2 SAMUEL 12:10 - DAÜLANGPÜ LAIHING (BSI)

¹⁰ Hanangkü shaang, nüngei shemong kübü yan mechemao neyanpih; mehenangkü nüngi ngelei shah neyah-i Hit am Uriahlei nyüha nüngei nyüha vaishi yahteke.

2 SAMUEL 12:10 Referans Kwoze

ROM SHAHSHA APPÜ 2:4

Nevaijü büpai am kü phahjipü mop, büpa munenpü hatü nenteiaokpü kü ne-ienelemnyu je? Kahvang phahjiyü am mong leppü touei mühen shingvaishi shei deihei nedangnyu je?

MATHI 26:52

Hahepak kü Jisui büpa kü, “Nüngei yan hülangtuh; üami yan mü yaongnya, yani mahhen.

1 THESALONIKA 4:8

Hanangkü üpai hapa nyuhpüvenpü yaktüknya büpai shennyak nevai, shejao büpai Laangha Daülangpü shuohpü Kahvang yaktüknyeih.

MATHI 6:24

Üpaiyao shembü nyi chongphonüng neaok; mehenangkü aa hüki shembü hük kü jiühithen hatü hük kü bamhen, nevaijü shembü hük kü lanei shuohhen, hük ne-ienelemi yakphonghen. Nüngi Kahvang hatü mop nyi chemi chongphonüng neaok.

AMOS 7:9

Isakei hühihathü khümshing mangtükhen, hatü Israel amei daülangpü shingthü bentükhen; Ngei yanlu yah-ei Jeroboam ongpalei ongching khüei yaonghen.”

2 SAMUEL 18:33

Ongpai longi mongmang hatü büpa peshaden homei shangpa dung-amei aongei thep. Büpa aongyaki, “Oh ngelei hapeü Absalom! Ngelei ha, ngelei hapeü Absalom! Nüng nangjei ngei-ang dihah shepü-ü, Oh Absalom!, Ngelei hapeü, ngelei hapeü!” shei mahng thepteke.

1 SAMUEL 2:30

Hanangkü Shembüpa, Israel Kahvangi hapakei enyüke: Ammei shemong hatü mükhiphangi düngei ngei touei chongphohen shei lahteke, shejao shaang Shembüpai enyüke: ‘Ngei toueipü taishi lüdaituh; üami ngei kü dhüm shuohnya, ngei jom kü dhüm shuohhen, üami ngei yaktüknya, ngeiyao jom nyonghühen.

BHEI-IE 11:20

shejao lenyang hük kemei ammei shuonghiju kü yenshi, hatü mangteng thahshi hahhen. Mehenangkü ammi am mü nyupü Shembüpa yakphong, hatü, “Ham Ijip leipü mehekei layaongei daihahpa?” shei büpa kü eelaei eteke.

KAHBHAO 20:3

Shejao yahük mangh mü Abimelekh touei Kahvang yiüei büpa kü, “Nüngi yahpü nyüha tata kü dihen; mehenangkü pinnyü-ü shem yemdaipü nyüha hih” shei e.

1 ONGPATHÜ 15:5

Mehenangkü Davidi mepa Shembüpalei mük kü mei, ha dük, hatü Hit am Uriahlei nang mü lenei büpalei den kemei Shembüpalei shahkung neshai-i dük.

KANDOK 17:13

Mei kü ten nyokei shuohpü shennyakei shem kübü mang mechemao neyandaipih.