2 SAMUEL 1:2 - DAÜLANGPÜ LAIHING (BSI)

² Nyih jempabü kü Saulei baümtap leipü shennyak hük büpalei büm-ow kemei shaaktüktü shangjing kü bhihla nyiotü David touei peiyei dhüm huei kahdokei doei lem.

2 SAMUEL 1:2 Referans Kwoze

1 SAMUEL 4:12

Ha nyih Benjamin am shennyak hük thepju kübü büpalei ashak shaktüktü, hatü shangjing kü kahdok nyiotü Shilohlei leiteke.

2 SAMUEL 4:10

ngei kü shahjangmei koei peinyeih shei deihshi, ‘Veituh, Saul didaiteke’ shei epü shennyakao ngei yepei büpa Ziklagei jütükpeih; hapa shahjangmei kü ngei büpa kü hapa laklei yahshuohpeih.

1 SAMUEL 25:23

Mechem Abigaili David eepa, pinnyü shülangi gadu dokshang leipü shüh-ei kahdok kü dhe shüshi David touei aümei sha.

JOSHUA 7:6

Hahepak kü Joshua-i laophülei ashak shaaktük, hatü om dhüshi Shembüpalei Vangpüshuwpü Pela touei kahdok kü dhe shüshi nyuteke. Israel am behethüiyao hapakei dük hatü shangjing kü bhihla nyioteke.

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

MATHI 16:21

Hahepak kü pangei Jisui büpalei nanglomthü kü büpa Jerusalemei daihen, hatü behethü, ngongpathü hatü shahkung nyuhbüthülei lakmongei longi shangponghen, hatü jühen hatü nyih jempabü kü yangei leihen shei ehen chongpang.

MATHI 12:40

Mehenangkü Jonah nyih jem, ya jem nyah-ei vom mongei nyupü keiha Shennyak Hayao nyih jem ya jem kahdok mongei nyuhen.

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

HOSEA 6:2

Nyih nyi nyih jem pheikü büpai jen büpa mü nyuhen leilanghen.

MENVIH KESHO 66:3

Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

ESTHER 5:1

Nyih jempabü kü Esther-i ongla ow owtü ongshem mongpa dungnukei ongpai uoteipü dung mü khangteishi yaong. Ongpayao ongshem mongei ong uoshing kü ongshemei shüpü shaden kü khangteishi uoteke.

ESTHER 4:16

“Leituh, Susalei nyupü Jehoda am peü thaituh, hatü ngei nangkü nyih jem ya jem nehahneyingi shüaeiyungletuh. Ngei hatü ngei mü nyupü chongpholathü peü am keiha hamao shüaeiyunglehen. Hapheikü mon shahkungi nemongjao ngei ongpa touei heihhen: ha kü dijao nyemdidai” shei e.

2 SAMUEL 15:32

Mechem David shangtao ngoipa, büpai Kahvang kü khümei nyushingkü Ark am shennyak Hushai büpa mü pongteinüng büpalei bhagthuh-ao shaaktüktü shangjing kü kahdok nyiotü pei.

2 SAMUEL 14:4

Hapa Tekoa am nyühai ongpa touei peiyei büpa kü dhüm shuohei kahdokei dhe aümei shatü, “Oh ongpa, ngei kü sheühshih” shei e.

1 SAMUEL 20:41

Hapa naü aongdaipheikü Davidi yaong khongpü toueipü vamei Jonathan touei jempa thahshi kahdokei aümei shatü khüm. Jiji om kü jüptei, hatü chemi thep shejao Davidi nyeishi thep.

1 SAMUEL 4:16

Büpai Eli kü, “Ngeiyü shaangüng thepju kübü leiküpeih, shinnyih-üng ngei haleipü laongei leiküpeih” shei e. Eli-i, “Hapeü, mekei mekei vampa?” shei phe.

KAHBHAO 43:28

Jomphongi, “Nüng chongphobü, opayü meishi-üng shaang thahshi yemmü nyüpeih” shei e, hatü jomphongi aümei shatü büpa kü dhüm shuoh.

KAHBHAO 37:34

Hahepak kü Jakobi laophülei ashak shaaktük, hatü shüng kü dhoila ashak ngeihtü nyih longi mahng thep.

KAHBHAO 37:29

Mechem Reuben nyokei leiyei kahshalei veipa, büpai Joseph ne-eepü nangkü büpai laophülei ashak shaaktük.

KAHBHAO 22:4

Nyih jempabü kü Abrahami ngangei veishingkü hapa shing tailuei eeteke.

2 SAMUEL 1:3

Davidi büpa kü, “Nüng meleipü peiküpa?” shei phe. Büpai büpa kü, “Ngeiyü Israel amei baümtap leipü yangei daiküpeih” shei e.

EZEKIEL 27:30

Jom peü shangjing kü bhihla nyiotü, depla kü lüteiyei am nangkü shahyaki thepnyüke.

2 SAMUEL 13:19

Tamar-i pinnyülei shangjing kü depla nyio, hatü pinnyüi owshi nyupü bhagthuh lupü shaaktüktü pinnyülei laki shangjing kü düktü thepyaki leiteke.

2 SAMUEL 24:20

Mechem Araunah-i veishuohpa, büpai ongpa hatü büpalei chongphobüthü büpa lemei aongjapü eeyei ongpa touei büpa dhe aümei sha.