2 SAMUEL 11:1 - DAÜLANGPÜ LAIHING (BSI)

¹ Ha bong sheileilila hepak kü ongpa vehokei daiteipü hepak kü Davidi büpalei lakchongbüthü hatü Israel am veshanthü peü Joab mü vehokei shom, hatü jomi Ammon am hatü Rabbah shümei yah, shejao Davidü Jerusalemei nyu.

2 SAMUEL 11:1 Referans Kwoze

1 SHÜPPÜKENGPÜ 20:1

Hapa bong ongpai vehokei daiteipü sheileilila hepak kü Joabi veshanthü müei dai. Büpai Ammon kahdok hah, hatü Rabbahlei heih-ei hapa chingao shümei hah. David ongpayü Jerusalemei nyu. Joabi Rabbah hahtü lavüngtoiyei tuhphong.

1 ONGPATHÜ 20:26

Vangphei Ben-Hadadi ünyü hepak kü Aram veshanthü mütü Israel am mü hokhen shingvaishi Apheklei aong.

1 ONGPATHÜ 20:22

Hahepak kü hapa thibüpa Ahab ongpa touei peiyei, “Leiyei nüngei veshanthü wong kohshi thaiyei küpjan meishi lingtü show lingtuh; mehenangkü ngüvang ünyü hepak kü shao Aram ongpai nüng mü hoknüng peikahen” shei e.

CHONGVENBÜ 3:8

bamhen hepak hük, hatü jiühithen hepak hük; vehok hokhen hepak hük, hatü chingmei linghen hepak hük nyüpeih.

2 SHÜPPÜKENGPÜ 36:10

Sheileilila hepak kü Nebukadnezzar ongpai büpa yahnüng deishih-ei büpa mü Shembüpalei phopshem leipü dounyünangba kemei shetei lei, hatü büpa jeiyei chepa naü-eepa Zedekiah Judah hatü Jerusalem kü ong vaihüteke.

SHAHKÜP 3:11

Rephaim am khongkü Og ongpayü peü mü shoumpü shiüteke. Büpalei mahngshungü yangkü meter ali, ba kü meter nyi shei nyiami lingpü nyuteke. Hapayü shaang thahshi Ammon amei ching Rabbahlei nyüpeih.

EZEKIEL 21:20

Lem hükü Ammon amei chingnyü Rabbahlei yanlu noei peihen lem, hatü hükpayü Judah, hatü penyü showtükpü Jerusalem am khüei yanlu noei peihen lem laettuh.

ZEKHARIAH 14:3

Hahepak kü peihdaipü nyihthü kü kei Shembüpa daiyei hapa jatthü khüei hokhen.

1 SAMUEL 18:30

Hapheikü meshükpa Philistia ami hokhen daihenshang hajükpa Saulei lakchongbüthü meyü Davidei shennyakthü nyeinya aokpü dang; hapa keiha Davidü men-e leiteke.

2 SAMUEL 10:14

Mechem Ammon ami Aramea am nyaidaipü eepa, jomphongao Abishai toueipü nyaidai, hatü chingnyü mongei shüdai. Hanangkü Joabi Ammon am mü hokpü kübü Jerusalemei leidai.

JEREMIAH 49:2

Shejao ngei Ammon leipü Rabbah am khüei vebaong shemm kaonghen hepak ngoikünyüke shei Shembüpai enyüke. Hapayü bentüktü tuhhen, hatü hapa kü ngeihpü shonpü chingthü awi haptükhen. Hahepak kü Israel am changtükpüthü shao jomiyao hathü changtükhen shei Shembüpai enyüke.

JEREMIAH 49:3

Mahng theptuh, Oh Heshbon am; mehenangkü Ai chingnyü mahtükteke! Lentuh! Oh Rabbah nelathü! Dhoila ashak ümtü mahng theptuh; haleipü halei shei thamaei longteituh. Mehenangkü Molekh kahvang, hatü hapalei ngongpathü hatü lakchongbüthü mü wüpküpei daihen.

AMOS 1:14

Hanangkü ngei Rabbah khüei aw bahhühen, hatü hapai penyüsha hahtükhen. Hapa thepju nyih kü vaüpü eepü nyuhen, hatü yinglükleisho kei hokpü heipü nyuhen.

MENVIH KESHO 60:9

Üpai ngei penyü showtükpü chingnyülei müei daihen? Üpai ngei Edomei müei daihen?