2 SAMUEL 12:9 - DAÜLANGPÜ LAIHING (BSI)

⁹ Nüngi mehekei Shembüpalei shah yaktüktü büpa touei henüng mang dou düknya? Nüngi Hit am Uriah vehok kü jütükhütü büpalei nyüha nüngei nyüha vaishi yahteke. Nüngi büpa Ammon amei yani mahhütükteke.

2 SAMUEL 12:9 Referans Kwoze

1 SAMUEL 15:19

Shejema nüngi mehekei Shembüpai epü nebangpa? Mehekei nüngi doumei nangma koei leipa hatü Shembüpa touei mang dükpa?” shei e.

AMOS 2:4

Shembüpai hapakei enyüke: Judah amei mang jem nangkü, hatü ali shingvaishi ngei hanghi neyahlangpih; Mehenangkü jomi Shembüpalei shahkung yaktük, hatü büpalei shahkungnyüthü nedük. Shejao jomei chebü chepa am keiha aihük shahshem kahvangi jom peü lemnyong kü mülangteke.

JEREMIAH 18:10

hapa jati ngei touei mang dükei ngei epü nebangjema, ngei mei dükhen shei deihpü yeiyatükhen.

MENVIH KESHO 90:8

Hami pungpü nüng touei haüshi nyüke, hamei jopü mang nüngei müknyinshekhang vangngai touei ngaiteke.

1 SAMUEL 15:23

Venle peyü phongyomthiphepü mang mü maanpü nevai, hatü changmei peyü lajei kü khümpü mang lepeih. Mehenangkü nüngi Shembüpalei shah yaktük, hanangkü büpaiyao nüng ong hean kübü yaktükteke”.

ISAIAH 5:24

Hanangkü yei kübü vampü awlomi hahtang hahtükpükei, hatü awlom touei thüngvan hemdaipükei jomei tünglang shedaihen, hatü jomei chübong bhihla keiha piyei lüdaihen. Mehenangkü jomi Jeiyong Shembüpalei shahkungnyüthü yakphong, hatü Israel amei Daülangpü Hükei shah yaktük.

2 SAMUEL 11:4

Hahepak kü Davidi pinnyü mühen shennyak shom. Pinnyü büpa touei müei pei, hatü büpai pinnyü mü shi. Pinnyü hangha daipü doh-ei daütüktü nyuteke. Hapheikü pinnyü shemei nyokei lei.

MENVIH KESHO 51:4

Nüng khüei, nüng monha khüei ngei mang thahteke, hatü nüng touei mehe ten nyu ha dükteke. Hanangkü nüngi ngei kü shahphenpeyü jiüphei; ngei nyonghüpü kü dah shakteke.

2 SHÜPPÜKENGPÜ 33:6

Büpai Ben-Hinnom Kahjilei chehapeüthü aw kü jakei moila shuoh; büpai phongyomei, teteivanei, thibü kü pheyei hatü yimpi laangthü mü pheyeiyuei nyu. Büpai Shembüpai mongshihhüei mang longi dük.

2 SAMUEL 12:10

Hanangkü shaang, nüngei shemong kübü yan mechemao neyanpih; mehenangkü nüngi ngelei shah neyah-i Hit am Uriahlei nyüha nüngei nyüha vaishi yahteke.

1 SAMUEL 15:26

“Ngei nüng mü neleiküpih. Nüngi Shembüpalei shah yaktükpü nangkü SHEMBÜPAiyao nüng Israel amei ong vaihen yaktükteke” shei Samueli e.

2 SAMUEL 16:7

Büpai David kü thaüvaüshingkü, “Leidaituh! Leidaituh! shennyak jüteipü shennyak! Yahlak neshiüpü shennyak!

1 ONGPATHÜ 15:5

Mehenangkü Davidi mepa Shembüpalei mük kü mei, ha dük, hatü Hit am Uriahlei nang mü lenei büpalei den kemei Shembüpalei shahkung neshai-i dük.

1 ONGPATHÜ 21:19

Nüngi büpa kü Shembüpai hapakei enyüke shei etuh: “Nüngi shennyakao jü, hatü büpalei mükjüpao yahnyu je?” Shembüpai hapakei enyüke: “Shi-i Naboth-ei iy laipü shingei-üng nüngei iyao laihen” etuh shei eteke.

MENVIH KESHO 51:14

Iy yenhüpü mang kübü ngei yangshih, Oh Kahvang, ngei yangpü Kahvang, hatü ngelei jui nüngyemleipü jung kesho wongmü lokhen.

MENVIH KESHO 51:16

Mehenangkü nüngi jakpü moila kü mongneongnyih, ngei paoh jakpü moila shuohjao nüngi ha kü mongneonghen.

KANDOK 14:2

Kangshangi kampüthüi Shembüpa kü nyemnyüpeih, shejao üpai ten düknya, hapa shennyaki büpa yakphongnyeih.