Kwoze

1 SAMUEL 30:31

hatü Hebron hatü David hatü büpalei shennyakthüi longteipü shingthü peü touei shomteke.

1 SAMUEL 23:2

Büpai Shembüpa kü, “Ngei daiyei hapa Philistia am hahtükshah nyu?” shei phe. Shembüpai David kü, “Daituh, hatü nüngi Philistia am hahtuh hatü Keilah am yangtuh” shei e.

1 SAMUEL 23:4

Hanangkü shao chem Davidi Shembüpa kü phe, hatü Shembüpai büpa kü, “Keilahlei yiütuh hatü ngei nüngei lak kü Philistia am lanei shuohhen” shei e.

KAHBHAO 32:2

Mechem Jakobi hathü eepa, büpai, “Hapayü Kahvangei baümtap!” shei e. Hanangkü büpai hapa shing kü Mahanaim shei men.

EZEKIEL 36:37

Shembüpa Kahvangi hapakei enyüke: Shao chem ngei Israel ami phepü kü mong shuohhen, hatü jom kü ha dükhen: Ngei jomei nanglak mikhong keiha,

MENVIH KESHO 143:8

Dhom mü nüngi bampü jung ngei bangshah; mehenangkü ngei nüng kü hinglemnyeih. Ngei daihen lem nyuhshih; mehenangkü nüng kü ngei ngelei laangha phoppü shomnyeih.

MENVIH KESHO 27:4

Shembüpa kü ngei dou hük phenyeih ngei yempeyü hapa hih: Ngelei yangnyu nyihyang kemei ngei Shembüpalei shemei nyuhen. Shembüpa nethe meipü kü veihen, hatü büpalei phopshemei büpa yemhen.

1 SHÜPPÜKENGPÜ 29:7

Jomi phopshem dou shingvaishi hon ton 170, ngin ton 340 dok kü, melangnyiam ton 620 dok kü hatü nyiam ton 3, 400 kü nyeishi shuoh.

1 ONGPATHÜ 2:11

Büpai Israel kü vangbong pinyi thahshi vanglem lem Hebronei vangbong nyet hatü Jerusalemei vangbong hapüanpüjem vanglem lem.

2 SAMUEL 15:7

Vangbong ali pheikü Absalomi ongpa kü, “Ngei Hebronei heihshah, hatü ngei Shembüpa kü lahtükpü dükshah.

2 SAMUEL 5:23

Davidi Shembüpa kü pheshingkü büpai, “Nüngi jiüshangi te-aong; shejao jomei ngaümphei lemei shinei aongtuh hatü balsam püying yopailei hükpa lemeipü heih-ei hoktuh.

2 SAMUEL 5:19

Davidi Shembüpa kü, “Philistia am mü hokhen ngei daihen hiang? Nüngi jom ngelei lak kü yahpha-üla?” shei phe. Shembüpai David kü, “Aongtuh, hingmei ngei nüngei lak kü Philistia am yahphahen hih” shei e.

2 SAMUEL 2:11

Davidi Judah phang kü Hebronei bong nyet mü lenyang vok vanglem lemteke.

SHAHPHENBÜTHÜ 1:1

Joshua didaipheikü Israel ami Shembüpa kü, “Kanan am khüei hokhen shingvaishi üam jat shong daihenang?” shei phe.

BHEI-IE 27:21

Eleazar ngongpa touei büpa yaonghen hatü büpa shingvaishi Shembüpa toueipü Urim hatü Thummim kü Eleazari pheyei Shembüpai mongpü nyinghen. Hapa keiha Eleazari Joshua hatü Israel am khong kempü kü lem hupükei jom daihen hatü leihen” shei e.

BHEI-IE 13:22

Jom Negeb homei aong, hatü Anakei hühihathü, Ahiman, Sheshai hatü Talmai am nyupü Hebron ngoishi peiteke. (Hebronü Ijip leipü Zoan mü vangbong nyeti yeihshi ching agteke.)

KAHBHAO 13:18

Hanangkü Abrami büpalei baümtap chaiyei daiyei Hebron Mamre leipü kahdok longkham püchongei nyu, hatü halei büpai Shembüpa kü moidü hük ling.

JOSHUA 15:13

Shembüpai Joshua kü epükei, büpai Judah am khong mü Jephunnehlei cheha Kaleb kü Kiriath-Arba, hapayü, Hebron (Arbayü Anakei chepa nyuteke) kahdok shuohteke.

1 SAMUEL 10:22

Hanangkü jomphongi Shembüpa kü, “Hatouei peikahen shennyak shao hanei nyüpü je?” shei phe, hatü Shembüpai jangei, “Veituh, büpayü hanggothü phangei joshi nyüke” shei e.

2 SHÜPPÜKENGPÜ 11:10

Zorah, Aijalon, hatü Hebron lingtü Judah hatü Benjamin kübü chingnyüthü kü penyü showteke.