2 SAMUEL 16:1 - DAÜLANGPÜ LAIHING (BSI)

¹ Mechem Davidi shangtao maani homei heihjapa, Mephiboshethlei chongphobü Ziba büpa mü pongteinüng danei nyu. Büpa mü gadu nyi kü aan pha kho nyi, nyalingngupai vani lingpü aan kho hük, hatü betjükchoung kho hük hatü yiü-üm hük kotü nyuteke.

2 SAMUEL 16:1 Referans Kwoze

1 SAMUEL 25:18

Abigaili ajükao ne-angi aan kho nyi, yiü-üm nyi, meishi shoktükpü mi nga, vantükpü nyalingngupai choung kho hük, hatü adhajük vani lingpü aan kho nyi yah-ei gaduthü kü kohütü,

2 SAMUEL 15:32

Mechem David shangtao ngoipa, büpai Kahvang kü khümei nyushingkü Ark am shennyak Hushai büpa mü pongteinüng büpalei bhagthuh-ao shaaktüktü shangjing kü kahdok nyiotü pei.

AMOS 8:1

Shembüpa Kahvangi ngei kü betjükshüm mühdow hük huteke.

JEREMIAH 40:12

jom peü Judah kahdok Mizpahlei Gedaliah mü pongteinüng laophü laophü yanei nyupü shing leipü lei, hatü jomi yiü hatü betjük changshi dangteke.

JEREMIAH 40:10

Babylon am touei am leimao shei ngeiyü Mizpahlei nyunyeih; shejao amphongü yiü, betjük hatü olive mainga peü thaiyei tuhhahtuh, hatü ammi khüampü jilathü kü nyuei daituh.”

1 SHÜPPÜKENGPÜ 12:40

Shao jomei chingyowthü Issakhar, Zebulun, hatü Naphtali thahshi kübü gadu, ut, koyei hatü mohohthü kü hahying kohütü pei. Halei atta, adhajük, nyalingngupai van, yiü, olive mainga, mohoh hatü mi changshi shuohteke; Israel kü mongongmongle maei nyu.

2 SAMUEL 19:32

Barzillaiyü viüei bong büali nyuteke. Büpa longi shemmei vaipü nangkü büpai David Mahanaimei nyushi hahying shuoh.

2 SAMUEL 15:30

Shejao Davidü büpalei shangjing kü jümtü thepyaki lakong kamei Olive Kahshangei aongei nyu. Büpa mü nyupü nanglakthü kemei shangjing kü jümtü thepyaki aong.

1 SAMUEL 16:20

Hanangkü Jesse-i büpalei gadu yah-ei ha kü aan hatü yiü-üm maei yiü shih, hatü yum cheha hük omshi temei Saul touei jomphong mü David shomteke.

1 SAMUEL 10:3

“Nüng hatoueipü leiyei Tabor leipü longkham pünyü ngoijü nüngi shennyak jem Bethelei Kahvang mü heününg aongpü halei nüngi ponghen. Shennyak hüki yum cheha jem, shennyak hüki aan bhaok jem hatü hükpai yiü-üm hük kotü ponghen.

MIKA 7:1

Onyükei! ngeiyü aeipü shennyak hük pülei betjük nedangpükei, hatü nyalingngupai vü kü betjük nedangpükei khih. Nyalingngupai hatü adhajük ngei lümbenüng meheyao neshiü.

KANDOK 18:16

Thintho hüki lem apnyüpeih; hapai lupülongpü mü pongei eteiaoknyeih.

2 SAMUEL 19:17

Büpa mü Benjamin am haja hük, hatü Saulei shemei chongphobü Ziba, hatü büpalei hapeüthü jom anpünga hatü chongphobüthü jom kukha mütü Jordanei ongpa touei shülangi heih.