2 SAMUEL 17:9 - DAÜLANGPÜ LAIHING (BSI)

⁹ Shaangao büpayü yaongsha nevaijü shing haneilei joshi shiühen. Büpalei veshanthüi shong nüngei veshanthü jüjema, hapa danpü peüi, ‘Absalom phei müpü veshanthü jüpüja’ ” shei eteihen.

2 SAMUEL 17:9 Referans Kwoze

1 SAMUEL 24:3

Büpai lem namei nyupü mi shem yaongsha hükei peiyei nyiumeiyei nyu. David hatü büpalei shennyakthüyü yaongsha mongpalei uoshi nyuteke.

1 SAMUEL 22:1

Davidi Gath leipü daiyei Adullam yopai leipü yaongsha hükei joshi nyu. Mechem büpalei jeihinaüthüi hatü chepalei shem ami ha danpa, jomphongi halei büpa touei pei.

JOSHUA 8:6

Jomi ham kü changei ching kübü laoei vamkahen; mehenangkü jomi, ‘Hathüyü sheleipükei-üng jen kü nyemei nyainyu khih’ shei eteihen. Hanangkü mechem ham jom toueipü nyaiyei leikahenshang,

JOSHUA 7:5

Ai ami jom hapüanpüvok hükshing jütük. Ai ami Israel am chingnyü penyüsha kübü Shebarim thahshi changei shanei kahjidhongei jüteke. Israel am nyempai mong mahdai.

2 SAMUEL 17:8

Ampa hatü büpalei shennyakthüyü ahshi mangshi hokpü shennyakthü, hatü cheha yahlangjü sheptao mangpükei nyüke. Ha mü lenei ampayü ponghok vaanshenghen longi nyingpü shennyak; büpai yanüng veshanthü mü nepaümnyih.

2 SAMUEL 17:10

Hahepak kü mailang kei monglongpü veshanthü nyempai mong maandaihen; mehenangkü Israel am peüi ampa, hatü büpa mü nyupüthüyü monglongpü veshanthü shei nyingei nyüke.

JEREMIAH 41:9

Shaang Gedaliah hatü büpa mü nyupüthü jüei mahng hüphongpü kahshayü Asa ongpai Israel am Baasha ongpa mü hokshingkü shopü kahsha nyuteke. Nethaniahlei cheha Ishmaeli hapa kü mahngthü maei hüphong.

1 SAMUEL 23:22

Leituh hatü büpa melei nyu, hatü üpa üpai eepa meishi shao chem lekei nyingkei; büpayü longi kon kohshi khih shei ngei kü eküpeih.